Nkobe
JF-Expert Member
- Feb 17, 2013
- 2,204
- 3,277
Maisha yake ya utotoni
Kizzmekia Corbett alizaliwa huko Hurdle Mills, North Carolina (Januari 26 1986). Alikulia katika familia kubwa ya ndugu wa kambo na ndugu wa kulea.
Corbett alienda Shule ya Msingi ya Oak Lane huko Roxboro A.L. Stanback Middle School. Mwalimu wake wa darasa la nne, Myrtis Bradsher, anakumbuka kutambua talanta ya Corbett akiwa bado mtoto mdogo na kumtia moyo mama yake Kizzy ahakikishe anasimamia hadi masomo ya ngazi ya juu. "Siku zote nilijua atafanya kitu kikubwa siku moja. Alipata alama za juu na akawa mwanafunzi bora zaidi katika miaka yangu 30 ya ualimu," Bradsher alisema katika mahojiano ya 2020 na The Washington Post.
Mnamo 2004, Corbett alihitimu kutoka Shule ya Upili ya Orange huko Hillsborough, North Carolina. Mnamo 2008, Corbett alipokea Shahada katika sayansi ya kibaolojia na sosholojia kutoka Chuo Kikuu cha Maryland, Kaunti ya Baltimore (UMBC), kama mwanafunzi katika Mpango wa Wasomi wa Meyerhoff. Corbett ni miongoni mwa kundi la wahitimu wa hivi karibuni wa UMBC (pia akiwemo Kaitlyn Sadtler) ambao wamejizolea umaarufu katika biomedicine wakati wa janga la COVID-19. Mnamo 2014, Corbett alipokea PhD katika microbiolojia na kinga ya mwili kutoka Chuo Kikuu cha North Carolina huko Chapel Hill. Kwa kazi yake ya udaktari, Corbett alifanya kazi nchini Sri Lanka kusoma jukumu la kingamwili za binadamu katika ugonjwa wa virusi vya dengue.
Uzoefu katika kazi
Alipokuwa katika shule ya upili, Corbett aligundua kuwa anataka kuendelea na masomo ya kisayansi, na kama sehemu ya programu inayoitwa ProjectSEED, alitumia likizo yake ya majira ya joto kufanya kazi katika maabara za utafiti, mojawapo ilikuwa katika Maabara ya Kenan. Mnamo 2005, alikuwa mwanafunzi katika majira ya joto katika Chuo Kikuu cha Stony Brook katika maabara ya Gloria Viboud ambapo alisoma “Yersinia pseudotuberculosis pathogenesis” kuanzia 2006 hadi 2007, alifanya kazi kama “teknolojia ya maabara” katika maabara ya Susan Dorsey iliyoko Chuo Kikuu cha Maryland School of Nursing.
Baada ya kupata digrii yake ya kwanza, kutoka 2006 hadi 2009, Corbett alikuwa mkufunzi wa sayansi ya kibaolojia katika Taasisi za Kitaifa za Afya (NIH), ambapo alifanya kazi pamoja na Dk Barney S. Graham. Katika NIH, Corbett alifanya kazi juu sayansi ya ugonjwa wa virusi vya njia ya upumuaji na pia kwenye mradi uliolenga maendeleo ya jukwaa la chanjo
Kuanzia 2009 hadi 2014, Corbett alisoma juu ya kingamwili ya binadamu kwa virusi vya dengue katika watoto wa Sri Lankan chini ya usimamizi wa Aravinda de Silva katika Chuo Kikuu cha North Carolina huko Chapel Hill (UNC-Chapel Hill). Alitafiti juu ya namna watu hutengeneza kingamwili kukabiliana na homa ya dengue, na jinsi maumbile ya homa ya dengue yanavyoathiri. Kuanzia Aprili hadi Mei 2014, kama sehemu ya utafiti wake wa tasnifu yake, Corbett alifanya kazi kama msomi anayetembelea katika Taasisi ya Utafiti ya Genetech huko Colombo, Sri Lanka.
Mnamo Oktoba 2014, Corbett alikua na wafanyakazi wenzake wa utafiti kama mtaalam wa kinga ya virusi katika taasisi ya afya ya Marekani ijulikanayo kama National Institute of Health ( yaani NIH). Utafiti wake ulikusudia juu “ugonjwa wa virusi na kinga”, aliangazia haswa maendeleo ya chanjo mpya za coronaviridae. Utafiti wake ulilenga namna ya kuifanya seli ya mwanadamu izalishe protini itakayopambana na Virusi vya SARS vilivyolipuka huko China na virusi vya MERS huko Mashariki ya kati, hasa Saud Arabia.
Katika utafiti wake aligundua njia rahisi ya kutengeneza protini (protein spike) ambazo kwa muundo wake hutoa kinga za mwili pale ambapo miili ya wanyama huvamiwa na virusi ama bakteria, utafiti huo aliufanya kwa kushirikiana na watafiti wa Taasisi ya Utafiti wa Chuo cha Dartmouth.
Uvumbuzi wa Chanjo ya COVID-19
Mwanzoni mwa janga la COVID-19, Corbett alianza kufanya utafiti wa chanjo ya kulinda watu dhidi ya ugonjwa wa coronavirus. Kwa kutambua kwamba virusi vya COVID-19 vilikuwa vikifanana kwa ukaribu na virusi vya SARS na MERS ambavyo alikuwa tayari kavifanyia utafiti miaka ya nyuma, timu ya Corbett ilitumia maarifa ya tafiti zake zilizotangulia kwa kutengeneza protini itakayo tuma ujumbe katika seli za binadamu ili kuzalisha askari wa kupambana na Virusi vya COVID-19 kwa mfumo wa Messenger (mRNA).
Timu ya Corbett kwa kushirikiana na Kampuni ya Moderna, kampuni ya bioteknolojia, alitengeneza chanjo ambayo aliifanyia majaribio kwa wanyama. Baadaye, chanjo iliingia katika majaribio ya kliniki kwa awamu ya kwanza katika siku 66 tu baada ya mlolongo wa majaribio. Baada ya muda mfupi kwa kulingana na hali vifo, Corbett aliijaribu chanjo hiyo kwa kwa watu wasiopungua 45 ambapo majaribio hayo yalionesha kufanikiwa.
Mnamo Desemba 2020, Mkurugenzi wa Taasisi ya Afya ya Marekani NIH, Anthony Fauci alisema "Kizzy (yaani Kizzmekia Corbett)” ni mwanasayansi wa asili ya Afrika (Muamerika mweusi) ambaye yuko mstari wa mbele katika utengenezaji wa chanjo. Katika wasifu wa Wakati, Fauci aliandika kwamba Corbett "alikuwa alikuwa msitariwa mbele na kiongozi mkuu wa uvumbuzi wa chanjo ya Moderna (mRNA) na kinga ya mwili ambapo uvumbuzi wake utaondoa changamoto ya kupumua ulioisumbua dunia kwa zaidi ya miaka 100.
Kazi ya Corbett alipoulizwa juu ya uhusika wake katika kuendeleza chanjo ya COVID-19, Corbett alisema, "Kuishi katika wakati huu ambapo nina nafasi ya kufanyia kazi jambo ambalo lina umuhimu mkubwa ulimwenguni kote ... ni wakati wa muujiza kwangu.”
Corbett alisema alilia wakati alipoona kuwa matokeo ya utafiti wake wa chanjo ya MRNA-1273 Moderna yalionesha kufanya kazi kwa ufanisi
Hivi sasa ni Profesa mwandamizi katika chuo kikuu cha Harvard kitengo cha mfumo wa kinga na magonjwa ya kuambukiza
