Mambo haya mmeyasababisha wenyewe, acheni kumnung'unikia Mungu

[Setfree]

Manung'uniko yamezidi. Lawama zimejaa. Kelele zimeongezeka. Eti kwanini Mungu anatuacha tunateseka? Eti kwanini anatuacha tunaumia, tunaugua, tunakufa..?

Ulisoma kitabu gani wewe kwamba Mungu aliumba bunduki, mabomu na virungu? Wanadamu wenyewe ndio wanaotengeneza silaha hizo kisha wanazitumia kupigana. Halafu wanaopigwa na kuachwa na majeraha wanamwangushia lawama Mungu eti kwanini anawaacha wanaumia?!

Ulisikiliza redio gani wewe ikakuambia kwamba Mungu ndiye aliyeweka mipaka ya nchi na kubuni majina ya nchi zilizopo leo? Majina ya nchi na mipaka mliiweka wenyewe. Baada ya kuigawanya dunia mpendavyo, kila nchi ikaanza kujivuna: Eti "sisi tuna akili kuliko nyinyi." "Eti sisi tuna nguvu kuliko nyinyi." Matokeo yake mmesababisha machafuko, magomvi na vita. Ndege zisizo na rubani zinapiga, miji mizuri inageuzwa magofu. Watoto wanabaki yatima, halafu mnamlaumu Mungu eti kwanini anaruhusu mabaya yanawapata?!

Ulisoma gazeti gani wewe kwamba Mungu aliumba sukari? Mungu aliumba vyakula vyenye "natural sugar" nyie mkaamua kujitengenezea sukari yenu kisha mnaiweka kwenye juice, kwenye maziwa, kwenye keki... halafu mkipata kisukari mnamnung'unikia Mungu, eti kwanini anaacha magonjwa yanawatesa?! Ulisikia wapi wewe kwamba Mungu ndiye aliyeumba hizo dawa mnazokunywa kisha zinawaletea "side effects" kibao?

Uliambiwa na nani wewe kwamba Mungu ndiye aliyetunga katiba na sheria zinazotumika katika nchi mbalimbali? Sheria mlizitunga wenyewe. Sheria hizo sasa zinawabana halafu mnamlalamikia Mungu eti kwanini haingilii kati. Aingilie kati mambo mliyoyapitisha wenyewe? Mambo yote hayo mabaya mmeyasababisha wenyewe, acheni kumnung'unikia Mungu.

Please, acheni kabisa kumlaumu na kumnung'unikia Mungu. Mungu aliiumba dunia isiyo na mabaya tunayoyaona leo. Hapo mwanzo kila kitu kilikuwa chema. Mabaya yaliyopo leo duniani ni sisi wenyewe tumeyasababisha kwa sababu ya dhambi zetu na tamaa zetu. Tukiendelea kumnung'unikia Mungu, yatatupata madhara makubwa. Soma Biblia uone yaliyowapata wana wa Israeli walipomnung'unikia Mungu baada ya kutolewa utumwani, Misri.

 

[Setfree]

“Basi watu wale wote waliomnung’unikia Bwana, wakaangamia.”
— Hesabu 14:36-37

 

[Setfree]

“Wala msiwe wenye kunung’unika, kama wengine wao walivyonung’unika, wakaharibiwa na mharibu.”
— 1 Wakorintho 10:10

 

[Setfree]

“Fanyeni mambo yote pasipo manung’uniko wala mashindano, ili mwe wana wa Mungu wasio na lawama, wala hila, katikati ya kizazi kilichopotoka.”
— Wafilipi 2:14-15

 

[Sun is Sun]

Mungu hayupo.

 

[Setfree]

Mungu hayupo.

Zaburi 53:1 BHN
Wapumbavu hujisemea moyoni: “Hakuna Mungu!”

