Kishimbe wa Kishimbe
JF-Expert Member
- Jul 18, 2013
- 7,835
- 8,703
😅
Nchi ilipofika ni pabaya sana.Ndugu Wananchi wenzangu wanaoumia,
Nimesimama mbele yenu kusema ukweli mchungu unaofichwa kwa nguvu nyuma ya propaganda za kisiasa.
Taifa letu haliongozwi tena kwa misingi ya sheria wala Katiba; linaendeshwa kwa hofu, vitisho, na ukatili unaotokana na ugonjwa hatari unaoitwa "Madaraka ya Kulevya."
Dawa za kulevya humfanya mtu kupoteza utu na kuwa mnyama.
Ndivyo ilivyo kwa madaraka ya sasa nchini mwetu.
Watawala wetu wamelewa chakari!
Wamelewa sifa, wamelewa ukwasi, na sasa ulevi huo umewafikisha hatua mbaya zaidi: hatua ya uwendawazimu wa kisiasa ambapo wako tayari kumwaga damu ili kulinda viti vyao.
Angalieni uhalisia wa nchi yetu hivi sasa, unajidhihirisha katika madhila makuu mawili:
1. Utekaji, Mateso, na Mauaji: Kufuta Sauti za Wakosoaji
Kilele cha mtu aliyeshiba "madaraka ya kulevya" ni woga wa kupoteza kile alichonacho—na hofu hii inazaa unyama. Leo hii, kuwa na wazo tofauti au kukosoa serikali imekuwa ni hatari sawa na kujisajili kwenye kifo.
Tunashuhudia wimbi la kutisha la utekaji nyara wa mchana kweupe, ambapo watu wasiojulikana—wakilindwa na ukimya wa vyombo vya dola—wanavamia raia, wanavunja milango, na kuwapoteza.
Ndugu zangu, miili ya watanzania inapatikana imetupwa kwenye viunga, hospitalini, na majalalani ikiwa na alama za mateso makali, huku wengine wakipotea kabisa bila kujulikana walipo.
Huu si uongozi; huu ni ugaidi dhidi ya raia wako wenyewe! Wakosoaji wanadhalilishwa, wanateswa kwenye magereza ya siri, na kuuawa kwa sababu tu wamethubutu kusema ukweli.
Watawala wanataka kutupa ujumbe mmoja: "Ukinipinga, nitakupoteza, na wananchi watapiga kelele kwa muda kisha watasahau."
2. Vita vya Mbwa Mwitu Ndani ya CCM: Uroho Unaorarua Taifa
Wakati damu ya raia wasio na hatia ikimwagika mitaani..
Tazama yanayoendelea ndani ya Chama Cha Mapinduzi (CCM).
Huu ni uthibitisho tosha wa ulevi wao. Ni genge la watu wanaoraruana wenyewe kwa wenyewe kwa uroho wa madaraka.
Mifarakano ya hivi karibuni, kufukuzana uanachama, na kutegeana mitego ya kisiasa ni dhihirisho kuwa mle ndani hakuna anayewaza habari za matibabu yenu, njaa zenu, au mustakabali wa nchi.
Wao wako bize kupigania nani atakuwa mtawala mkuu wa genge, nani anyonye keki ya taifa kwa mapana zaidi, na jinsi gani watakavyoendelea kujilimbikizia mali.
Wanatumia nguvu, rasilimali, na pingu za nchi kupigana wenyewe kwa wenyewe na kukandamiza upinzani ili tu kulinda matumbo yao.
Ndugu zangu, hadi lini tutanyamazishwa kwa hofu?
Hatuwezi kuendelea kuwa wasindikizaji wa utawala wa umwagaji damu.
Ukimya wetu ndiyo unaowapa watekaji na wauaji jeuri ya kuendelea kuvamia nyumba zetu.
Dawa ya mlevi wa madaraka si kumlilia au kumwomba msamaha; dawa yake ni kusimama kidete na kumnyang'anya chupa ya ulevi!
Tiba ipo mikononi mwetu sisi wananchi kupitia umoja, kukataa uoga, na kudai haki na katiba mpya itakayolinda uhai wa kila Mtanganyika.
Nawaasa viongozi wote waliolewa madaraka, wanaoteka, wanaotesa, na wanaoua raia:
Damu ya watanzania haitawaacha salama!
Viti hivyo mnavyovidumisha kwa mtutu wa bunduki na pingu ni vya kupita. Hamna hakimiliki ya nchi hii.
Siku ambayo nguvu ya umma ikiamua kusema "IMETOSHA," hakuna suti, cheo, gari la vao la kuzuia risasi, wala mitandao yenu ya kisiasa itakayowasitiri dhidi ya hukumu ya historia na haki ya Mungu.
View attachment 3657818
Zindukeni, Kataeni Uoga, na Simameni Kutetea Uhai na Haki Zenu!
Za ndaani kabisa, sababu ni nini?
na tuna verifyTafukuri ya Mshana!
The biggest joke on earth is computer asking us to verify that we're humans !
sisi ni wajingana tuna verify
Tunavuka na Lissu leoSiasa za Tanzania zinaumiza mnooo
hasa ukiwa unajua vitu hata kidogo.
Binafsi sina la kufanya hata kidogo huwa nabaki kuumia tu nasukumizia na bia siku inaisha.
unafki na uchawi bila kusahu ukatili na roho mbaya uliopo huko serikali kuu ni wa kiwango cha juu mno hivyo ukiona mtu yoyote anafanya chochote public muonee tu huruma.
Naamini Tanzania itakombelewa na kizazi kijacho hata si hiki kilichopo. maana hata hawa waliopo hayupo wa kutuvusha na kufika tunapohitaji.
Mwenzio sina maoni na hata nikiwa nayo hakuna atakaye yasikiliza au kuyafanyia kazi.Una maoni gani bibiye? Wakati mwingine tuwafikirie tena? Os
mimi naandaa kesho ya wanangu hata nisipokuwepo minyororo yangu iwasaidie🥺🤔😪🙇🏿♂Mwenzio sina maoni na hata nikiwa nayo hakuna atakaye yasikiliza au kuyafanyia kazi.
mimi naandaa kesho ya wanangu hata nisipokuwepo minyororo yangu iwasaidie
Uroho na ulafi ndio umetufikisha hapa🙇🏿♂🙇🏿♂🙇🏿♂Mkuu mshana salute kwako, ni kweli kabisa imefika mahala watu wamechanganyikiwa lakini hawawezi kutoka front wakasema chochote, ooga ,uchawa, umbea ,kuviziana, ulafi, etc.etc etc, nchi imekuwa ya hovyo hakuna tena uhuru wa fikra , ukiwa na mawazo tofauti wanakuua, yani kwakweli ni Mungu tu aingilie kati, mimi nilipoamua kuwa mbeba boksi walinishambulia sana nikasema potelea mbli bora niwe kikaragosi huku kwa wenye akili kuliko kujitoa ufahamu na kushangilia eti mambo yanakwenda wakati hayaendi. Uroho na ulafi ndio umetufikisha hapa. Ila kama ulivyosema mwisho wake unakaribia, hata manyumbu yakinyanyasika sana hufika mahala yanajiunga na kusema liwalo na liwe na hatimaye hata simba wanakimbia na kuwaaacha huru.