Setfree
JF-Expert Member
- Dec 25, 2024
- 6,238
- 8,194
Nyakati hizi kuna watu wengi wanaoitwa manabii. Nabii ni mtu anayepokea ufunuo au maono kutoka kwa Mungu na kuyatangaza kwa watu. Kwa maneno mengine Nabii ni mtu anayeongea kwa niaba ya Mungu. Je, kila anayejiita Nabii ni nabii wa kweli? Biblia inatufundisha kwamba siku za mwisho, manabii wengi wa uongo watatokea na kuwadanganya watu wengi, yamkini hata walio wateule(Mt 24:24).
Hebu leo tuchunguze kwa makini tabia na mwenendo wa "manabii wa mchongo," yaani manabii feki au wa uongo, ili tujihadhari tusije tukadanganywa na kuiacha imani ya kweli, au tukaliwa pesa zetu bure.
Jinsi ya Kuwatambua Manabii wa Uongo.
1. Wanatangaza ufunuo au maono yao wenyewe, yaani yasiyotoka kwa Mungu.
Yeremia 14:14
"...Hao manabii wanatoa unabii wa uongo kwa jina langu. Mimi sikuwatuma, wala sikuwaamuru, wala sikusema nao. Wanawatabiria maono ya uongo, uaguzi usio na maana yoyote, uongo wanaojitungia wenyewe."
2. Ni watu wanaotafuta faida binafsi – Wanahubiri kwa lengo la kupata pesa na heshima kutoka kwa watu badala ya kutangaza kweli ya Mungu (Mika 3:11).
3. Hufanya miujiza ya uongo (2 Wathesalonike 2:9). Wanafanya miujiza feki ili kuwavuta watu. Wengine hukodi watu wa kushuhudia uongo kwamba wamepona au kupata miujiza fulani.
4. Hupotosha mafundisho ya Biblia – Wanachanganya ukweli na uongo na kuwavuruga watu wa Mungu (2 Petro 2:1-3).
5. Wanaishi maisha ya dhambi – Kwa haraka haraka wanaweza kuonekana kuwa watu wa Mungu, lakini ukichunguza kwa makini maisha yao utagundua yako kinyume na Neno la Mungu (Mathayo 7:15-20).
6. Hawana ushuhuda wa unabii uliotimia – Nabii wa kweli anathibitishwa pale unabii aliotoa unapotimia (Kumbukumbu 18:22). Manabii wa uongo, wakitoa unabii unaotimia huwa wanasema mambo ambayo hata kwa akili tu za kawaida unaweza kujua yatatokea. Kwa mfano kusema: "mwaka huu utakuwa mwaka wa baraka." "Fulani atashinda uchaguzi."
7. Hupenda kujikweza kwa kujiita majina mazito mazito kama vile: Nabii wa Kimataifa, "Master Prophet" nk. Katika Biblia hakuna nabii aliyejiita Nabii mkubwa. Wanazuoni tu ndio wanawaita hivyo manabii wale ambao vitabu vyao ni virefu.
8. Kuna wengine hawatabiri chochote lakini kwakuwa wanajiita manabii, hutumia jina hilo kufundisha mafundisho potofu. Mfano mzuri ni Shemaya. Huyu alijifanya kuwa ana mamlaka ya kinabii na akawachochea watu kupinga kweli ya Mungu. Katika Yer 29:24-32 tunasoma kwamba alituma barua kwa makuhani wa Yerusalemu akiwataka wamwondoe Yeremia kwa sababu ya ujumbe wake kuhusu uhamisho wa Babeli. Alidai kuwa Yeremia sio nabii wa kweli, akajaribu kuwashawishi watu wasimsikilize Yeremia.
