Mamlaka ya Maji Singida (SUWASA) yaondoa changamoto ya maji Mtaa wa Ng’aida, Kata ya Kisaki

Roving Journalist · 2025-02-26T08:14:12+00:00

Mamlaka ya Majisafi na Usafi wa Mazingira Singida (SUWASA) imefanikiwa kuondoa changamoto ya muda mrefu ya upatikanaji wa huduma ya majisafi kwa wakazi wa Mtaa wa Ng’aida, Kata ya Kisaki, Manispaa ya Singida, baada ya kukamilisha mradi wa usambazaji wa maji katika eneo hilo. Mradi huo, unaotekelezwa na Fundi Sanifu wa SUWASA Mkami Magesa, umehusisha uchimbaji wa mitaro, ununuzi wa viungio na mabomba yenye kipenyo cha nchi 1.5 kwa urefu wa mita 1,950, ujenzi wa chemba za vizuizi na uwekaji wa alama za za kuonesha njia za mabomba ambapo jumla ya gharama za mradi huo ni shilingi 12,600,745. Akizungumza katika eneo la mradi, Magesa amesema kuwa mradi huo ni sehemu ya jitihada za kuboresha huduma ya majisafi kwa wananchi, hususani kwa wanawake ambao mara nyingi huathirika zaidi na changamoto ya upatikanaji wa maji. "Tumekamilisha huu mradi na tunaamini changamoto za maji, hasa kwa kina mama wa kisaki, sasa zimepungua. SUWASA itaendelea kuboresha huduma katika maeneo mengine kadri bajeti itakavyoruhusu," Baadhi ya wakazi wa mtaa huo wamesema kuwa kukamilika kwa mradi huo kumewapa faraja kwa kuwa sasa hawatalazimika kutembea umbali mrefu kutafuta maji safi, hali ambayo iliwapotezea muda mwingi. Mwenyekiti wa Mtaa wa Ng’aida, Juma Issa, ameishukuru SUWASA kwa kufanikisha mradi huo na kubainisha kuwa huduma hiyo itapunguza mzigo kwa kina mama na kuimarisha afya za wananchi. "Huduma hii itapunguza mzigo kwa kina mama na pia itaimarisha afya za wananchi wa mtaa wetu." Kata ya Kisaki ni moja ya maeneo ambayo SUWASA imefanya maboresho ya huduma ya maji ili kuhakikisha wananchi wanapata huduma bora ya majisafi na salama ambapo mpango huu ni endelevu.

Thread starter Roving Journalist
Start date Feb 26, 2025
Tags

changamoto changamoto ya maji maji mamlaka mtaa singida suwasa yaondoa

Roving Journalist

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mamlaka ya Maji Singida (SUWASA) yaondoa changamoto ya maji Mtaa wa Ng’aida, Kata ya Kisaki

Roving Journalist

JF Roving Journalist

Our Community

Regional Communities