Mwananchi: Kuna Wafugaji wanatupiga, wanaua watu Tunduru Kaskazini, hakuna hatua zinazochukuliwa

[Roving Journalist]

Wananchi wa vijiji vya Magomeni na Majimaji katika Jimbo la Tunduru Kaskazini wamekutana na Mbunge wao, Ado Shaibu Ado kutoa kero zao kuhusu migogoro kati yao na wafugaji Oktoba 18, 2026.

Wameeleza kuwa wafugaji wanavamia mashamba na nyumba zao, kuwaua, kuwavunja mikono na kuwaibia mifugo, huku wengine wakilazimika kuacha kulima kwa hofu.

Katika mkutano huo, wananchi walilalamika kuwa mtu aliyemuumiza mfugaji kidole alikamatwa na polisi, lakini wale waliowaua ndugu zao bado hawajakamatwa.

Wanawake na wanaume walieleza jinsi usiku wanatembea kwa hofu, mazao yanaharibiwa na watoto wanashindwa kwenda shule kwa usalama.

Wananchi wamemsihi Mbunge aingilie kati ili serikali na sungusungu waendelee kufanya kazi ili kurudisha amani kijijini, kwani hali imefikia hatua ya kutisha na kuwaathiri maisha yao ya kila siku.

 

[Erythrocyte]

Diwani tayari

 

[muhomakilo jr]

Wafugaji wana hela, na watoa rushwa wakubwa, kama wananchi wenyewe hamjaungana kupambana nao kuwafurusha mmekwisha.