Hakuna kinachoshindikana mbele ya pesa hasa katika soka kwani imefahamika kwamba mshambuliaji mpya wa Simba Adam Salamba atavuna kiasi cha pesa ambacho hakika hakuwahi kuvuna katika maisha yake ya soka.
Inaelezwa kuwa dau la kuipata saini ya mshambuliaji huyo kutoka Lipuli limewagharimu Simba kiasi cha shilingi milioni 40 ambapo katika pesa hiyo Lipuli wamelamba milioni 25 kama gharama ya kuvunja mkataba huku Salamba akitia kibindoni milioni 15 kama ada yake ya usajili.
Pamoja na hayo, Salamba atapokea kiasi cha shilingi milioni mbili kwa mwezi katika kipindi chote cha mkataba wake wa miaka miwili ambapo jumla yake ni milioni 48 kwa kipindi chote.