MKASA WA PILI - Sehemu ya 5
Inaendelea.............
Asubuhi kulipokucha ilitubidi tuamke Asubuhi ya saa 12 maana tuliambiwa kupata magari ya huko Bukima ni mpaka tupitie Musoma,Tulifanikiwa kuondoka mimi na Huyo dogo Mtoto wa Ma mdogo!,ilibidi tukae barabarani kusubiri Hiace zinazoenda Musoma,Kiukweli mimi mpaka wakati huo nilibaki na 48000/= tu,Nauli ya kutoka Bunda kwenda Musoma kwa wakati huo ilikuwa 3000 hivyo nilivyolipia naulia ya watu wawili nilibakiwa na 42000/=,Basi safari ikaanza na ilituchukua kama lisaa kufika Musoma,Hiyo ilikuwa yapata kama saa 2 kasoro dakika kadhaa!
Tulipofika pale stendi ya Musoma hatukutaka kupoteza Muda maana tuliambiwa hapo huwa kuna gari moja la kuelekea Huko Bukima na endapo tungelikosa ingetubidi tulale!,Kweli!,kuna basi moja tulikukuta pale stendi likiwa limechoka sana!,ilikuwa ni aina fulani ya magari ya zamani!,ilibidi niulizie nauli!,Konda akasema nauli ya kutoka Musoma Mpaka huko tunakoenda ni 5000 maana barabara si nzuri!,Ila akatuambia ili gari lenyewe linaitishia njiani na akasema kuna kijiji kinaitwa MRANGI ndo wao wataishia hapo!,Ilibidi nimuulize kwani kutoka hapo nyinyi mnapoishia na huko Bukima kuna umbali gani?,Jamaa alisema si mbali ila tungefika hapo angefanya namna ili sisi tuendelee na safari!,Jamaa alisisitiza sana kwamba kwa wakati huo pale stendi hakukuwa na gari lingine la kuelekea huko!
Sasa kwasababu sisi hatukuwa wenyeji nilimwambia dogo ngoja nilipe nauli twende zetu maana tunachoenda kukifata ni kikubwa sana kuliko kitu chochote!,Basi nilitoa elfu 10000/= nkampa yule konda,Baa ya kumpa akasema gari itaanza safari mida ya saa 5 Asubuhi hivyo kama mnazunguka nyie zungukeni ila msiende mbali sana!
Kwakuwa tulitoka homu Bunda Bila kupata chochote kitu nilimwambia dogo twende tukatafute sehemu wanauza chai tunywe!
Kwa bahati nzuri tulipozunguka tu nyuma kidogo ya stendi kuna mama tulimkuta akichoma vitumbua,hivyo tulikaa hapo tukaagiza na chai tukaanza kunywa!,mpaka hapo mfukoni nilibaki kama 30000/= maana hapo kwenye chai tulitumia kama 2000/=,Basi baada ya kupata chai na vitumbua nikamwambia dogo tusikae sana mbali maana hatukuwa wenyeji hapo Musoma,Hiyo ilikuwa mida ya saa 3 Asubuhi hivyo tulikuwa kama na masaa 2 mbele!,Masaa yaliposogea ilibidi na sisi tusogee kwenye gari na baada ya muda ule alotuambia konda kufika!,kweli! gari lilianza kuondoka,watu walikuwa wengi kwenye gari na wengine walisimama na kiukweli nilisema yawezekana gari lilikuwa lile tu maana yangekuwepo mengi basi watu wasingesimama!
Ilikuwa ni safari ya muda mrefu kidogo,Kuna jamaa nilimuuliza hiyo safari huwa inachukua muda gani hadi kufika,Jamaa alisema kutokana na gari kusimama simama njiani ni Takribani kama Masaa 2 : 30,Baada kama ya masaa 3 na ushee gari lilifika mwisho na baada ya kuuliza tuliambiwa hapo ni sehemu moja ambayo bado naikumbuka jina ilikuwa inaitwa Mrangi!,Basi tulitelemka pale na nkamfata dereva nkamueleza kwamba sisi tulikuwa tunaenda Bukima na yule jamaa aliyekuwa anakata tiketi alituambia tukifika hapa angetufanyia namna ya kufika huko Bukima!
Yule dereva alisikitika sana "Yule jamaa ni mpumbavu,kwanini hakuwaambia kwamba kuna Hiace ya Bukima?",Jamaa akaendelea kusema kwamba "Maana kutoka hapa mpaka Bukima bado kuna umbali,lakini subirini kuna watu hapa niongee nao huwa wanakodisha baiskeli kama vipi wawapeleke,japo itachukua muda maana ni mbali"
Ilibidi tuwe wapole maana tayari tulishaingizwa cha kike na yule Mpiga debe tuliyemkuta akikata tiketi,Kumbe nia yake ni sisi tulipe ili yeye apate posho!,Tufike au tusifike hilo lilikuwa halimihusu tena!
