Mwezi tuliokuwa tukiusubiri kwaajili ya hukumu ya Lissu, umefika!

[Atukuzwaye]

Mwezi Novemba tuliokuwa tukiusubiri hatimaye umefika. Macho na masikio ya Watanzania wengi sasa yanaelekezwa Novemba 6, 2026, siku ambayo Mahakama Kuu ya Tanzania inatarajiwa kutoa hukumu ya kesi ya uhaini inayomkabili Mwenyekiti wa CHADEMA, Tundu Antipas Lissu.

Kesi hiyo iliyochukua takribani mwaka mmoja imefikia hatua ya mwisho baada ya upande wa mashtaka na utetezi kukamilisha hoja zao za mwisho mbele ya jopo la majaji watatu.

Upande wa mashtaka umesisitiza kuwa umeweza kuthibitisha shtaka dhidi ya Lissu, huku upande wa utetezi ukipinga madai hayo na kueleza kuwa ushahidi uliowasilishwa haujathibitisha kosa linalomkabili.

Sasa, baada ya kusikiliza pande zote mbili, jukumu limebaki kwa Mahakama kutoa uamuzi wake.

Hukumu hii inatajwa kuwa miongoni mwa maamuzi muhimu yanayofuatiliwa kwa karibu katika historia ya siasa na mfumo wa haki nchini Tanzania.

Je, una matarajio gani kuhusu hukumu hii? Na kwa mtazamo wako, uamuzi wa Mahakama unaweza kuwa na athari gani katika mustakabali wa siasa za Tanzania.

 

[Kijana wa Kizimkazi 2030]

Hakuna kinachobadilika Lisu atabaki mwenyewe

 

[CAPO DELGADO]

Mkuu Atukuzwe.
Binasfi Kila nilipopata Muda nilijitahidi sana Kufuatilia hiyo kesi.

-ni kesi ya Uongo
Yenye Lengo la Kukomoa Mtu.

Hukumu yake ni Kusubiri Simu tu.
"Rostan alisema mahakama za Majaji kuPigiwa simu".

USITEGEMEE SANA HUKUMU YA HAKI.

 

[LOTH HEMA]

Hiyo hukumu ina makandokando mengi, watahukumu kwa kuangalia situation ndani ya nchi na nje ya nchi impact yake itakuaje ku stabilize siasa ndani na nje ya nchi, negative or positive, tusubiri tuone itakuaje

 

[Tate Mkuu]

Ni hukumu ya kurejesha matumaini kwa mhimili wa Mahakama, au kuubinafsisha rasmi mikononi mwa Wanasiasa wabinafsi! Na hivyo kuendelea kupoteza imani ya upatikanaji wa haki kwa wananchi.