Mitambo ya Rais Samia Yarejesha Bwawa lililopotea Handeni

Stephano Mgendanyi said:

MITAMBO YA RAIS SAMIA YAREJESHA BWAWA LILILOPOTEA HANDENI​

Waziri wa Maji Jumaa Aweso ameweka jiwesalama kajisa la msingi la ujenzi wa Bwawa la Maji Kwenkambala lililopo Kata ya Kwediyamba, Wilaya ya Handeni mkoani Tanga ambao awali ulikumbana na changamoto kadhaa ikiwamo rushwa na kusimamishwa kwa wasimamizi wa mradi.

Akizungumza na wananchi katika eneo la mradi huo, Ijumaa Novemba 15, 2024 Waziri Aweso ameeleza kuwa safari ya kuanzisha ujenzi wa bwawa hilo haikuwa rahisi lakini sasa ameridhishwa kuona mitambo iliyonunuliwa na serikali ya awamu ya sita chini ya Rais Samia Suluhu Hassan kwa ajili ya ujenzi wa bwawa inatumiwa vyema kutokana na usimamizi mzuri wa mradi huo.

Kutokana na hatua hiyo ameahidi kuleta Shilingi Milioni 300 kwa ajili ya kuongeza kasi ya utekelezaji wake.

"Nilikuja hapa, hali ilikuwa ngumu sana, unamuuliza. Mkandarasi bwawa lipo wapi, halioni", ameeleza Aweso.

Aidha, amesema kuwa atahakikisha watu wa eneo hilo wanapata maji safi na salama, akieleza kuwa juhudi kubwa zimefanyika kuhakikisha maji yanapatikana wilayani Handeni chini ya Rais Samia Suluhu Hassan.

Click to expand...

OKW BOBAN SUNZU said:

Mitambo ya Rais Samia? Huu ujinga huwa hamjisikii vibaya kuuandika?

Click to expand...