Jamaa alituitia vijana wawili pale na akaanza kuongea nao kwa Lugha ya kwao,nadhani ilikuwa ni Wajita,Basi wale jamaa wakamwambia jamaa kwa ki-lugha kwamba tuwalipe 5000 wote wawili!,Hatukuwa na namna ilibidi niwape ile hela na wakatuchukua mimi na dogo kila mmoja kwenye baiskeli yake na safari ikaanza,Hiyo ilikuwa yapata kama saa 9 Alasiri!,Basi safari ilikuwa ndefu kidogo na tuliingia Hapo Bukima mnamo saa 10 kasoro kuelekea 11!
Tulivyofika hapo Bukima hatukupoteza Muda ilibidi sasa tuanze kumuulizia yule Mganga tuliyeelekezwa na yule Dingi wa Bunda!,Kwa bahati nzuri hakuwa mgeni sana pale Bukima maana ule mji haukuwa mkubwa bali ilikuwa kama ki-center fulani hivi!,Basi tukianza safari ya kuelekea kwake tukiongozwa na dogo mmoja tuliyemkuta pale center ya Bukima!,Kwa kuwa tulikuwa wageni watu walikuwa wakitushangaa,nadhani kwakuwa ilikuwa center ndogo hivyo watu au wenyeji wengi wanafahamiana!Hivyo ukiwa mgeni ilikuwa ni rahisi sana kufahamika!,yule Mzee(Mganga),Tulifika kwake na alikuwa akiishi nje kidogo ya center na ilikuwa karibu na ziwani,maana ulikuwa ukikaa nje ya nyumba ya Huyo mzee ziwa lilikuwa kama mita 300 hivi!
Tulimsalimia Mzee na tukajitambulisha kwake!,tulimweleza ya Kwamba tuliagizwa kwake na Mzee yule wa Bunda,kiukweli alionyesha kumfahamu yule mzee na alikuwa akituuliza hali yake vipi!
Basi baada ya mazungumzo kadhaa hapo ilibidi tumueleze kilichotupeleka hapo kwake!
Baada ya kutusikiliza kwa muda mrefu alituambia ya kwamba kuna watu fulani waliwahi kwenda hapo kama miaka 2 iliyopita na wao walikuwa wakitafuta zile pesa zilizokuwa na tundu katikati,kwakuwa kwa wakati huo alikuwa nazo ilibidi awape na walimpa pesa!,Sasa sisi alituuliza endapo hiyo shilingi 100 ya Mwaka 1993 ingepatikana tungempa kiasi gani?,Kiukweli Moyo ulipiga Paaah!mawazoni nilikuwa naamini ya kwamba sasa naenda kuuaga Umasikini na utajiri ulikuwa ushafika mlangoni,kazi iliyokuwepo ni kufungua tu mlango uingie ndani!
Nilimwambia mzee endapo tungekipata hicho ki hela basi tungempa laki 200000/=,Yeye alituuliza "Nyinyi mkikipata mnaenda kupata bei gani"?,Ilibidi nimdanganye Yule Mzee ya kwamba sisi tumeambiwa tukikipeleka tunalipwa milioni moja hivyo endapo tungekuwa wewe hiyo laki 200000/=,sisi tungebaki na laki 800000/=ambayo tutagawana na mwenzangu maana kuna gharama pia zimetumika mpaka kufika hapo!
Basi yule mzee alisema funguo za Sanduku ambamo zime hela mbalimbali za miaka ya nyuma anazo mke wake ambaye kwa wakati ule hakuwepo,Alituambia tumsubiri na akatusihi ya kwamba kwakuwa jioni ilishaingia hatuna budi tulale pale!,Basi mimi na dogo ilibidi twende ziwani tukashangae shangae huku tukibadilisha mawazo!,Ilipofika saa 12 jioni tulirudi hapo nyumbani kwa huyo mzee na siku hiyo yule mzee alichinja Bata kwa ajili ya kitoweo!
Yule mzee kiukweli sikuona uganga wowote alokuwa nao maana hata pale kwake hatukukuta watu bali walikuwa watu wa familia yake!,Nadhani kama alikuwa mganga basi ni wale wasiyokuwa na mbwembwe nyingi!
Jioni ile Mkewe alirudi akiwa na baiskeli kafunga mzigo nyuma na alipokewa na kijana wake mmoja tulimkuta pale!,Kwakuwa sasa usiku ulishaingia Mzee alituambia zoezi litafanyika kesho Asubuhi!,Basi usiku ule tulipata zetu ugali wa muhogo na Bata,kiukweli Msosi ule ulikuwa umeenda skuli kwa namna ulivyokuwa na kiwango!,Baada ya chakula ilibidi kile chumba alichokuwa kuwa analala yule kijana wa yule mzee tulale sisi na yeye nadhani alienda kulala kwa jirani au rafiki!,Siunajua tena mambo ya vijijini suala la wapi pa kulala huwaga halisumbui!Siyo kama mjini!
Itaendelea...................
