My Take
Naunga mkono msimamo huu thabiti wa Katibu Mwenezi wa CCM Taifa comrede Amos Makala.
Nimeona maeneo Fulani eti Watendaji wamewaengua wagombea wa Chadema Kwa visingizio vya kipuuzi na Baadhi ya maeneo Wananchi wakawapa kichapo.
Tamisemi acheni ujinga,Kila kitu kilichofanywa na CCM kinaonekana Kwa Wananchi so hakuna haja ya mbeleko ndio maana Baadhi ya maeneo Wananchi waliandana baada ya Wagombea wao kutoka CCM kukatwa.
CCM haihitaji mbeleko kushindana na Vyama ambavyo havina uwezo wa kusimamishw wagombea Mitaa ,Vitongoji na Vijijini vyote achilia mbali mawakala.
Hongera Makala
======
View attachment 3147617
Katibu wa Halmashauri Kuu ya CCM Taifa, CPA Amos Makalla, amesisitiza kwa Ofisi ya Rais, TAMISEMI kutenda haki kwa vyama vyote katika Uchaguzi wa Serikali za Mitaa, Vijiji, na Vitongoji unaotarajiwa kufanyika Novemba 27, 2024. Alisema kuwa vyama vya upinzani vimekuwa wakidai kuwa wagombea wao pekee wamewekewa pingamizi, jambo ambalo linakosa ukweli.
Akizungumza na viongozi na wanachama wa CCM Wilaya ya Temeke, Dar es Salaam, CPA Makalla alieleza kuwa CCM pia ina wagombea waliowekewa pingamizi, na kwamba madai hayo ya upinzani ni ya kujaribu kuwahadaa wananchi. Alisisitiza kuwa chama kimejiandaa kushiriki uchaguzi huo na kitatoka kidedea kwa ushindi wa haki.
Makalla alitoa wito kwa TAMISEMI kuhakikisha uchaguzi unakuwa huru na haki, bila upendeleo kwa chama chochote. Alisema CCM inahitaji usawa na haki katika uchaguzi, na kwamba wataendelea kushindana kwa njia ya haki, huku wakiamini kuwa ushindi utapatikana kwa haki na utangazwe ipasavyo.
View: https://x.com/kwamekivaisi/status/1855116413934956684?t=pKN5OGMKN5CtpRoiquVP-g&s=19
@amosmakalla
