Mieleka ya WWE ni michezo ya kweli au ni movie live?

[bless on]

Unakumbuka zama za utotoni tukibishana kuhusu John Cena au The Undertaker? Wengi tuliamini wanauana kweli. Lakini leo tuweke mihemko pembeni na tuseme ukweli mchungu: WWE sio mchezo wa mapigano halisi, ni tamthilia (movie) inayochezwa live jukwaani!

Hapa kuna ukweli wa mchongo huu:

1. Kila Kitu ni Script

WWE ina timu kubwa ya waandishi wa stori kama walivyo waandishi wa Hollywood.

Mshindi Anajulikana: Kabla mabondia hawajaingia uwanjani, tayari inajulikana nani atashinda na mechi itaishaje.

Uadui wa Maigizo: Ule ugomvi wa maneno kwenye mic na kupigana backstage ni igizo la kuvutia mashabiki ili wanunue tiketi. Nyuma ya pazia, "maadui" hao ni washikaji wanaokunywa kahawa pamoja.

2. Mapigo ya Mchongo, Maumivu ya Kweli

Mabondia hawa ni wataalamu wa sarakasi (stuntmen) waliofundishwa jinsi ya kupiga bila kuumiza na jinsi ya kuanguka salama.

Ujanja wa Jukwaa: Lile jukwaa lina springi na sponji nzito chini ili kunyonya nguvu ya anguko, na spika zimefichwa ili kutoa sauti kubwa ya "KABOOM!". Viti na meza hutengenezwa kwa vifaa vyepesi ili visilete madhara makubwa, ingawa makosa kidogo ya kiufundi huleta majeraha ya kweli.

3. Mbinu ya Kukwepa Kodi na Sheria

Kwanini WWE waliweka wazi kuwa mchezo huu ni igizo? Ni hesabu za kibiashara.

Sports Entertainment: Ili kukwepa sheria ngumu na kodi kubwa za bodi za michezo (kama Boxing au UFC), WWE walibadili jina kisheria na kujiita "Burudani ya Michezo". Hii iliwapa uhuru wa kuandika drama zozote wanazotaka na kuvuna mabilioni ya dola bila vizuizi.

Ukweli wa Mwisho: WWE ni sanaa ya kusimulia hadithi ya wema dhidi ya uovu kwa kutumia miili mikubwa. Iangalie kama unavyoangalia muvi ya John Wick au Fast & Furious. Lakini usijaribu mtaani, utajikuta ICU ukiuguza uti wa mgongo!

 

[bikira latifah]

Maigiza nlishaaachaga kuangalia

 

[MAWEED]

WWE
World Wrestling Entertainment
Elewa neno Entertainment

 

[USSR]

Kwa kifupi, mieleka ya kitaalamu (professional wrestling kama WWE) ni mchanganyiko wa maigizo na uwezo halisi wa kimichezo.
Matokeo ya mechi mara nyingi hupangwa mapema (scripted).
Hadithi na migogoro kati ya wachezaji huandaliwa ili kuburudisha watazamaji.
Lakini mieleka yenyewe si ya uongo kabisa. Wapiganaji hupokea mafunzo makali na hufanya mbinu halisi za kuruka, kuanguka na kunyanyua wapinzani wao.
Kuna stunts zinazopangwa kwa uangalifu ili zionekane hatari lakini zipunguze uwezekano wa majeraha. Hata hivyo, hatari bado ipo.
Kwa hiyo:
✅ Hadithi na mshindi mara nyingi hupangwa.
✅ Kuna stunts na mbinu za kuigiza.
❌ Si kwamba kila kitu ni cha uongo; maumivu, uchovu na majeraha mengi ni ya kweli. Wapiganaji wengi wamewahi kuvunjika mifupa, kupata mtikisiko wa ubongo (concussion), au kuumia vibaya wakiwa ulingoni.
Kwa hiyo mieleka ya kitaalamu ni burudani iliyopangwa, lakini inahitaji uwezo mkubwa wa kimwili na ina hatari halisi.

Kwa mujibu wa AI

USSR

 

[Akhi]

Dah kipindi icho nasoma town nilivorudi home na kuwaambia watoto wenzangu walikana haswa kuhusu undertaker kuingia na jeneza ila walikuja kuamini baada ya wenyewe kuona

 

[adriz]

Duh !