KERO Madaktari Halmashauri ya Mpimbwe na kutolipwa Call Allowance kwa zaidi ya mwaka mmoja

[Anonymous]

Madaktari hospitali ya wilaya katika Halmashauri ya Mpimbwe wanadai kunyimwa malipo ya call allowance tangu Februari mwaka jana, huku wakielezwa kuwa OC haijaingiziwa fedha hizo. Hata hivyo, fedha zimekuwa zikipokelewa lakini zinabadilishwa matumizi kinyume na kusudio lake na bila utaratibu wowote.

Kuna Muuguzi Mkuu wa Halmashauri (DNO) anahusika katika kubadili matumizi ya fedha hizo na kuwalazimisha madaktari kuwasilisha madai ya miezi miwili pekee mwaka huu, licha ya kudaiwa kudai malipo ya muda mrefu zaidi.

Hali hiyo imeelezwa kushusha morali ya madaktari kufanya huduma za dharura (on-call), jambo linaloweza kuathiri utoaji wa huduma kwa wananchi.

Muuguzi huyo amekuwa akitaka kuandikwa pia kwenye hayo malipo ya call allowance licha ya kwamba yeye hajashiriki, tunaomba kuufichua huu uovu.

 

[TypingError]

Basi sawa...

 

[Smart911]

Poleni sana...


Cc: Mahondaw

 

[ngungi dambwe]

wazee wakujiamulia mambo

 

[Sajo]

Madaktari hospitali ya wilaya katika Halmashauri ya Mpimbwe wanadai kunyimwa malipo ya call allowance tangu Februari mwaka jana, huku wakielezwa kuwa OC haijaingiziwa fedha hizo. Hata hivyo, fedha zimekuwa zikipokelewa lakini zinabadilishwa matumizi kinyume na kusudio lake na bila utaratibu wowote.

Kuna Muuguzi Mkuu wa Halmashauri (DNO) anahusika katika kubadili matumizi ya fedha hizo na kuwalazimisha madaktari kuwasilisha madai ya miezi miwili pekee mwaka huu, licha ya kudaiwa kudai malipo ya muda mrefu zaidi.

Hali hiyo imeelezwa kushusha morali ya madaktari kufanya huduma za dharura (on-call), jambo linaloweza kuathiri utoaji wa huduma kwa wananchi.

Muuguzi huyo amekuwa akitaka kuandikwa pia kwenye hayo malipo ya call allowance licha ya kwamba yeye hajashiriki, tunaomba kuufichua huu uovu.

Haki haibembelezwi inadaiwa. Acheni kulialia, pelekeni mgogoro wenu CMA kesho mapema, wenzenu hao kina DNO na Halmashauri wanawavizia kwenye kona, ili siku mkipata akili kutaka kwenda sehemu sahihi, CMA wawapige Pingamizi kuwa madai yenu yamepitwa na muda (siku 60) - na kimsingi ni kweli yamepitwa na muda. Mkiwa serious karibuni kwa legal consultation

 

[Anonymous]

Tunaomba mamlaka zinazohusika zifuatilie kwa haraka kero hii inayowakabili madaktari katika Hospitali ya Wilaya Mpimbwe.

Madaktari wamekaa miezi 15 mfululizo bila kulipwa fedha zao za on-call allowance, licha ya kuwa wameendelea kutekeleza majukumu ya kutoa huduma za dharura na kuwa kwenye zamu za kuitwa (on-call) kwa kipindi chote hicho.

Hali hii imeendelea kwa muda mrefu na imeanza kuua morali ya kazi kwa madaktari, kwa sababu wanatekeleza majukumu ya ziada bila kupata stahiki zao. Suala hili limejadiliwa mara kadhaa katika vikao na Mganga Mkuu pamoja na Mkurugenzi, lakini mpaka sasa hakuna majibu ya wazi yanayoeleweka kuhusu lini malipo hayo yatalipwa.

Kwa sasa, hali imefikia hatua ambayo madaktari wameanza kukataa kushika nafasi za uongozi ndani ya hospitali, kutokana na kukata tamaa na kutoridhishwa na namna suala hili linavyoshughulikiwa na viongozi wa CHMT ambao kimsingi wengi wao hawana sifa za kimiongozo za kuwa na nyazifa hizo. Hali hii inaweza kuathiri uendeshaji wa hospitali na hatimaye kuathiri utoaji wa huduma kwa wananchi.

Tunajiuliza, kama madaktari wanaendelea kufanya kazi za on-call kwa miezi 15 bila kulipwa stahiki zao, ni lini mamlaka husika itachukua hatua?

Tunaomba:
Mamlaka kutoa ufafanuzi wa wazi kuhusu sababu ya kutolipwa on-call allowance kwa miezi 15.
Madeni yote ya on-call allowance yalipwe kwa haraka.

Mamlaka za juu zifuatilie suala hili kwa kuwa vikao vya ndani havijatoa suluhisho.

Hatua zichukuliwe kurejesha morali ya madaktari na kuhakikisha uendeshaji wa hospitali hauathiriki.
Hii siyo kero ya madaktari pekee. Ni suala linaloweza kuathiri huduma za afya kwa wananchi wa Mpimbwe. Tunaomba mamlaka zichukue hatua kabla hali haijawa mbaya zaidi.