CCM bado hawana uwezo wa kushindana kisiasa. Hii imethibitika baada ya kauli ya Mgombea wa ccm kuwaambia wapiga kura "Mischague viongozi wa upinzania hata kama wanafaa".
Kauli hii yenye ukakasi imezua tafakuri si kwa wapinzani peke yake, bali hata kwa wana ccm wa kawaida. Inafichua ni kiwango gani ccm imehujumu maendeleo ya taifa kwa matumizi mabaya ya raslimali za taifa wakiwemo watu ambao ni hazina ya taifa.
Tumeshuhudia kwa kipindi fulani sasa ni namna gani majimbo yanayoongozwa na upinzani yakihujumiwa maendeleo, kwa kubaguliwa eti walichagua upinzania bil kujali kwamba hawa wananchi ni walipa kodi tena wazuri pengine kuliko hata wana ccm ambao ni mafisadi wa vizazi na vizazi, ila wanabadili rangi na aina ya ufisadi tu kama vinyonga.
Kuna maeneo ambayo hata fursa za miradi mizuri ya maendeleo zilizuiliwa na wakurugenzi eti kwa kuwa tu halmashauri ziko upinzani (Hili mimi ni shahidi, nilishuhudia wakati nimetembeleo ofisi ya Manispaaa Arusha. Kuna mtu mmoja alikwenda kwa Mkurugenzi akiwa na mradi wa supply ya maji na salama kwa mji mzima wa Arusha uliokuwa na manufaa lukuki yakiwemo afya, umeme, mazingira, uzalishaji, etc, bila kuongeza gharama ya maji kwa mtumiaji. Ilikuwa wananchi wawe wanafungulia maji bombani kokote na kunywa bila kuchemsha. Kwa masikio yangu wakati huyo mwananchi anawasilisha, alijibiwa na Mkurugenzi "Umepitia halmashauri, halmashauri yenyewe ni ya CHADEMA, mradi hautekelezeki". Niliugua moyoni ni kumfuata huyo Mtanzania akiwa na mabahasha yake, ndipo nilipojua huduma.
Lakini hii ni kwa sababau ccm hawana uchungu na maendeleo wala ustawi wa taifa na ndiyo sababu wamefanya hujuma kama hizi ili kuwaaminisha wananchi wapiga kura wenye uelewa mdogo kwama "Wapinzania hawawezi kuwasaidia" Hii si haki Mbele za Mungu.
Mgombea wa ccm aliposema "Msiwachague wapinzani hata kama wanafaa" eti wachague ccm ili awabane. Hii ina maana
1. Nchi inaongozwa na utashi wa mtu na si mfumo wajibishi. Ikitokea kiongozi anayefanya juhudi za kuwabana watu akawa na udhuru wa kutokuwa ofisini, hakuna uwajibikaji, n ahata juhudi anazosimamia zinakomea pale, bila haki ya mtu kuhoji uendelevu wake.
2. Hao anaosema wachaguliwe atawabana, ameshindwa kuwabana hadi sasa ni diyo sababu ya tumeshuhudia aki recycle mawaziri hadi basi. Hii ni kutokana na kuwa na watu wasiofaa, wasiokuwa na uwezo wala sifa sahihi ambao wamekuwa mizigo si kwake tu bali kwa taifa. Kuongozwa na viongozi mizigo, kumeliletea taifa hasara kiasi gani cha kazi duni, upotevu wa muda na gharama za malipo yao?
3. Mheshimiwa angelikuwa na uwezo wa kuwabana, bila shaka angewarekebisha wakafanya kazi sahihi kwa kiwango sahihi. Lakini kuwabana kwa kuwafukuza kazi, ni dhahiri hawa watu si wa kurekebisha maana hawana uwezo wa kubadilika.
4. Kuwa na viongozi wanaotegemewa kubanwa ili wafanyekazi, ukaacha watu wenye sifa na uwezo ambao wamesomeshwa na taifa hili kwa gharama kubwa, wenye vipaji ambavyo Mungu amelitunuku taifa hili, ni kukosa uzalendo na ni hujuma kubwa kwa taifa.
5. CCM imedhihirisha kukosa uwezo wa kutumia raslimali za taifa ipasavyo na ndiyo sababu hawana uchungu kutamka wachaguliwe watu hata kama ni wa hovyo kwa gharama ya kodi za Watanzania, walipwe kwa kodi za wananchi, watumie muda mkubwa wa kukimbizana na kukwepana ambao ulitakiwa uwe muda wa kulizalishia taifa, watu ambao hawana uwezo wa kurithisha kitu chema kwa vizazi vijavyo kti ambacho ni cha huzuni sana.
6. Unaweza kuwabana watu katika utekelezaji wa maazimio. Lakini unawezaje kumbana mtu asiye na uwezo ili atunge sera na sheria za nchi? Hawa wanaopigiwa debe kwamba walpewe tu uongozi hata kama hawana sifa, watakwenda bungeni kuchanganua bills na kuzipitisha ama kushauri masuala ya levels gani katika dunia hii inayoathiriwa na masuala mbalimbali ya utandawazi? Hawa watu wanajua sera za nchi na sheria zinapashwa kuzingatia mambo gani? Wanapeleke wapi nchi yetu hawa?
7. Nimepata kwikwi sana katika hili nikaona, picha pana sana juu ya kukaatwa kikatili majina ya wagombea wa upinzania, kutokusilikizwa hata wakiwa na hoja za msingi kiasi gani, hila za kucheleweshwa mashauri ya uchaguzi, matumizi ya nguvu kama utekaji n.k bila kujali kwamba tunajenga taifa moja.
8. Kwa kuzingatia mambo mengi nyuma ya udhaifu huu, ninatoa wito kwa Watanzania wote, tuchague wawakilishi wenye sifa na wanaofaa bila kuajli vyama ili CCM wajifunze kutumia raslimali za taifa kwa maslahi ya taifa. Asiyetaka kufanya kazi na watanzania wenye sifa eti kwa sababhu hawezi kuwa thibiti, ni mtu asiyejue kwamba uongozi ni mifumo na bila mifumoa sahihi hakuna maendeleo endelevu hivyo, ajitathmini.