Mtu unaposema kiongozi ni mcha Mungu halafu kiongozi huyo huyo chini ya utawala wake, wanaomkosoa wanauawa, wanatekwa, wanashambuliwa, wanapotezwa, wanabambikiziwa kesi za uhujumu uchumi; kiongozi huyo huyo anawabagua watu kwa itikadi zao, haheshimu haki za watu za kuchagua viongozi wanaowataka, anatunga sheria za kuwagandamiza watu na kufuta uhuru wao - kiongozi wa namna hiyo ni mcha Mungu au mcha miungu? Maana kuna miungu ambayo hutaka sadaka za damu, labda kama ni anamaanisha miungu ya namna hiyo LAKINI haiwezekani awe ni Mungu yule wa Ibrahim, wa Isaka na Yakobo, yaani yule anayeabudiwa katika KWELI NA ROHO WA MUNGU.
Kila alitumiaye jina la Mungu kuwahadaa watu, ataionja ghadhabu ya Mungu. Mungu hajaribiwi wala kudhihakiwa.
Majaliwa awadanganye watu kwa lugha na maneno yote anayoweza kuyatengeneza lakini asimhusishe Mungu na udhalimu. Uuaji, utekaji, upotezaji watu - siyo miongoni kwa matendo ya wacha Mungu wa kweli.
Kiongozi anaweza kufanya makosa yote, na akasamehewa LAKINI muuaji hastahili msamaha wa aina yoyote. Ukimpa kura muuaji maana yake unashiriki uuaji na utajibu mbele za Mungu.
Ni aheri umpe kura yako hata Rungwe kuliko kumpa mgombea ambaye una uhakika kabisa ameua, ametesa ameonea. Ukimpa kura yako mgombea wa namna hiyo maana yake unataka watu waendelee kuawa, kushambuliwa, kuonewa au kupotezwa. Je, unajua safari hii atakayeuawa au kupotezwa au kuonewa siyo wewe, siyo kaka yako, baba yako, mjomba wako, rafiki yako, mwanajumuia mwenzako, classmate wako au jirani yako?
Zuia mauaji, mateso, utekaji, uonevu na ubaguzi kwa kujitenga kabisa na wagombea wanaoyapalilia hayo. Chagua viongozi wanaopigania haki ya kila mtu.
Sent using
Jamii Forums mobile app