Mafunzo ya RC Gambo kwa Halmashauri Kuu ya CCM Mkoa Arusha yaingia shubiri

Mafunzo ya RC Gambo kwa Halmashauri Kuu ya CCM Mkoa Arusha yaingia shubiri

Waziri2025

Waziri2025

Senior Member
Joined
Sep 2, 2019
Posts
149
Reaction score
380
KATIBU MKUU
WA CHAMA CHA MAPINDUZI (CCM)
S.L.P 50
DODOMA.

YAH: MALAMIKO DHIDI YA MKUU WA MKOA WA ARUSHA MRISHO GAMBO

Mheshimiwa Katibu Mkuu wa Chama Cha Mapinduzi (CCM) Taifa Ndugu Bashiru Ally, sisi ni baadhi wajumbe wa Halmashauri Kuu ya Chama Cha Mapinduzi Mkoa wa Arusha, tunachukua fursa hii kupitia barua yetu kuleta malalamiko yetu kwako kuhusu yaliyojiri katika semina elekezi (retreat) iliyoandaliwa na Mkuu wa Mkoa wa Arusha, Mrisho Gambo Januari 19-21 2020 wilayani Karatu.

Mheshimiwa Katibu Mkuu, Kikao kilifanyika kwa siku 3 ambapo siku ya kwanza wajumbe takriban 61 walitembelea Mamlaka ya Hifadhi ya Ngorongoro (NCAA) na kila Mjumbe alilipwa Posho ya kikao @300,000, Malazi, Chakula na Usafiri wa kwenda na kurudi kwa kutumia magari ya serikali na ya binafsi.

Pia, wajumbe wote walilipwa posho ya shilingi 80,000 kila moja na ofisi ya Chama Cha Mapinduzi Mkoa wa Arusha.

Kwa mujibu wa mwaliko wa Mkuu wa Mkoa, lengo la semina hiyo ilikuwa ni kutengeneza mahusiano na waliotoa mafunzo Katibu wa CCM Mkoa wa Arusha Musa Matoroka, Afisa Takukuru Mkoa wa Arusha, na Afisa Maadili Mkoa.

MALAMIKO:
Mheshimiwa Katibu Mkuu wa CCM Taifa kama tulivyoeleza hapo awali, lengo la waraka huu ni kuleta malalamiko yetu kwako kama Mtendaji Mkuu wa chama dhidi vitendo vilivyojiri vya ukiukwaji wa Katiba, Kanuni na Taratibu vilivyofanywa na Mkuu wa Mkoa wa Arusha Mrisho Gambo.

Sisi kama viongozi na wanachama wa CCM tunaamini kuwa tunaowajibu wa kulinda Katiba, Kanuni, Taratibu na miongozo inayosimamia chama chetu ili kuwa mfano mbele ya jamii na pia vyama vingine vya siasa.

1. Mheshimiwa Katibu kilichotushangaza semina hiyo hiyo iligeuka kuwa kikao cha Mkuu wa Mkoa ambapo alitumia zaidi ya masaa matatu kueleza kazi alizofanya badala ya malengo ya awali tuliyoelezwa ya kujenga mahusiano.

2. Kikao hicho pia kilitoa jukwaa kwa Mbunge wa Viti Maalum Catherine Magige kueleza kazi zake kwa masaa matatu lakini Mbunge mwingine Amina Mollel alinyimwa fursa hiyo, hali iliyoleta vurugu kwa baadhi ya wajumbe na mbunge Amina kuangua kilio mbele wajumbe.

Mh Catherine na Mh. RC Mrisho Gambo wamekuwa wakigawa chama kwa muda mrefu kwa maslahi yao binafsi na kuumiza makada mbalimbali waaminifu na watiifu kwa CCM mkoani Arusha, na mbaya zaidi wamemwingiza M/kiti mpya wa mkoa ndugu Zelote na katibu wa mkoa Ndugu Musa Matoroka katika harakati za kukigawa Chama cha Mapinduzi katika mkoa wa Arusha.

Hata hivyo amewatengeneza baadhi ya viongozi wa dini na wazee na wafanyabiashara, hasa Wahindi wakiongozwa na Sheikh Mkuu wa Mkoa wa Arusha ili kumtengenezea sifa kumwomba kuwa mgombea Moja ya majimbo ya mkoa Arusha.

Kama viongozi tunahisi kupewa rushwa. Na mmoja wa wafadhili wake ni Wahindi na Mhifadhi NCAA Ndg. Manongi, Mkuu wa Hifadhi ya Ngorongoro.

Mheshimiwa Katibu Mkuu tunaamini hatua ya Mbunge Amina Mollel ambaye kimsingi ana hadhi sawa na Magige hakijafanywa kwa bahati mbaya. Ni maelekezo ya Mkuu wa Mkoa ili kutoa nafasi ya upendeleo kwa Magige ambaye ni mshirika wake kisiasa.

