Mhariri The Standard atekwa, apatikana akiwa salama

[Elias Msuya]

Mhariri Mshiriki wa shirika la The Standard Group, Alex Kiprotich, amepatikana akiwa salama baada ya kutekwa nyara na watu wenye silaha usiku wa kuamkia leo.

Tukio hilo lilitokea kwenye barabara kuu ya Gilgil-Nakuru. Kanda ya video inaonyesha gari la waathiriwa likivamiwa na wanaume wenye silaha usiku. Waathiriwa wanasikika kwa hofu wakiuliza, "Tumefanya nini?" na "Tumefanya makosa gani?" huku wakilazimishwa na watekaji hao kufungua milango ya gari.

Hata hivyo, Kiprotich alipatikana mwendo wa saa 12:30 asubuhi karibu na Bwawa la Masinga. Watekaji hao walimtelekeza eneo hilo nyakati za alfajiri.

Baada ya kutelekezwa, alitafuta msaada kwa familia moja jirani iliyompa hifadhi na kumhudumia. Timu ya The Standard Group, ikiongozwa na Afisa Mtendaji Mkuu Chaacha Mwita, ilifika eneo hilo na kumchukua.

Kiprotich yuko salama kimwili, ingawa ameshtushwa sana na mkasa huo wa kutisha.

Shirika la The Standard Group limeeleza kuwa mazingira ya utekaji huo yanatia hofu kubwa na limeahidi kuendelea kushinikiza uwajibikaji kamili kutoka kwa mamlaka husika. Aidha, uongozi wa shirika hilo umetoa shukrani za dhati kwa wasamaria wema, hasa familia iliyompa hifadhi, na umma kwa ujumla kwa maombi na ushirikiano wao usiku kucha.

​

 

[Mr Q]

Anasema walikuwa wanamuuliza nini wakati wapo nae? Sorry bado sijafungua video

 

[Marcostilone]

Hiyo familia iliyompa hifadhi huko Masinga baada ya kutelekezwa inastahili sifa. Humanity still exists.

 

[fact only]

Kasheshe.