Mpaka hapo naamini umetambua jinsi ya kuwatambua manabii wa mchongo au manabii wa uongo. Ufanyeje sasa ili kujiepusha nao? Zingatia njia hizi tatu kuu:
1. Pima Mafundisho yao kwa Neno la Mungu – Linganisha mafundisho yao kwa kusoma Biblia. Manabii wa kweli hufundisha kulingana na Biblia bila kupotosha Maandiko kwa faida zao binafsi. Kwa mfano, kama Nabii anakuambia "Biblia sio Neno la Mungu - ni maneno tu ya watu," soma mwenyewe Biblia utakuta Maandiko haya:
2 Timotheo 3:16 – “Kila Andiko, lenye pumzi ya Mungu, lafaa kwa mafundisho, na kwa kuwaonya watu makosa yao, na kwa kuwaongoza, na kwa kuwaadibisha katika haki.”
Andiko hilo linaonyesha kuwa Biblia ni kitabu kilichoandikwa kwa Uongozi wa Roho Mtakatifu.
2 Petro 1:20-21 – “Mkijua neno hili kwanza, ya kwamba hakuna unabii katika Maandiko upatao kufasiriwa kama apendavyo mtu fulani tu. Maana unabii haukuletwa popote kwa mapenzi ya mwanadamu; bali wanadamu walinena yaliyotoka kwa Mungu, wakiongozwa na Roho Mtakatifu.”
Kwahiyo maneno aliyoyaandika Paulo, kwa mfano, sio yake; ni maneno aliyoyaandika kwa kuongozwa na Mungu. Mwanafunzi akinakili maneno yaliyoandikwa ubaoni na mwalimu, huyo mwanafunzi atasema ni yake?
2. Angalia Matunda ya Maisha Yao – Yesu alisema “Mtawatambua kwa matunda yao” (Mathayo 7:16). Manabii wa kweli huonyesha tabia ya utakatifu, unyenyekevu, na maisha yanayoakisi tunda la Roho (Wagalatia 5:22-23).
3. Epuka Kufuata Miujiza tu – Manabii wa uongo mara nyingi hufanya ishara na miujiza ili kuwapotosha watu. Usivutwe tu na miujiza, bali hakikisha kuwa mafundisho yao yanakuhimiza kuwa mtakatifu mbele za Mungu. Pasipo utakatifu hakuna mtu atakayemuona Mungu(Ebr 12:14).
Mungu atusaidie tuwe waangalifu na kuhakikisha kuwa hatudanganywi na manabii wa uongo, wanaotumia jina la Mungu ili "kupiga pesa" na kuwatoa watu kwenye imani sahihi.
Katika post #2 ntaelezea sifa za manabii wa kweli.
May the LORD bless you and protect you from the wiles of the devil and all his agents. Amen
Hebu leo tuchunguze kwa makini tabia na mwenendo wa "manabii wa mchongo," yaani manabii feki au wa uongo, ili tujihadhari tusije tukadanganywa na kuiacha imani ya kweli, au tukaliwa pesa zetu bure.
Jinsi ya Kuwatambua Manabii wa Uongo.
1. Wanatangaza ufunuo au maono yao wenyewe, yaani yasiyotoka kwa Mungu.
Yeremia 14:14
"...Hao manabii wanatoa unabii wa uongo kwa jina langu. Mimi sikuwatuma, wala sikuwaamuru, wala sikusema nao. Wanawatabiria maono ya uongo, uaguzi usio na maana yoyote, uongo wanaojitungia wenyewe."
2. Ni watu wanaotafuta faida binafsi – Wanahubiri kwa lengo la kupata pesa na heshima kutoka kwa watu badala ya kutangaza kweli ya Mungu (Mika 3:11).
3. Hufanya miujiza ya uongo (2 Wathesalonike 2:9). Wanafanya miujiza feki ili kuwavuta watu. Wengine hukodi watu wa kushuhudia uongo kwamba wamepona au kupata miujiza fulani.
4. Hupotosha mafundisho ya Biblia – Wanachanganya ukweli na uongo na kuwavuruga watu wa Mungu (2 Petro 2:1-3).
5. Wanaishi maisha ya dhambi – Kwa haraka haraka wanaweza kuonekana kuwa watu wa Mungu, lakini ukichunguza kwa makini maisha yao utagundua yako kinyume na Neno la Mungu (Mathayo 7:15-20).
