Omusolopogasi
JF-Expert Member
- Aug 31, 2017
- 7,101
- 18,051
Jamaa alivyo na hasira na visasi, muuliza swali ndio mwisho wake.
Yule jamaa nadhani atatolewa kwenye nafasi zote alizonazo kwenye chama.
.....wazanzibari tunaenda na Mwinyi.Mkuu ya mirembe yanatokea wapi? Mimi nimehoji wao CCM wameamua wala siwezi kubadilisha-wazanzibar ndio wenye uamuzi wa mwisho wakienda na Mwinyi sawa tu.
Ya Mungu kuwapendelea waisrael hayo siyajui. Yaliyobaki ni yako mkuu-tunasubiri tu vibweka vya CCM.
Kwahiyo chaguo la Yesu...Mbarawa hata tatu Bora hakuwepo?UPDATES 1315hrs: Matokeo ya Kura za ya wanachama watatu waliokuwa wakiomba ridhaa ya kuwania urais wa Zanzibar kwa tiketi ya CCM.
1. Dkt Hussein Ali Hassan Mwinyi -kura 129 (78.65%)
2. Dkt Khalid Salim Mohamed -kura 19 (11.58%)
3. Shamsi Vuai Nahodha -kura 16 (9.75%).
Zanzibar 2020 - Wasifu: Dr. Hussein Ali Hassan Mwinyi, Rais ajaye wa Zanzibar
Leo Halmashauri Kuu ya CCM inapokea mapendekezo ya Kamati Kuu kuhusiana na waliopendekezwa kugombea Urais wa JMT na ule wa Zanzibar.
Kadhalika itapokelewa ripoti ya utekelezaji wa ilani ya CCM kwa miaka 5 iliyopita na kupitishwa ilani ya miaka 5 ijayo.
Mkutano uko mubashara TBC na Channel ten, ITV, Star tv na Upendo tv
=======
UPDATES:
=========
Wajumbe wameshaketi ukumbini wakimsubiri mwenyekiti ambaye ataingia wakati wowote kuanzia sasa. Rais Magufuli ameingia ukumbini na wajumbe wote wanamshangilia kwa shangwe na vigelegele.
Rais Magufuli ambaye pia ni Mwenyekiti wa CCM amefungua kikao hiki na kutoa rai kuwa ianzwe ajeda kubwa ya Uchaguzi wa Mgombea Urais Zanzibar
Rais Magufuli pamoja na Wajumbe wa kikao wamekubaliana kuanza na ajenda ya Wagombea Urais Zanzibar. Mpaka sasa kuna jumla ya majina matano ya Ugombea Urais Zanzibar.
Dr Bashiru amewataka Wagombea watano waliopitishwa na kamati maalumu ya halmashauri kuu kuja mbele ili kusalimia alafu baada ya mchakato huo Mwenyekiti atataja majina matatu yaliyopita.
Rais Magufuli (Mwenyekiti wa CCM) ametoa idhini ya majina matatu yaliyopendekezwa kusomwa na katibu Mkuu wa chama Dkt. Bashiru ambaye amesema kuwa Wagombea watatu waliopita ni:
1. Dkt. Khalid Salum Mohamed.
2. Dkt. Hussein Ally Hassan Mwinyi.
3. Shamsi Vuai Nahodha.
View attachment 1502758
Rais Magufuli amewakaribisha Wagombea ambao hawakupita ili kutoa neno la shukrani.
Prof. Mbalawa pamoja na Mh. Hamis Mussa Omari wamekuja mbele ya wajumbe wa mkutano huu na kurumshukuru Mungu pamoja na Wajumbe kwa hatua waliyofikia pamoja na kumshukuru Rais Magufuli katika masuala mbalimbali. Sambamba na hilo, Prof Mbalawa na Mh. Hamisi Mussa wameahidi kumuunga mkono Mgombea atakayefanikiwa kupita kugombea Urais ili CCM ishinde.
Baada ya Wajumbe ambao hawakupita kutoa shukrani Rais Magufuli amewakaribisha Wagombea waliopita kutoa neno lao kwa ufupi
Hussein Ali Hassan Mwinyi
(Salamu)
Nimesimaama mbele zenu kuomba kura zenu, mnichague kupeperusha bendera ya CCM katika uchaguzi ujao katika nafasi ya Urais wa Zanzibar.
Elimu yangu ni shahada ya Uzamili katika fani ya Udaktari wa Binadamu. Uzoefu wangu katika serikali ni wa miaka 20. Nimeingia serikalini mwaka 2000 na nipo hadi sasa.
