Nahitaji soft copy novena ya Bikira Maria mfungua mafundo

Nahitaji soft copy novena ya Bikira Maria mfungua mafundo

Luka 1
26 Mwezi wa sita, malaika Gabrieli alitumwa na Mungu kwenda mpaka mji wa Galilaya, jina lake Nazareti,
27 kwa mwanamwali bikira aliyekuwa ameposwa na mtu, jina lake Yusufu, wa mbari ya Daudi; na jina lake bikira huyo ni Mariamu.
28 Akaingia nyumbani kwake akasema, Salamu, uliyepewa neema, Bwana yu pamoja nawe.
30 Malaika akamwambia, Usiogope, Mariamu, kwa maana umepata neema kwa Mungu.
31 Tazama, utachukua mimba na kuzaa mtoto mwanamume; na jina lake utamwita Yesu.
46 Mariamu akasema, Moyo wangu wamwadhimisha Bwana,
47 Na roho yangu imemfurahia Mungu, Mwokozi wangu;
48 Kwa kuwa ameutazama Unyonge wa mjakazi wake. Kwa maana, tazama, tokea sasa Vizazi vyote wataniita mbarikiwa;
49 Kwa kuwa Mwenye nguvu amenitendea makuu, Na jina lake ni takatifu.
50 Na rehema zake hudumu vizazi hata vizazi Kwa hao wanaomcha.
51 Amefanya nguvu kwa mkono wake; Amewatawanya walio na kiburi katika mawazo ya mioyo yao;
52 Amewaangusha wakuu katika viti vyao vya enzi; Na wanyonge amewakweza.
53 Wenye njaa amewashibisha mema, Na wenye mali amewaondoa mikono mitupu.
54 Amemsaidia Israeli, mtumishi wake; Ili kukumbuka rehema zake;
55 Kama alivyowaambia baba zetu, Ibrahimu na uzao wake hata milele.

Yohana 16
23 Tena siku ile hamtaniuliza neno lo lote. Amin, amin, nawaambia, Mkimwomba Baba neno lo lote atawapa kwa jina langu.
24 Hata sasa hamkuomba neno kwa jina langu; ombeni, nanyi mtapata; furaha yenu iwe timilifu.


Wafilipi 2:10-11​


Ili kwa heshima ya jina la Yesu, viumbe vyote mbinguni, duniani na kuzimu, vipige magoti mbele yake, na kila mtu akiri kwamba Yesu Kristo ni Bwana, kwa utukufu wa Mungu Baba.


Matendo ya Mitume 4
12 Wala hakuna wokovu katika mwingine awaye yote, kwa maana hapana jina jingine chini ya mbingu walilopewa wanadamu litupasalo sisi kuokolewa kwalo.
 
Half american said:
Wakiweka nitachukua, tuelekezane namna ya kusali. Lamomy huna?
Click to expand...
Sikuwepo jirani
Ngoja nimpe hii hapa 👇

NOVENA YA BIKIRA MARIA MFUNGUA MAFUNDO

Sala ya utangulizi:-
👉🏽Nasadiki
👉🏽Sala ya Imani
👉🏽Sala ya Matumaini
👉🏽Sala ya Mapendo
👉🏽Sala ya Katibu
👉🏽Sala kwa Maria Mfungua Mafundo
👇🏽👇🏽👇🏽👇🏽

Mama yetu mpole Maria mfungua mafundo, chanzo cha amani na Furaha, unayajua maisha yangu vizuri kwamba yamejaa mafundo ambayo yananifanya nikose hewa mara kwa mara. Yamenifanya mfungua na hivi ninaomba ukombozi kutoka kwako mama. Ninaaminia upendo wako wa kimama na ninajua kwamba kwa njia ya maombezi yako kwa mwanao, utayafungua moja baada ya jingine. Nataka kuishi maisha mapya ya mtoto wa Mungu a ninaamini kwamba bwana hataniacha bali atanipa maisha mapya ya mwili, akili na roho.

Naomba nisiwe peke yangu katika vita hivi vya rohoni, bali unielekeze na uniongoze ktk bonde hili la machozi. Pamoja nawe kama msafiri mwandamana ninauhakika wa kuwa kwenye njia sahihi.

