Wild Flower
JF-Expert Member
- Jul 20, 2023
- 977
- 1,966
Mgombea Ubunge wa Arusha Mjini kupitia Chama cha Mapinduzi (CCM), Paul Makonda, amewaambia wananchi kwamba yeyote anayewashawishi kuandamana badala ya kupiga kura Oktoba 29, 2025, awalipe kwanza fedha za kujikimu kwa kipindi cha miaka 10.
Akizungumza Jumatatu Oktoba 20, 2025, alipokuwa na wafanyabiashara katika Soko la Nyama Choma Kumbilamoto, Kata ya Vingunguti, Wilaya ya Ilala jijini Dar es Salaam, Makonda alisema:
“Mtu akikushawishi uvunje amani mwambie kwanza nipe hela ya kula miaka 10 ijayo. Kama ulikuwa na ndoto kupitia biashara yako ya kuuza mbuzi ujenge nyumba, ununue gari, uwe na mke au mume muishi maisha mazuri, basi mwambie tupigiane hesabu. Nipe changu niweke mfukoni ili likitokea la kutokea, nina uhakika wa maisha yangu miaka 10 ijayo,”