 

[Whackiest]

Ameni

 

[Setfree]

Ameni

Haleluya

 

[tungatagaga]

Mungu ni mwema sana na anamjali binadamu aliyemwumba asiangamizwe;kwa hiyo alitoa tahadhari kwa Adam asile lile tunda ili asife.Yeye akala na matokeo yake ni haya yanayotupata sasa.Sasa ubaya wa Mungu ni upi?Hata Sasa makatazo yanayofanana na tunda yapo lakini tunapuuza na kumlaumu Mungu

 

[gTurn]

Quran ilishatuelekeza namna ya kujiheshimu

📖 Surah Al-Isra (17:7)

"If you do good, you do good for yourselves; and if you do evil, [you do it] to yourselves."

"إِنْ أَحْسَنتُمْ أَحْسَنتُمْ لِأَنْفُسِكُمْ ۖ وَإِنْ أَسَأْتُمْ فَلَهَا"



---

📖 Surah Fussilat (41:46)

"Whoever does righteousness — it is for his own soul; and whoever does evil — it is against it..."

"مَنْ عَمِلَ صَالِحًا فَلِنَفْسِهِ ۖ وَمَنْ أَسَاءَ فَعَلَيْهَا"

 

[Setfree]

Mungu aliiumba dunia isiyo na mabaya tunayoyaona leo. Hapo mwanzo kila kitu kilikuwa chema.

Mwanzo 1:31 (NENO)
Mungu akaona vyote alivyoumba, na tazama, vilikuwa vizuri sana.

 

[song 16]

May be vitu vingi uko sawa kwa muono wako ila sukari ya dukani haisababishi kisukari

 

[Setfree]

ila sukari ya dukani haisababishi kisukari

Sijasema sukari inasababisha kisukari moja kwa moja. Hata hivyo wataalamu wa Afya wamethibitisha kuwa matumizi ya kupita kiasi ya sukari yanachangia kwa kiasi kikubwa hatari ya kupata ugonjwa huo.

Sukari ya dukani inachangia kisukari hasa cha aina ya pili (Type 2 Diabetes) kwa njia zifuatazo:
Kwanza, unapokula vyakula vyenye sukari nyingi unaongeza kalori mwilini. Hali hiyo inaweza kukufanya unenepe. Ukinenepa na kuwa na uzito kupita kiasi unaongeza hatari ya kupata kisukari.

Pili, sukari huchochea insulini mara kwa mara: Sukari huongeza kiwango cha glukosi kwenye damu haraka. Mwili hulazimika kutoa insulini mara kwa mara ili kudhibiti glukosi hiyo. Hali hii ikiendelea kwa muda mrefu, mwili unaweza kuanza kuipuuza insulini (insulin resistance); na hiyo ni hatua ya awali ya kupata kisukari.

Tatu, sukari ya dukani husababisha mkusanyiko wa mafuta tumboni: Sukari nyingi, inayotoka hasa kwenye vinywaji vya sukari, husababisha mafuta kujaa maeneo ya tumbo. Jambo hili linahusiana moja kwa moja na hatari ya kupata kisukari. Kwa maelezo zaidi nenda Youtube, kasikilize video za Mkurugenzi wa WHO Kanda ya Afrika.

 

[Setfree]

Quran ilishatuelekeza namna ya kujiheshimu

📖 Surah Al-Isra (17:7)


"إِنْ أَحْسَنتُمْ أَحْسَنتُمْ لِأَنْفُسِكُمْ ۖ وَإِنْ أَسَأْتُمْ فَلَهَا"



---

📖 Surah Fussilat (41:46)


"مَنْ عَمِلَ صَالِحًا فَلِنَفْسِهِ ۖ وَمَنْ أَسَاءَ فَعَلَيْهَا"

Mkuu, mbona sijaongelea kujiheshimu?

 

[gTurn]

Mkuu, mbona sijaongelea kujiheshimu?

Soma aya achana na maneno yangu kama una akili utaelewa.

 

[Setfree]

Mungu hayupo.

Hata hii methali huiamini?
Ukiona vyaelea vimeundwa