Pole sana. Mi mwenyewe ni msanii wa muziki. Nilianza harakati hizi 2007 nikiwa Form II, nimekaa kidogo Kenya, na mwaka 2014 nilienda studio kwa mara ya Kwanza huko Mbeya City, nikarekodi wimbo unaitwa "Am Very Busy". Baadae 2015 na 2016 nikarekodi "Never" na "No Money" na baadae "So Different". Mwaka 2016 nilifika Radio Free Africa na zilinitoka kama laki mbili hivi kwa ajili tu ya nyimbo zangu kupigwa redioni. Baada ya kutoa hiyo hela ni kweli nilivuma kiasi, jina la kisanii ni JO AFRICA, na hata ukiingia kwenye Music Platforms mbalimbali utanikuta. Wimbo wa AM VERY BUSY ulikuwa ukipigwa kila mara na akina Zuberi Msabaha (RIP) na kuna muda ulishika chati Top 10, mpaka kushika nafasi ya Kwanza kwenye Power Breakfast ya Vodacom enzi hizo, category ya REGGAE.
Kila mara nilipigiwa simu na kuambia wanapiga wimbo wangu, na kweli waliipiga kwa takribani mwaka mzima, na kila mara walihitaji kitu kidogo ili waendelee kuupiga wimbo, na kumbuka sikuwa hata na Video yake. Ilikuwa ni Audio tu. Waliniambia nitoe video ili waniunganishe na Star Tv, na mpaka muda huo nilikuwa nimetumia kama laki sita hivi juu ya wimbo mmoja tu, niliupeleka Bomba FM huko Mbeya, nikaupeleka na Zambia pamoja na Kenya, na nikapata kuperfom kwenye stage mara kadhaa. Nakumbuka mwaka 2015 walikuja akina Mzee Charles Magali kwenye uzinduzi wa Filamu ya Black Valentine, na nikafanya show hapo Mbeya...
Kipindi najipanga kufanya video, mama yangu mzazi akafariki, na baada ya hapo nikaondoka nchini kwenda kuishi Zambia, niliporudi Tanzania nikaingia kwenye mambo ya Sales and Marketing, nikajiunga na DSTv, baadae mwaka 2017 nikapata shule huko Simiyu, nikaingia kwenye Teaching Industry maana nina Degree (Bachelor of Arts with Education) ya English na Literature. Nikasema nifundishe kwa miaka 5 then nirudi kwenye game, Kumbuka muda huo nina mke na mtoto mmoja. 2018 nikampata mtoto wa pili, 2021 mtoto wa tatu, na sasa niko Mwanza hapa na jumla ya watoto wanne, watatu wanasoma English Medium ada nalipa zaidi ya Milioni 4 kwa mwaka. Kazi yangu mwalimu na siko Serikalini, vipi kuhusu mziki?
Ni zaidi ya miaka 8 nafundisha na wanafunzi wangu wamemaliza vyuo vikuu na wako na ajira na wengine wamejiajiri. Nimeandika nyimbo kibao tu, ila tangu 2016 sijawahi kurudi Studio. Nyimbo zangu niliamua kuzitupia Mdundo, Mkito, na nikajiunga na Anti-Joy kwa ajili ya kupromote nyimbo zangu, lakini mpaka leo sijawahi pata pesa kutokana na muziki. Pesa nilizotumia kurekodi na kutangaza ni nyingi kulinganisha na posho za show nilizopiga enzi hizo.
Nimejaribu lakini nimeona na majukumu ya sasa na kuwa na vipaji vingine vimechangia kupotea kimuziki. Licha ya kuwa Mwalimu, mimi pia ni POET, AUTHOR na WEB DEVELOPER. Mara nyingi natumia muda wangu wa ziada kuandika vitabu, mashairi ya kiingereza na kufanya blogging. Niko mtandaoni kama THE MYCROPOST UNIVERSE. Ukitafuta jina hilo Google utaona website yangu.
Sijakata tamaa kuhusu mziki na wala sijachelewa. Na nikushauri tu ndugu yangu, kama una kipaji kingine mbali ma mziki basi kiendeleze, na unaweza pata pesa nyingi huko kuliko hata kukomaa na muziki. Kama hauna familia bado, hauna watoto, unaweza komaa huko, ila hakikisha uko sana na uungwaji mkono na watu wa kwenu, marafiki na uwe na bidhaa hitajika sokoni. Mimi pia nilipata changamoto ya lugha. Nyimbo zangu nimeziandika kwa kiingereza, na niko Tanzania... Na nilikua naimba Reggae. Ila upande wa Ualimu si haba pia, na uandishi wangu unanilipa pia, na napata pesa kutokana na kutengeneza website, na hizi zote ni kipaji na utundu tu wa kucheza na computers. Na kwa sasa kuna Artificial Intelligence, kuna SUNO na kadhalika... Kuandika wimbo mzuri ni kutaka kwako tu... Je, uko tayari kuishi kama msanii?