Fungua Mafundo yangu yote leo ninaposubiri muda ule ambamo utafungua fundo la mwisho la maisha yangu nitakapokuwa huru mbali na dhambi zote na ninapomwona Bwana wetu uso kwa uso katika heri ya milele Mbinguni

Amina
🙏🏼🙏🏼🙏🏼🙏🏼

Sala mafungu matatu ya Rozari
(Mafungu ya siku husika)

MAFUMBO YA FURAHA - Jumatatu

1⃣Malaika anampasha Habari Maria kwamba atakuwa Mama wa Mungu

2⃣Maria anakwenda kumtegemea Elizabeti

3⃣Yesu anatoka Hekaluni

Somo la Biblia
👇🏽👇🏽👇🏽👇🏽
Siku ya tatu kulikuwa na harusi huko Kana, mji wa Galilaya; naye mama yake Yesu alikuwako. Yesu naye alikuwa amealikwa harusini pamoja na wanafunzi wake. Hata divai ilipokwisha, mama yake Yesu akamwambia"hawana divai"Yesu akamwambia,"mama nina nini nawe? Saa yangu haijawadia.Mama yake akamwambia watumishi"Lolote atakalowambia,fanyeni"
(Yohana 2:1-5)
Nakimbilia ulinzi wako Ee Maria Mama yangu. Kwa huruma na upendo wako na kujali kwako tayari unaona magumu yanayopitia familia yangu. Unaona machozi mchana na usiku.Unaona mapambano yanayoonekana kuendelea bila mwisho. Lakini kama unavyoiombea pia na kusema" Lolote atakalowambia fanyeni". Iombee familia hii ambayo imechanwa chanwa. vipande kwa umasikini ulevi matatizo ya kimahusia o maombolezo upotevu na ukame wa Kiroho.Nao.ba ifungue milango yake wazi ili Kristo aingie.Ili hili lifanyike,ninaweka katika mikono yako ya kimama fundo
.........
(taja fundo)

Najua utalifungua na Kristo atachukua mahali pake stahiki katika familia hii.Sikiliza sala yangu Maria na uwe kielelezo changu na kiongozi wetu

Maria mfungua mafundo, niombee mimi ninayekukimbilia

Sali mafungu mawili ya mwisho ya Rosali

4⃣Yesu anatolewa Hekaluni

5⃣Maria na Yusufu wanamkuta Yesu Hekaluni

SALA YA MWISHO

Bikira Maria mfungua mafundo
Maria mama yetu mfungua mafundo kumbuka kwamba haijasikika kamwe kuwa aliyekukimbilia akitaka umsaidie ulimwacha bila kusaidiwa. Nikichochewa na matumaini hayo na nikielemewa na dhambi zangu na mateso yangu ninakimbilia ulinzi wako kwa moyo wa majuto Ee mama. Mama wa Neno la Mungu usiakatae maombi yangu lakini unihurumie na usikilize Sala yangu.

Unafungua mafundo yote katika maisha yetu Ule mkanda mrefu wa mafundo unanyooshwa katika mikono yako ya kimama na ya Mapendo Sasa nakuja kwako Ee Bikira wa mabikira, ona mafundo mangapi yananiziba pumzi maisha yangu. Unao mateso ya maisha tena na tena.

Unaona nilivyopooza.Ee Maria uliyepata neema Imakulata mwenye kufungua mafundo katika maisha ya wanao naweka mikononi mwako marinda haya

👉🏽Changamoto za Kiroho

👉🏽Changamoto mahali ninapofanyia kazi

👉🏽Changamoto ninazozibeba katika maisha yangu na ambazo hazina ufumbuzi

👉🏽Mafundo yaliyosababishwa na tabia yangu, kukosa uvumilivu kukosa uwezo wa kuisikiliza, hasira, wivu, kutaka kulipa kisasi mashindano woga, chuki, kukosa usalama, kiburi, kutovutiwa na wenzake, hangaiko la moyo huzuni, urafi kushindwa, na uchoyo.

👉🏽Mafundo ya mioyo yetu iliyo migumu inayotuzuia kupenda kwa ukarimu na kusamehe kwa unahisi

👉🏽Mafundo yanayosabaishwa na matambiko,mazingaombwe, ushirika, uchawi, kupiga ramli.

👉🏽Mafundo kama matokeo ya kutoelewana katika familia Kati ya wazazi na watoto

👉🏽Mafundo ya kukosa ajira

👉🏽Mafundo ya msongo wa moyo kati ya mme na mke

👉🏽Mafundo yatokanayo na ulevi wa kupindukia na matumizi ya madawa ya kulevya

👉🏽Mafundo ya matokeo ya ugonjwa usiotibika

👉🏽Mafundo yanayosababishwa na maumivu Kutoka kwa wengine

👉🏽Mafundo yanayosababishwa na kuhukumiwa na dhamiri na utoaji wa Mimba.

Kwa unyenyekevu na kwa UTUKUFU wa Mungu tunakuomba ufungue mafundo haya yasiwepo tena milele.

Tunakutumainia kwa kuwa wewe ni faraja yetu pekee Ee mama. Yapeleke yote kwa Yesu mwanao Bwana wetu. Kwa maombezi yako yenye nguvu hakuna fundo hata moja linaloweza kubaki limefungwa.Kwa Imani kubwa tunatamani ulinzi wako wa pekee na wa uhakika maana hakuna aliyekimbilia msaada wako akakataliwa.Maria mfungua mafundo utuombee kwa Mwanao na Bwana wetu sasa na hata milele.

Amina.
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register