Naibu Waziri wa Afya tangu mwaka 2020-2005. Baada ya hapo nimekuwa waziri kamili kwa miaka 15 kwa miaka mbalimbali ikiwemo ya Afya, Ofisi ya Makamu wa Rais – Muungano; na Wizara ya Ulinzi na Jeshi la Kujenga Taifa, nafasi ambayo nimeishika kwa miaka 11 hadi hivi sasa.
Mheshimiwa Mwenyekiti, uzoefu kwenye chama nimekuwa Mjumbe wa Kamati Kuu ya chama chetu; nimechaguliwa mara mbili. Nimekuwa Mjumbe wa Halmashauri Kuu ya Taifa kwa vipindi vitatu. Na nimekuwa kwa nafasi yangu ya Ubunge, Mjumbe wa Halmashauri Kuu za mkoa, wilaya na jimbo.
Mheshimiwa Mwenyekiti, ahadi yangu kwenu endapo mtanichagua basi nitayaenzi Mapinduzi ya mwaka 1964 ya Zanzibar na nitadumisha Muungano wetu.
Lakini pia, nitayaendeleza yote yaliyofanya na awamu zilizotangulia, hususan awamu ya saba (7)chini ya Dkt. Ali Mohammed Shein.
Vilevile niwaahidi kwamba nitatekeleza Ilani ya Chama cha Mapinduzi yam waka 2020/25 itakayotolewa kwa upande wa Zanzibar.
Mheshimiwa Mwenyekiti, kwa heshima na taadhima na kwa unyenyekevu mkubwa, naomba mnipigie kura za NDIYO mimi Hussein Ali Hassan Mwinyi.
(Maagano)
Shamsi Vuai Nahodha
(Salamu na Shukrani kwa Mwenyezi Mungu na Chama)
Mimi Shamsi Vuai Nahodha ambaye nagombea nafasi ya Urais wa Zanzibar kwa tiketi ya Chama cha Mapinduzi niliwahi kuwa Mjumbe wa Halmashauri Kuu kwa muda wa miaka 17 na ni miongoni mwa watu wachache sana waliopata bahati ya kuitumikia Serikali ya Mapinduzi ya Zanzibar kama mtekelezaji mkuu wa Ilani kwa muda wa miaka 10 mfululizo. Nadhani rekodi hiyo inashikiliwa na mzee wangu Seif Ali Idd na mimi ninayefuata.
Nimetafakari sana wakati nimataka kugombea nafasi hii adhimu kwa taifa letu. Na nikafikia mahali nikadhani kuna jambo mimi kwa kushirikana na wenzangu ninaweza kulifanya. Kwanini nadahani naweza kuifanya kazi hii kwa ufanisi sana? Nimejifunza mengi kutoka kwa viongozi wetu wa chama na kitaifa – Dkt. Magufuli na Mzee wangu Dkt. Shein. Katika kipindi chote hiki nimejifunza karama ya uongozi. Namna kiongozi anavyotakiwa awe, tabia za kiongozi.
Dkt. Shein ametuonesha sisi vijana namna kiongozi wa kiataifa anatakiwa awe. Ni mnyenyekevu na mpole sana.
Mwaka 2010 nilisimama hapa kushindana naye. Baada ya hapo hakuonesha nongwa. Alinisikiliza kwa umakini sana. Amenitendea zaidi ya ninavyostahiki.
Watu wengi wanaofanya kazi na Shein wanaweza wanamuona wa kawaida sana kwasababu ya unyenyekevu lakini ana moyo mpana sana.
Kama nitapata nafasi ya kuchaguliwa kuwa mgombea na hatimaye Rais wa Zanzibar, nitafanya kila niwezalo kusimamia Muungano, Mapinduzi na rasilimali za Taifa letu kwa ujasiri wa juu sana.
Dkt. Khalid Salum Mohamed
(Salamu)
….Kufikia nafasi hii ni ndoto.
Nilisoma Donge, skuli ya Msingi. Elimu ya Sekondari nilisoma Fidel Castro, Pemba. Na baadaye nilienda kusoma mafunzo ya Kilimo (certificate) katika Chuo cha Kilimo Naliendele, Mtwara.
Baada ya hapo nilipata mafunzo tena Uyole, Mbeya. Nilifanya mafunzo ya Diploma Mlingano, Tanga. Na baadaye kufanya digrii ya kwanza Sokoine. Digrii ya pili ya Agricultural Economics nilifanyia Chuo Kikuu cha Reading cha UK. Nilirudi nikafanya tena digrii ya uzamivu katika chuo cha Sokoine.
