Mzee Rukhsa: Safari ya Maisha Yangu

Mohamed Said · 2022-07-18T18:08:20+00:00

MZEE RUKHSA: SAFARI YA MAISHA YANGU Leo nimeingia Maktaba nikawa naangalia makala ambazo nimeandika kuhusu mambo tofauti ya serikali wakati wa utawala wa Rais Ali Hassan Mwinyi. Kilichonifanya nifanye hili ni kule kusoma sehemu za kitabu cha Mzee Mwinyi na katika kusoma huko kukanikumbusha baadhi ya matukio muhimu ambayo yalinisukuma kuandika makala wakati mwingine katika magazeti ya nje kama inavyoonekana katika picha - Africa Events na New African yote majarida yakichapwa London na wakati mwingine tukiandika katika magazeti yetu ya ndani. Hapa nitacheka kidogo kwani ujana hakika una raha zake, wakati mwingine tukiandika kutoka ''msituni.'' Kwa hakika kipindi cha utawala wa Mwinyi hakupungukiwa na watu waliokuwa wanaona raha kumshambulia. Ilisikitisha kuwa kulikuwa na magazeti yalimpa nafasi Reverend Mtikila kumshambulia Rais. Kuna baadhi ya vijana wa wakati ule waliona wana wajibu na dhima kubwa ya kumtetea Rais pale ilipodhihiri kuwa hakuwa na mtetezi. Nilikuwa mmojawapo wa vijana walioamua kumtetea Rais Mwinyi. Namsoma Rais Mwinyi, ''Mzee Rukhsa Historia ya Maisha Yangu,'' na natingisha kichwa kwa mengi ninayokutananayo. Natingisha kichwa kwa kuwa baadhi ya matukio na mambo yaliyomo kitabuni mimi na wenzangu tuliyafahamu kwa undani na tuliyaandika kwa yale yaliyostahili kuandikwa na mengine tuliyanyamazia. Ninapotembea katika Maktaba hakika inanikumbusha mengi na kuwaleta wenzangu wengi tuliokuwa pamoja baadhi wameshatangulia mbele ya haki. Maktaba inanikumbusha watu muhimu sana wa nyakati zile kama Augustine Mrema Waziri wa Mambo ya Ndani na Makamu Waziri Mkuu, Sheikh Kassim bin Juma Imam Mkuu wa Msikiti wa Mtoro na Mchungaji Christopher Mtikila Muasisi na Kiongozi wa Full Salvation Church. Hakika zile zilikuwa nyakati za aina yake.

Thread starter Mohamed Said
Start date Jul 18, 2022
Tags

maisha maisha yangu mzee safari yangu

Mohamed Said

JF-Expert Member

Jul 18, 2022

Kitomari xxiv

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mzee Rukhsa: Safari ya Maisha Yangu

Mohamed Said

JF-Expert Member

Kitomari xxiv

JF-Expert Member

Our Community

Regional Communities