The Watchman
JF-Expert Member
- Nov 7, 2023
- 2,186
- 4,940
Mwenyekiti wa Chama Cha Demokrasia na Maendeleo (CHADEMA) Wilaya ya Kyela, Victoria Swebe, ametoa tamko kali dhidi ya kile alichokiita "siasa za mateso" na kesi za kutengenezewa, huku akitaka mamlaka kukomesha vitendo vya utekaji na mauaji nchini.
Akizungumza wilayani humo jana, Aprili 21, Swebe ameweka wazi kuwa chama hicho hakiwezi kufurahia uhuru wa kisiasa uliotangazwa huku viongozi wake wakuu wakiendelea kusota gerezani kwa tuhuma zisizo na mashiko.
"Tunajua haki imetendeka kwa CHADEMA kuruhusiwa kufanya siasa, lakini furaha yetu haijakamilika. Tunatamani kusikia kesi ya Lissu imefutwa na Mwenyekiti wetu yuko huru. Huwezi kuwa na kesi ya uhaini au ugaidi ya mtu mmoja; hizi ni kesi za mchongo zinazomlenga mtu anayepigania haki ya chama chake," alisema Swebe.
Kiongozi huyo, akionekana kuguswa hisia, amekumbushia matukio ya Oktoba 29, 2025, akijitaja kama mhanga wa moja kwa moja wa machafuko ya kisiasa yaliyopelekea vifo na upotevu wa wapendwa wake ambao maeneo yao ya maziko hayajulikani mpaka leo.
"Kama mzazi, moyo wangu unauma sana. Kila siku tunasikia watu wanatekwa na hawaonekani. Watawala lazima wapaze sauti kukemea mauaji na utekaji huu. Mungu aishie anajua, na kila mmoja atavuna kile alichokipanda," ameongeza.
Swebe alirejea uzoefu wake wa kukamatwa mara kwa mara, ikiwemo kuwekwa kizuizini kwa siku 15 kwa tuhuma za uongo na hata kuswekwa ndani kwa siku nne kwa kuvaa sare ya CHADEMA kanisani. Amesema vitendo hivyo vimeimarisha uthabiti wake badala ya kumvunja moyo.
Alimalizia kwa kusisitiza: "Imani yangu ni CHADEMA. Watauumiza mwili wangu lakini si imani yangu. Sisi tunahubiri haki na tunatenda haki, na ndiyo maana kila mara kesi zetu zinaishia kwenye haki. Hatutaacha msimamo huu."
Akizungumza wilayani humo jana, Aprili 21, Swebe ameweka wazi kuwa chama hicho hakiwezi kufurahia uhuru wa kisiasa uliotangazwa huku viongozi wake wakuu wakiendelea kusota gerezani kwa tuhuma zisizo na mashiko.
"Tunajua haki imetendeka kwa CHADEMA kuruhusiwa kufanya siasa, lakini furaha yetu haijakamilika. Tunatamani kusikia kesi ya Lissu imefutwa na Mwenyekiti wetu yuko huru. Huwezi kuwa na kesi ya uhaini au ugaidi ya mtu mmoja; hizi ni kesi za mchongo zinazomlenga mtu anayepigania haki ya chama chake," alisema Swebe.
Kiongozi huyo, akionekana kuguswa hisia, amekumbushia matukio ya Oktoba 29, 2025, akijitaja kama mhanga wa moja kwa moja wa machafuko ya kisiasa yaliyopelekea vifo na upotevu wa wapendwa wake ambao maeneo yao ya maziko hayajulikani mpaka leo.
"Kama mzazi, moyo wangu unauma sana. Kila siku tunasikia watu wanatekwa na hawaonekani. Watawala lazima wapaze sauti kukemea mauaji na utekaji huu. Mungu aishie anajua, na kila mmoja atavuna kile alichokipanda," ameongeza.
Swebe alirejea uzoefu wake wa kukamatwa mara kwa mara, ikiwemo kuwekwa kizuizini kwa siku 15 kwa tuhuma za uongo na hata kuswekwa ndani kwa siku nne kwa kuvaa sare ya CHADEMA kanisani. Amesema vitendo hivyo vimeimarisha uthabiti wake badala ya kumvunja moyo.
Alimalizia kwa kusisitiza: "Imani yangu ni CHADEMA. Watauumiza mwili wangu lakini si imani yangu. Sisi tunahubiri haki na tunatenda haki, na ndiyo maana kila mara kesi zetu zinaishia kwenye haki. Hatutaacha msimamo huu."