Niliajiriwa toka mwaka 1980 katika Wizara ya Kilimo. Nilifanya kazi kama Afisa Kilimo wa Wilaya na Mkoa. Baadaye nikawa Mkurugenzi wa Mipango na Sera katika Katika Wizara ya Kilimo, Zanzibar. Na baadaye nikawa Katibu Mkuu wa Wizara ya Kazi Maendeleo ya Vijana, Wanawake na Watoto.
Mwaka 2005 nilibahatika kuwa Program Analyst katika Shirika la Maendeleo la Umoja wa Mataifa (UNDP) na baadaye kurudi serikalini na kuwa Katibu Mkuu wa Wizara ya Kilimo. Nilikuwa Mwenyekiti wa ZSSF, mfuko wa hifadhi ya Jamii kwa miaka 6.
Dk. Shein alinichagua kuwa Katibu Mkuu Ofisi ya Makamu wa Pili wa Rais. Pale nilijifunza mambo mengi kuhusu Muungano. Nilisimamia masuala wanayoyaita “Kero za Muungano”.
Niliingia kwenye siasa mwaka 2016 baada ya uchaguzi wa marudio. Na nilichaguliwa tena na Dk. Shein kuwa Waziri wa Fedha kwa miaka mitatu hadi Machi 2019.
Uzoefu wangu wa Kisiasa. Nimejiunga na CCM tangu mwaka 1980.
Ali Mohammed Shein
…Walijitokeza wanaCCM 32 mmoja akaona mbavu zake nyembamba akawapisha wengine wakabaki 31. Tulifanya kazi nzuri sana ya kuwapima na kuwachuja. Tulifanya tukiwa na akili njema na tulifanya kazi nzuri. Tumeona wana uwezo mkubwa kwa namna walivyojieleza.
Naamini chama chetu kitashinda uchaguzi huu.
Kila mwanachama wa chama hiki ana haki yake na uhuru wake kugombea ndani ya CCM. Yasistangazwe yasiyokuwepo. Sijambeba mgombea wala sitombeba mgombea.
Mheshimiwa mwenyekiti umenitaka niseme hilo. Nimelisema waziwazi.
Rais Magufuli
Mheshimiwa Dkt Shein amefanya makubwa sana. Amenunua meli, zao la krafuu sasa hivi magendo yameisha, aejenga bvituo vya afya, hospitali nauchumi umekua kwa asilimia 7. Mzee Shein anaheshimu demokrasia na Katiba ya Chama cha Mapinduzi ndiyo maana kama watangulizi wake umefika wakati anasema “muda wangu umeisha”
Sasa kikao hiki kikayatambue haya. Kwamba tunayemchagua atakwenda kuyaendeleza na mengine makubwa zaidi.
Katika hizi kampeni kila mtu atapewa mtu wake, utasikia huyu wa fulani huyu wa fulani
Hawa wote watatu hapa wanafaa ndiyo maana Kamati Kuu ya Halmashauri ikawaleta hapa. Ila yupo anayefaa sana
Tusimame vizuri, maneno mengine yanaletwa na Upinzani na sisi tunayabeba tu
Tuchague vizuri ili mtu akatuongoze vizuri. Na mimi nina imani atakayeshinda hapa atakuwa Rais wa Zanzibar. Tuanze kupiga kura
Rais Magufuli amsamehe Abdulrahman Kinana
Ilikuwa mwezi wa wa pili Central Committee ilaamua kutoa adhabu kwa baadhi ya wanachama wetu ambao walikiuka maadili na misingi ya chama chetu.
Kikao kile kilitoa mapendekezo ya adhabu kwa baadhi ya wanachama wetu kutokana na misingi na Katinba halali ya chama chetu. Lakini ni hivi karibuni baada ya miezi kama mnne au mitano, mwenzetu mmoja ambaye ni Former Katibu Mkuu wa Chama cha Mapinduzi alijitokeza hadharani kule Arusha, na nafikiri shahidi ni Mwenyekiti wa CCM mkoa wa Arusha – akaomba radhi., akautia kwa kitendo alichokifanya. Na kikubwa zaidi, ndugu yetu huyu aliomba radhi hadharani.
Ni kitendo kigumu sana kwa mtu kukifanya. Kinahitaji nguvu ya Mwenyezi Mungu tu kutubu hadharani. Mimi alinigusa sana. Nina uhakika hata ninyi wajumbe muliguswa sana. Alikuwa amepewa adhabu ya miezi 18. Hakukataa kutumikia adhabu ile.
Sasa niliona Wajumbe wa Halmashauri Kuu ya Taifa ya Chama tawala, chama chenye huruma. Chama chenye mapenzi mema. Chama dume. Niwaombe kwa huruma yenu kama itawezekana, huyu ndugu yetu ambaye amekubali mpaka sasa kutumikia adhhabu miezi mine, tumsamehe.
