Naibu Waziri Mkuu Kivuli wa ACT Wazalendo,
Luhaga Mpina, amesema chama hicho kimepanga kufungua kesi mahakamani kupinga baadhi ya vipengele vya Sheria ya Fedha wa mwaka 2026, kikidai kuwa vinaongeza mzigo wa kodi kwa wananchi wa kipato cha chini huku vikitoa misamaha kwa wawekezaji wakubwa.
Soma:
Mpina: Zungu na Kamati ya Bajeti, kukosoa bajeti baada ya kuipitisha ni kuwafanyia 'massage' Watanzania
Mpina amesema ACT-Wazalendo ilifanya uchambuzi wa muswada huo na kutoa mapendekezo 18 ya marekebisho, lakini serikali ilikubali kurekebisha maeneo sita pekee, huku maeneo 12 yakibaki bila mabadiliko. Amesema chama hicho kitapinga mahakamani kuanzishwa kwa baadhi ya kodi mpya pamoja na misamaha ya kodi iliyopendekezwa na serikali.