Pia, kulikuwa na nia mbaya ya kumdhalilisha Mbunge Mollel mbele ya wajumbe ili kumvunja nguvu kisiasa. Tunaamini kuwa Katiba ya chama chetu hairuhusu ubaguzi kwa Mbunge huyo ni mwakilishi wa kundi nyeti la walemavu.

3. Mheshimiwa Katibu Mkuu, pia tumesikitishwa na tunalalamikia vitendo walivyofanyiwa wajumbe wawili wa Halmashauri Kuu ya Mkoa wa Arusha Neema Mollel na Jasmin Bachu ambao awali walifanyiwa maandalizi ya vyumba (bookings) katika hoteli mbili tofauti lakini kila walipofika ilionekana majina yao yako kwenye kitabu cha wageni vyumba vilikuwa na watu.

Baadaye wajumbe hao walipelekwa hoteli iliyoko vichochoroni na walipopatiwa vyumba baadaye ilibainika kuwa kulikuwa mpango ovu dhidi yao (kubakwa) unaodaiwa kusukwa na kuratibiwa na RC Gambo kutokana hatua ya wajumbe hao kutofautiana yeye Gambo mara kwa mara katika vikao vya kamati ya siasa ya Mkoa.

Wajumbe hao baada ya kupata taarifa hizo kutoka kwa wasmaria wema waliondoka katika hoteli hiyo na kwenda kutafuta malazi sehemu nyingine.

Mheshimiwa Katibu Mkuu kwa madai hayo RC Gambo ni kiongozi anayekosa uvumilivu wa kisiasa kwa viongozi wenzake ambao wanatofautiana kimawazo na ni kiongozi ambaye anakosa maadili ya kiuongozi.

4. Mheshimiwa Katibu Mkuu siku iliyofuata RC Gambo alitoa lugha matusi kuwa kuna baadhi ya wajumbe waliopatiwa malazi ni wapumbavu, wahuni na malaya akiwalenga wajumbe hao wawili waliobadilisha hoteli baada ya kupata taarifa hizo kuwa wangefanyiwa vitendo vibaya. Na wajumbe hao walipotaka kuzungumza kujitetea Mwenyekiti wa kikao Zelothe Steven aliwapuuza kwa kuwanyima nafasi.

Wajumbe hao pia walikataa kupokea posho ya shilingi 300,000 na kurudisha fedha hizo lakini RC aliwakatalia.

Mheshimiwa Katibu Mkuu, tunashawishika kuamini kuwa Mkuu wa Mkoa kwa nafasi yake na kwa mujibu wa kanuni na taratibu za utumishi wa umma haruhusiwi kutoa lugha ya matusi mbele ya hadhara.

5. Mheshimiwa Katibu Mkuu, jambo la kusikitisha katika hicho, madereva walinyimwa chakula na posho ya malazi jambo ambalo ni kinyume na Utu na Haki za Binadamu na chama chetu. Na kibaya zaidi, Katibu Mwenezi wa chama Mkoa wa Arusha Gerald Munisi ambaye ni mshirika wa RC Gambo alitoa lugha chafu dhidi yao kuwa hawastahili kula, na chakula ni kwa ajili ya viongozi tu.

7. Msheshimiwa Katibu Mkuu, sisi tunaamini kuwa RC Gambo aliandaa semina hiyo kwa malengo na manufaa yake binafsi. Kwanza, kumwaminisha Mwenyekiti mpya wa CCM Mkoa wa Arusha Zelothe Steven kuwa katika kambi yake ya kisiasa na pia kuwashawishi wajumbe waliokuwa wakijiandaa kwenda kuonana Mwenyekiti wa CCM Taifa Dk. John Pombe Magufuli (Januari 23, 2020) ili wasimseme vibaya kutokana na utendaji kazi wake mbaya hapa Arusha.

HITIMISHO:
Mheshimiwa Katibu Mkuu, sisi wajumbe wa Halmashauri Kuu, tumesikitishwa na kufadhaishwa sana na vitendo vya ukiukwaji wa maadili ya chama chetu vinavyofanywa mara kwa mara na RC Gambo ambayo kimsingi imeleta mpasuko na mgawanyiko ndani ya CCM Mkoa wa Arusha, jambo ambalo halina afya kwa ustawi wa chama chetu kuelekea Uchaguzi Mkuu wa 2020.

Mheshimiwa Katibu Mkuu, sisi viongozi na wanachama tumekuwa tunajiuliza malengo ya RC wetu ni nini hasa? Tangu lini semina ya elekezi ya chama, tena Halmashauri kuu, ya mkoa kugharamikiwa na RC?

Kwanini retreat igeuzwe kuwa sehemu ya kuelezea utekelezaji wa ilani wakati haikuwa mahali pake?