Kupitia kikao hiki napenda kusema Abdulrahman Omari Kinana amesamehewa rasmi. Niwashukuru wajumbe wa kikao hiki kwa huruma ya upendo
Yule mwingine ambaye hata jina lake sitaki kulitaja yeye ameshaondoka moja kwa moja. Adhabu yake si mnaikubali?
.....Wajumbe wamshukuru na “kumpashia’” Mwenyekiti kwa kulifikisha taifa Uchumi wa Kati....
Ujumbe toka Songwe kuhusu wanasiasa wa vyama pinzania kupewa nafasi za uongozi CCM
Kuna malalamiko ya Wanasongwe kwamba wanacham,a wa vyama vya upinzani wanavyotoka kule kuja kwetu, kwetu ni neema. Na kama Katiba ya CCM inavyosema kuwa kila binadamu ni sawa, , ni kweli tunawapokea; lakini wananchi wamekuwa wakivunjika sana mioyo wanapopewa nafasi za uongozi katika chama chetu na kuwaacha wanachama wa CCM ambao walipigana kufa na kupona 2010 hadi 2015. Wanavunjika mioyo kuona wanapita bila mbadala, na viongozi wa CCM walio sehemu husika wakiwa wanawasapoti kwa asilimia nyingi. Kwahiyo Mwenyekiti, hilo ni la Wanasongwe siyo langu, hasa kwa jimbo letu la Tunduma na Momba, hali ya kisiasa siyo nzuri nimeona niliweke vizuri.
Majibu ya Mwenyekiti Magufuli:
Nimekusikia. Nilifikiri hilo ungelizungumzia kwenye kamati yako ya siasa ya wilaya na ya mkoa kwamba wanaokuja huwahitaji. Lakini chama hiki ni chama cha watu wote; kina misingi yake, kinameza watu wote kwahiyo kama hilo suala kama lipo kule mulitafutie ufumbuzi. Makongoro alikuwa NCCR lakini sasa hivi ni CCM damu damu. Mzee Wasirra alwahi kwa NCCR. Wakati mwingine tuwe na mioyo ya Kumtanguliza Mungu.
Tatizo moja la siasa zetu tutanajiwekea vizingiti kwamba huyu akija atatushinda lakini mukiachiwa hamushindi.
MATOKEO YA UTEUZI
Job Ndugai: Kwa niaba ya timu ya wasimamizi naomba nisome matokeo kama ifuatavyo:
Ndug. Shamshi Vuai Nahoda amepata asilimia 9.75 ya kura, ambazo ni kura 16
Dkt. Khalid Salum amepata asilimia 11.58, ambazo ni kura 19
Na Dkt. Hussein Mwinyi amepata kura 129, ambazo ni asilimia 78.65
Naomba kuwasilisha
Jamaa alivyo na hasira na visasi, muuliza swali ndio mwisho wake.
hivi Zanzibar babako akiwa Rais uwezekano wa watoto wa Rais kuwa marais ni asilimia 98 kumbe?
.....wazanzibari tunaenda na Mwinyi.
Imeisha iyooo.
S
Suala si babake.....
Suala ni LEGITIMACY aliyonayo....
Twende na Dr Mwinyi 2020
Imeishaa iyoooo
Kwahiyo chaguo la Yesu...Mbarawa hata tatu Bora hakuwepo?
Umejibu nini mzee wa pua tanuli? [emoji3]S
Sasa km Nahodha na credibility Yale yote anaambulia kura 16....
Sembuse Prof.Mbarawa?!!!
Waulizeni watu wa maskani ya kisonge watawajuza wasiyoyajua wale UFIPANI....
Ut
Utaendelea kuumia ila tafadhali usiwarithishe VIZAZI VYAKO Mana havina hatia ya MAUMIVU hayo....
Unaangaliwa uwezo wa mtu namna anavyoweza kukabiliana na changamoto zilizopo na kuandaa mazingira ya kuzikabili changamoto zijazo bila kutumia nguvu kubwa, mihemuko, na kubabaika.johnthebaptist,
Mnataka kumpa kiti Hussein mwinyi bora hata mgempa Jecha mnalisishana vyeo ili muibe Mali za Watz.
mtoto wa Dr Shein pia atakuwa Rais!
S
Suala si babake.....
Suala ni LEGITIMACY aliyonayo....
Twende na Dr Mwinyi 2020
Imeishaa iyoooo
The changing face of colonialism in Tanganyika against Zanzibar
Loooh MLOZI weeeSasa Mzee Alli Hassan Mwinyi atakufa kwa Amani. Hamalizi tena mwaka.
👏👏👏👏👏👏Hongera ccm