6. Hawana ushuhuda wa unabii uliotimia – Nabii wa kweli anathibitishwa pale unabii aliotoa unapotimia (Kumbukumbu 18:22). Manabii wa uongo, wakitoa unabii unaotimia huwa wanasema mambo ambayo hata kwa akili tu za kawaida unaweza kujua yatatokea. Kwa mfano kusema: "mwaka huu utakuwa mwaka wa baraka." "Fulani atashinda uchaguzi."
7. Hupenda kujikweza kwa kujiita majina mazito mazito kama vile: Nabii wa Kimataifa, "Master Prophet" nk. Katika Biblia hakuna nabii aliyejiita Nabii mkubwa. Wanazuoni tu ndio wanawaita hivyo manabii wale ambao vitabu vyao ni virefu.
8. Kuna wengine hawatabiri chochote lakini kwakuwa wanajiita manabii, hutumia jina hilo kufundisha mafundisho potofu. Mfano mzuri ni Shemaya. Huyu alijifanya kuwa ana mamlaka ya kinabii na akawachochea watu kupinga kweli ya Mungu. Katika Yer 29:24-32 tunasoma kwamba alituma barua kwa makuhani wa Yerusalemu akiwataka wamwondoe Yeremia kwa sababu ya ujumbe wake kuhusu uhamisho wa Babeli. Alidai kuwa Yeremia sio nabii wa kweli, akajaribu kuwashawishi watu wasimsikilize Yeremia.
Mpaka hapo naamini umetambua jinsi ya kuwatambua manabii wa mchongo au manabii wa uongo. Ufanyeje sasa ili kujiepusha nao? Zingatia njia hizi tatu kuu:
1. Pima Mafundisho yao kwa Neno la Mungu – Linganisha mafundisho yao kwa kusoma Biblia. Manabii wa kweli hufundisha kulingana na Biblia bila kupotosha Maandiko kwa faida zao binafsi. Kwa mfano, kama Nabii anakuambia "Biblia sio Neno la Mungu - ni maneno tu ya watu," soma mwenyewe Biblia utakuta Maandiko haya:
2 Timotheo 3:16 – “Kila Andiko, lenye pumzi ya Mungu, lafaa kwa mafundisho, na kwa kuwaonya watu makosa yao, na kwa kuwaongoza, na kwa kuwaadibisha katika haki.”
Andiko hilo linaonyesha kuwa Biblia ni kitabu kilichoandikwa kwa Uongozi wa Roho Mtakatifu.
2 Petro 1:20-21 – “Mkijua neno hili kwanza, ya kwamba hakuna unabii katika Maandiko upatao kufasiriwa kama apendavyo mtu fulani tu. Maana unabii haukuletwa popote kwa mapenzi ya mwanadamu; bali wanadamu walinena yaliyotoka kwa Mungu, wakiongozwa na Roho Mtakatifu.”
Kwahiyo maneno aliyoyaandika Paulo, kwa mfano, sio yake; ni maneno aliyoyaandika kwa kuongozwa na Mungu. Mwanafunzi akinakili maneno yaliyoandikwa ubaoni na mwalimu, huyo mwanafunzi atasema ni yake?
2. Angalia Matunda ya Maisha Yao – Yesu alisema “Mtawatambua kwa matunda yao” (Mathayo 7:16). Manabii wa kweli huonyesha tabia ya utakatifu, unyenyekevu, na maisha yanayoakisi tunda la Roho (Wagalatia 5:22-23).
3. Epuka Kufuata Miujiza tu – Manabii wa uongo mara nyingi hufanya ishara na miujiza ili kuwapotosha watu. Usivutwe tu na miujiza, bali hakikisha kuwa mafundisho yao yanakuhimiza kuwa mtakatifu mbele za Mungu. Pasipo utakatifu hakuna mtu atakayemuona Mungu(Ebr 12:14).
Mungu atusaidie tuwe waangalifu na kuhakikisha kuwa hatudanganywi na manabii wa uongo, wanaotumia jina la Mungu ili "kupiga pesa" na kuwatoa watu kwenye imani sahihi.
Katika post #2 ntaelezea sifa za manabii wa kweli.
May the LORD bless you and protect you from the wiles of the devil and all his agents. Amen