Kwanini Mbunge mmoja apewe kueleza kazi zake mkoani na mwingine kunyimwa fursa hiyo?

Kama wajumbe wa Halmashauri Kuu wanasafirishwa na kupelekwa tour na Mkuu wa Mkoa na kulipwa posho yenye aina zote za harufu ushawishi wa kuwanunua ama kuwanyamazisha na kumsifia?

Dhana ya chama kusimamia serikali na wateule ili kutimiza wajibu wao kwa chama inatekelezwaje?

Kwanini retreat haikuandaliwa na chama Mkoa badala ya RC na fedha tulizolipwa na RC zimetokana na nani?

Waliotoa usafiri, malazi na chakula bure ni akina nani, wana malengo gani na chama chetu?

Je, hii si rushwa kwa wajumbe mbeleni ukizingatia wengine na watia kwenye uchaguzi huu?

Tunaomba ofisi ya Katibu Mkuu kufanya uchunguzi juu ya hali ya CCM mkoani Arusha hasa kipindi hiki tunakoelekea Uchaguzi Mkuu 2020.

ASANTE

TUNAOMBA KUWASILISHA.

Ni sisi wajumbe wa Halmashauri Kuu ya CCM mkoa wa Arusha leo tar 25/01/2020

images.jpeg

Sent using Jamii Forums mobile app
 
Mrisho ni Muwakilishi wa Raisi mtaumia nyie as long hajaitia hasara Serikali wala Chama tatizo lipo wapi kama vipi kashtakini Polisi... huu ni mwaka wa figisu kama huwezi kaa benchi.

Subirini mtayaoa mengi mno kama ni wageni kwenye Siasa. Sio Arusha tu kila mkoa tafuteni nanyi mbinu zenu... Kazi aliyofanya Mrisho kwa Niaba ya Raisi haina Mfano kwa umri wake
 
Wajumbe mbona sasa hamjaanguka masiginecha yenu?
 
Naona chuki ya kisiasa imetawala zaidi kwenye andiko lako.

Acha Fitna, fanya kazi. Unataka baraka kwa kupishana na boss wako?? Tena Gambo ana busara sana, Jaribu kupishana na JPM utaona moto.

Kama una nia njema shauri au toa taarifa kwa kutumia mifumo ya mawasiliano ya chama, sio huu umbea wa mitandaoni.

Sasa KM akitaka kukujibu au kukupigia cm atumie namba gani?
 
Labda yule mamà wa Arusha pale Kigàmboni alitaka kumueleza Rais Magufuli huu ufisadi!
 
Yani wewe ushajipangia na kambi yako kwamba utakuwa Waziri by 2025 kama username yako inavyosema. Kubali kwamba kundi lako mmepotezwa katika hili. Umezidiwa medani za kivita na Gambo. Kajipangeni upya.

Yani unajisifia kabisa kupata posho ambayo unasema ni rushwa na ukaipokea?...mtoa na mpokea ruchwa wote maganyende tu hata kama utajitetea namna gani.

Unatumia magari ya Serikali kwa shughuli za chama?...wewe mwana CCM gani unayeweza kupinga uovu ndani ya huku kwa upande mwingine ukifurahia huduma za chama kupitia mgongo wa serikali?

Ungekuwa na mashiko wewe na wenzako mlipaswa kutupia kavideo humu ka matusi kutoka kwa Gambo siku ya tukio na kilio cha mwanakambi mwenzio Amina Mollel otherwise mtaendelea kugaragazwa tu na kambi ya Gambo!

CCM hoyeeeeeee!
 
Abuka,
Mrisho Gambo huyu huyu ambae ni RC wa Arusha awe na busara? Kama Gambo ana busara basi mimi ni Askofu wa Canterbury.

Mrisho Gambo hana hata sifa ya kuwa mtendaji wa kijiji kwenye nchi iliyostaarabika.
 
Mfiaukweli said:
Mrisho Gambo huyu huyu ambae ni RC wa Arusha awe na busara? Kama Gambo ana busara basi mimi ni Askofu wa Canterbury. Mrisho Gambo hana hata sifa ya kuwa mtendaji wa kijiji kwenye nchi iliyostaarabika.
Click to expand...

Hivi huyo Gambo anayeongelewa ndiye huyu hapa?

 
Mlaleo said:
Mrisho ni Muwakilishi wa Raisi mtaumia nyie as long hajaitia hasara Serikali wala Chama tatizo lipo wapi kama vipi kashtakini Polisi... huu ni mwaka wa figisu kama huwezi kaa benchi... Subirini mtayaoa mengi mno kama ni wageni kwenye Siasa... Sio Arusha tu kila mkoa tafuteni nanyi mbinu zenu... Kazi aliyofanya Mrisho kwa Niaba ya Raisi haina Mfano kwa umri wake
Click to expand...
Sikujua kuwa wewe ni mrisho

Sent using Jamii Forums mobile app
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register