Mmoja afariki. Huku basi likiteketea kwa moto kwa kugongana uso kwa uso na Toyota Alphard Arusha

Mmoja afariki. Huku basi likiteketea kwa moto kwa kugongana uso kwa uso na Toyota Alphard Arusha

Bujibuji Simba Nyamaume

Platinum Member
Joined
Feb 4, 2009
Posts
78,914
Reaction score
168,320
Mtu mmoja amefariki dunia na wengine wawili wamejeruhiwa baada ya basi la abiria aina ya Zugspitze Express, lenye namba za usajili T 639 AQN, kugongana uso kwa uso na gari ndogo aina ya Toyota Alphard, lenye namba T 837 EMS, katika eneo la Kingori, Wilaya ya Arumeru mkoani Arusha.

Ajali hiyo imetokea majira ya saa mbili asubuhi, ambapo Toyota Alphard lilikuwa likitoka Moshi kuelekea Arusha, huku basi hilo likitokea Arusha kuelekea Moshi. Kwa mujibu wa taarifa za awali, mtu mmoja aliyekuwa ndani ya Toyota Alphard amefariki dunia papo hapo, huku watu wengine wawili wakijeruhiwa na kukimbizwa katika vituo vya afya kwa ajili ya matibabu.

Inadaiwa Toyota Alphard lilikuwa limewabeba raia wa kigeni pamoja na dereva wao. Baada ya magari hayo kugongana, basi la Zugspitze Express liliteketea kwa moto katika eneo la tukio. Abiria waliokuwa ndani ya basi hilo walifanikiwa kutoka salama, huku vijana na wananchi wa eneo hilo wakijitokeza kusaidia katika shughuli za uokoaji.

Mashuhuda wa tukio hilo wameeleza kuwa walishuhudia magari hayo yakigongana, huku mmoja wao akisema alisikia kelele na alipotoka nyumbani kwenda eneo la tukio, alikuta magari hayo yamegongana na baadhi ya watu wakihitaji msaada. Shahidi mwingine amesema hawezi kueleza kwa uhakika chanzo cha ajali hiyo, lakini amedai kuwa magari hayo yalikuwa yakisafiri kwa mwendo mkubwa kabla ya kugongana.

Kwa mujibu wa shahidi huyo, wakati magari hayo yakikaribiana, aliona moja likitoka katika upande wake wa barabara na kuingia upande wa pili, hali iliyomsababisha dereva wa gari lingine kujaribu kukwepa. Hata hivyo, juhudi hizo hazikufanikiwa na magari hayo yakagongana uso kwa uso.

Akithibitisha kutokea kwa ajali hiyo, Kamanda wa Jeshi la Polisi Mkoa wa Arusha, Justine Masejo, amesema majeruhi wanaendelea kupatiwa matibabu katika vituo vya afya. Hata hivyo, chanzo rasmi cha ajali hiyo bado hakijajulikana, huku uchunguzi ukiendelea kubaini kilichosababisha magari hayo kugongana.

TAARIFA ZAIDI KUHUSU AJALI HIYO, HALI ZA MAJERUHI NA CHANZO RASMI CHA TUKIO ZINATARAJIWA KUTOLEWA NA MAMLAKA HUSIKA BAADA YA UCHUNGUZI.
 
Kwa mujibu wa shahidi huyo, wakati magari hayo yakikaribiana, aliona moja likitoka katika upande wake wa barabara na kuingia upande wa pili, hali iliyomsababisha dereva wa gari lingine kujaribu kukwepa. Hata hivyo, juhudi hizo hazikufanikiwa na magari hayo yakagongana uso kwa uso.
Kama kawaida, uwezekano mkubwa wa chanzo cha ajali ni kwamba kuna mmoja wa madereva atakuwa amefanya uzembe kwenye ku-overtake.

La sivyo awe amapata heart attack au burst ya tairi akashindwa kumiliki gari. Lakini hizi ni sababu nadra sanabkatika kugongana, mara nyingi ni upumbavu tu wa dereva mwenye ku-overtake sehemu isiyostahili
 
Kama kawaida, uwezekano mkubwa wa chanzo cha ajali ni kwamba kuna mmoja wa madereva atakuwa amefanya uzembe kwenye ku-overtake.

La sivyo awe amapata heart attack au burst ya tairi akashindwa kumiliki gari. Lakini hizi ni sababu nadra sanabkatika kugongana, mara nyingi ni upumbavu tu wa dereva mwenye ku-overtake sehemu isiyostahili
Hii barabara kipande cha KIA to Arusha hizi Alphard zinakuwa ninabeba wageni na abiria wa Airport zinatabia ya kukimbia sana sana
 
Dereva wa basi alikuwa anafundishwa jinsi ya kuendesha huku gari likiwa limebeba abiria walio safarini na abiria walikuwa wanalalamika, kupata ajali ilikuwa ni suala la muda tu. Huu upumbavu wa kutojali roho za abiria unapatikana Tanzania pekee. Ifikie kipindi abiria tujifunze kuchukua hatua tukiona dereva anazingua kabla maafa hayajatokea maana hata ile ajali iliyoua wanakwaya waliokuwa wanatoka Mwanza kwenda Dar na Isamilo, abiria waliona kabisa dereva anazingua toka mwanzo wa safari.
 
Uzembe wa madereva
MUNGU atuepushe,nakumbuka 2019 nikitoka dar naenda kuanza chuo Dom tuligonhana uso Kwa uso na pikipikmatair matatu ya wazi walikua wamebebana ACHA TU fumua ubongo huko, dar si kidogo tu tuhane njia dereva alipambana sana asee ila hawa wa magari madogo sometimes mizinguo sana
 
MUNGU atuepushe,nakumbuka 2019 nikitoka dar naenda kuanza chuo Dom tuligonhana uso Kwa uso na pikipikmatair matatu ya wazi walikua wamebebana ACHA TU fumua ubongo huko, dar si kidogo tu tuhane njia dereva alipambana sana asee ila hawa wa magari madogo sometimes mizinguo sana
Kabla ya kusema Mungu aepushe, tufanye yale yapasayo kwa nafasi zetu, Mungu aepushe vipi uzembe wetu wenyewe? Kama hii ajali ya leo, dereva alikuwa anamfundisha mwenzie kuendesha gari likiwa safarini na abiria, hapo Mungu angeepusha vipi sasa? Bodaboda anaona gari linakuja kwa kasi,badala apishe anaongeza mwendo ashindane nalo, hapo Mungu afanye nini kuhusu huyo bodaboda alieamua kukifuata kifo kwa hiari yake mwenyewe?.
 
Kabla ya kusema Mungu aepushe, tufanye yale yapasayo kwa nafasi zetu, Mungu aepushe vipi uzembe wetu wenyewe? Kama hii ajali ya leo, dereva alikuwa anamfundisha mwenzie kuendesha gari likiwa safarini na abiria, hapo Mungu angeepusha vipi sasa? Bodaboda anaona gari linakuja kwa kasi,badala apishe anaongeza mwendo ashindane nalo, hapo Mungu afanye nini kuhusu huyo bodaboda alieamua kukifuata kifo kwa hiari yake mwenyewe?.
Kama walikua wanafundishana basi kampuni iadhibiwe
 
Ufinyu wa barabara...njia zinatakiwa kuwa mbili kwenda na mbili kurudi
 
Back
Top Bottom