Nimesoma habari hii:
Wizara ya Ujenzi na Uchukuzi nchini Tanzania, imesema itawazawadia tuzo maalumu Rubani Suhad Soud Kassim na Ofisa Daraja la kwanza, Alessandro Morgan kutokana na ujasiri walioonesha na kufanikiwa kuzuia kutokea ajali ya ndege.
Marubani hao ni wa Shirika la Ndege (ATCL), imeeleza kuwa walionesha ujasiri kwa kuzuia kutokea ya ajali ya ndege yao yenye namba TC 110 Airbus A 220 ikiwa na abiria 84.
Katibu Mkuu wa Wizara hiyo, Gabriel Migire ameahidi hayo, wakati akifungua kikao cha Baraza la Pili la Wafanyakazi wa ATCL, lililofanyika Machi 30, 2022 mjini Morogoro
“Wizara pia itafanya jambo kwa kutambua mchango mkubwa uliofanywa na marubani hao , siyo kwa maana ya kupendelea na siyo kwa maana wengine hawakufanya vizuri, lakini walifanya jambo la ajabu sana.Walifanya maamuzi magumu ambayo kwa kweli yanapaswa kutambuliwa na serikali na wadau wengine,” amesema Katibu Mkuu.
Kwa mujibu wa Uongozi wa ATCL, marubani wa ndege hiyo iliyokuwa ikiruka jioni ya Septemba 29, 2020, Uwanja wa Kimataifa wa Kilimanjaro ( KIA) kuelekea Uwanja wa ndege wa Kimataifa wa Julius Nyerere, Dar es Salaam, ikiwa kwenye kasi kujiandaa kuruka marubani hao walimuona mnyama kwenye njia ya kurukia.
Uongozi wa ATCL umeeleza kwamba marubani hao walitumia ujasiri wa kuisimamisha ndege hiyo, ili isifikie kumgonga mnyama huyo kwenye hatua ya kupaa angani, jambo lililoteta taharuki kubwa kwa abiria, ndugu na taasisi kwa ujumla.
Inakuwaje airport haina ulinzi wa kutosha hadi kuacha wanyama kujitembelea kwenye runway? Ina maana hata gaidi anaweza kuingia kwenye boarding area kutokea huko vichochoroni na kuteka ndege.