Jana nilienda Shinyanga Mjini baada ya siku kama nane hivi tangu nitoke Dar kwenye msiba wa Ndugu yangu aliyefariki na corona - hata kama vipimo havikuonesha lakini dalili zote zilijitokeza.
Jioni wakati naelekea stendi nipande gari za Maganzo nikaona ninunue magazeti. Magazeti yanayowahi Shinyanga yanaingia kabla ya saa 2 asubuhi - yale yanayotekea kwa Mwanza. Sasabasi nilinunua tu magazeti kama matatu hivi mojawapo likiwa Mwananchi na sikulisoma kichwa chake cha habari.
Kwa kuwa kwenye daladala tulibanana (hatujali corona) sikuweza kuyasoma hayo magazeti mpaka nilipofika maskani. Baada ya kufika mwananngu ambaye jumapili anatakiwa aende shuleni Mara akaniambia anaomba gazeti la Mwananchi alipitie (akanikumbusha pia wkt nafanya kazi kil siku nilikuwa narudi nyumbani na magazeti - nikajichekesha tu).
Baada ya kumpa lile gazeti aksoma kichwa cha habari ambacho kilionesha kuwa CHADEMA wanafuatiliwa kwa matumizi ya fedha ambazo walikusanya kutoka kwa wabunge wao. Basi akaniuliza maswali kadhaa kama vile je hao wabunge walilazimishwa kukusanya, je fedha hizo alipewa tu Mbowe?
Je, kama zilikuwa ni za wabunge wametoa kwenye chama chao inakuwaje Serikali hasa TAKUKURU waingilie kufanya uchunguzi, basi akaniuliza maswali mengi tu na mwishowe akaniambia - kama yeye anaona vile Serikali haikitaki kabisa CHADEMA. Hapo nikaguna - nikamwambia inawezekana lkn nikamwuliza kwani yeye kaona nini cha ajabu?
Akaniambia hivi hata CCM nao wanaweza wakahojiwa kwa ajili ya matumizi ya fedha zao? Kwa mfano akajitolea mfano mwenyewe kwamba mwaka jana alinunua kadi ya Umoja wa Vijana wa CCM na anaamini inaweza ikawa haijatumika vizuri sababu hata risiti hakupewa.
Je, anaweza kumwajibishaje yule aliyemwuuzia kadi ile kama atakuwa katumia fedha za kadi vibaya? Akaendelea kuniambia mfano Mbowe ambaye ni Mwenyekiti wa CHADEMA anahusishwa sana na fedha za CHADEMA, je hiyo inaweza pia ikafanyika kwa Mwenyekiti wa CCM iwapo CCM inakuwa na matumizi mabaya ya fedha?
Kuonesha ana ufahamu mzuri kuhusu siasa akasema Dr JPM alipoingia madarakani aliunda timu ambayo ilibaini ubadhirifu wa mali za CCM wkt wa JK, je kwa kuwa JK alikuwa ni Mwenyekiti wa CCM wakati huo kwa nini hata haikuwahi kusemwa kuwa TAKUKURU wamhoji JK kuhusu matumizi ya fedha hizo?
Kwa kweli mwanangu Fadhili aliniuliza na kujadili nami mambo mengi sana kuhusu habari ya Mwanachi jana na mambo ya TAKUKURU inavyofanya kazi kwenye ulingo wa siasa hadi nikajiuliza kuhusu Mwl anayemfundisha General Studies huko shuleni kwake (siitaji shule isije ikaleta tatizo). Inawezekana Mwl huyo anawafundisha watoto siasa ngumu sana.
Zaidi ya yote mwanangu alinionesha ni namna gani vijana wadogo wa umri kama wake wa miaka 19 wanaanza kuelewa dhana ya uhuru wa kufanya siasa kwa haki na kwa uhuru. Anaonesha kwa mifano halisi namna uhuru wa kufanya siasa unavyobinywa.
Mpaka mwaka jana alikuwa anaisema vizuri CCM kutokana labda ni kunifariji mimi niliyekuwa MwanaCCM. Kwa sasa naona anabadilika na hata rafiki zake nafikiri watakuwa wanafikiri kama yeye. Ninavyotabiri kwa matendo haya CCM inaweza ikawa sio salama sana!
