Akiwa Tunduma, mkoani Songwe kwenye ziara ya kikazi ya kukagua maeneo yaliyoathirika kutokana na vurugu zilizotokea nchini Oktoba 29 mwaka huu na siku zilizofuata, Waziri Mkuu Dkt. Mwigulu Nchemba ametoa wito kwa Watanzania kuacha kufuata mkumbo wa wanasiasa na wanaharakati wanaowashawishi kuchukiana, kupigana na hata kuuwana wakati mwingine, kwani wale wanaoshawishi na familia zao sio waathirika wa moja kwa moja wa madhira yanayotokea badala yake wengine wanalipwa kutokana na vurugu hizo
Akizungumza na wakazi wa Tunduma leo, Jumatano Desemba 17.2025, Dkt. Mwigulu amesema wanasiasa 'wanacharurana' majukwaani lakini wakikutana mahali ikiwemo Bungeni wanakaa pamoja na 'kuchekeana' na kwamba kwa wakati huo hawakumbuki kama wao walikuwa sababu ya watu fulani kupigana, kuchukiana au kupoteza maisha, hivyo wananchi wasikubali kuingia kwenye mkumbo wa kushawishika kuvuruga amani
