DolphinT
JF-Expert Member
- Mar 9, 2016
- 2,014
- 2,979
Bwana Masauni napenda kutoa maoni yangu juu ya kauli yako inayohimiza nyumba za ibada kuhamasisha amani. Lengo langu ni kuomba ufafanuzi wa tafsiri yako ya neno amani na jinsi inavyopaswa kufikiwa katika mazingira halisi ya taifa letu.
Je, unapotaja amani, una maanisha watu wakae kimya pale ambapo haki zao zinaporwa, au unakusudia amani inayojengwa juu ya haki, uwajibikaji, na usawa? Ikiwa serikali inayosimamia usalama wa raia inahusishwa na matukio ya ukiukwaji wa haki za msingi, kama vile kupora uchaguzi, mauaji ya raia wasio na hatia, na ukandamizaji wa uhuru wa kutoa maoni, basi nyumba za ibada zitawezaje kuhubiri amani?
Tunapozingatia matukio kama ya hivi karibuni yanayovuma mtandaoni, ambapo raia mmoja ameuawa kwa kupigwa risasi mbele ya mke na watoto wake, ni vigumu kuona haki ikitendeka. Hadi sasa, askari waliohusika bado wako uraiani. Je, damu hiyo iliyomwagika itakavyotafsiriwa katika mahubiri ya amani na viongozi wa dini, ikiwa hatua za kisheria hazichukuliwi?
Aidha, tukio la Mzee Ali Kibao, ambalo lilizua hasira ya umma mbele Yako Kule Tanga na pia tukio la kunusurika kwa Bonge kutekwa Kiluvya, ambapo ushahidi wa video na majina ya waliotajwa ni wazi, vinaonyesha ukosefu wa uwajibikaji. Vijana hawa, ambao bado wanatuhumiwa kuendelea na vitendo vya uovu, wanaendeleza hali ya wasiwasi katika jamii. Je, ni kweli viongozi wa dini wanaweza kuhubiri amani wakati utawala wa sheria hauzingatiwi?
Pia, tukio la kijana Nondo kuondoka uraiani katika mazingira yanayohusisha vyombo vya usalama linaongeza maswali mengi. Je, tunaweza kusema kuwa jamii yetu inayo haki ya kweli? Hali kama hizi zinapotosha dhana ya amani na kuifanya ionekane kama uvumilivu wa uovu.
Kwa maoni yangu, viongozi wa dini hawapaswi tu kuhubiri amani bali pia haki na wajibu. Amani ya kweli huletwa pale ambapo haki imetamalaki, watu wanapewa nafasi ya kusema, na viongozi wanapowajibika ipasavyo kwa raia waliowapa dhamana.
Ninakuomba, Mhe. Waziri, utoe tafsiri wazi ya dhana ya amani unayokusudia ili raia waweze kuelewa vyema malengo ya kauli yako. Vinginevyo, tunahatarisha kuhubiri amani isiyokuwa na mizizi ya haki na usawa.
Au tukubaliane amani ni ninyi Muachwe mfanye chochote bila accountability?
Je, unapotaja amani, una maanisha watu wakae kimya pale ambapo haki zao zinaporwa, au unakusudia amani inayojengwa juu ya haki, uwajibikaji, na usawa? Ikiwa serikali inayosimamia usalama wa raia inahusishwa na matukio ya ukiukwaji wa haki za msingi, kama vile kupora uchaguzi, mauaji ya raia wasio na hatia, na ukandamizaji wa uhuru wa kutoa maoni, basi nyumba za ibada zitawezaje kuhubiri amani?
Tunapozingatia matukio kama ya hivi karibuni yanayovuma mtandaoni, ambapo raia mmoja ameuawa kwa kupigwa risasi mbele ya mke na watoto wake, ni vigumu kuona haki ikitendeka. Hadi sasa, askari waliohusika bado wako uraiani. Je, damu hiyo iliyomwagika itakavyotafsiriwa katika mahubiri ya amani na viongozi wa dini, ikiwa hatua za kisheria hazichukuliwi?
Aidha, tukio la Mzee Ali Kibao, ambalo lilizua hasira ya umma mbele Yako Kule Tanga na pia tukio la kunusurika kwa Bonge kutekwa Kiluvya, ambapo ushahidi wa video na majina ya waliotajwa ni wazi, vinaonyesha ukosefu wa uwajibikaji. Vijana hawa, ambao bado wanatuhumiwa kuendelea na vitendo vya uovu, wanaendeleza hali ya wasiwasi katika jamii. Je, ni kweli viongozi wa dini wanaweza kuhubiri amani wakati utawala wa sheria hauzingatiwi?
Pia, tukio la kijana Nondo kuondoka uraiani katika mazingira yanayohusisha vyombo vya usalama linaongeza maswali mengi. Je, tunaweza kusema kuwa jamii yetu inayo haki ya kweli? Hali kama hizi zinapotosha dhana ya amani na kuifanya ionekane kama uvumilivu wa uovu.
Kwa maoni yangu, viongozi wa dini hawapaswi tu kuhubiri amani bali pia haki na wajibu. Amani ya kweli huletwa pale ambapo haki imetamalaki, watu wanapewa nafasi ya kusema, na viongozi wanapowajibika ipasavyo kwa raia waliowapa dhamana.
Ninakuomba, Mhe. Waziri, utoe tafsiri wazi ya dhana ya amani unayokusudia ili raia waweze kuelewa vyema malengo ya kauli yako. Vinginevyo, tunahatarisha kuhubiri amani isiyokuwa na mizizi ya haki na usawa.
Au tukubaliane amani ni ninyi Muachwe mfanye chochote bila accountability?
