Nateseka sana kwa tukio hili, ukipata nafasi ya kusaidia mtu msaidie kweli

[FRANCIS DA DON]

Leo nimeingiza kumbukumbu mbaya sana katika kichwa changu, na inanitesa sana!

Nilikuwa mjini katika mizunguko ya hapa na pale, ghafla alianza kujongea mtu aliyeonekana kwa haraka haraka kuwa ni wale wanaookota chupa za plastiki ili kujipatia riziki.

Aliposogea karibu zaidi nikagundua kwamba mguu wake mmoja umevimba mno, yaani umekuwa kama wa tembo na ulikuwa na kidonda kikubwa sana.

Aliposogea karibu zaidi nikagundua kwamba anatembea kwa kuburuza ule mguu mmoja tena kwa maumivu makali kupindukia maana usoni alionesha kuwa mtu mwenye maumivu makali yasiomithilika yenye mchanganyiko wa arosto ya unga, njaa na kiu kali ikichanganyika na maumivu makali ya donda kubwa kwenye mguu wake uliovimba.

Aliposogea zaidi nikagundua kiroba chake cha kukusanyia machupa kilikuwa kitupu labda kilikuwa na chupa mbili tatu hivyo bado alikuwa ana shughuli pevu ya kuweza kupata walau kilo mbili akapate hata 500 ya chakula.

Basi akasogea zaidi hadi kwenye msitimu uliokuwa mita chache toka nilipo, huku nikimtazama kwa huruma sana, bila hata yeye kujua kama namfuatilia ile movement yake pale, akainama kuegemea ule msitimu kwa kichwa chake, na hapo ndipo nilipoona machozi yakimtoka, akayafuta na kujaribu kujikaza ila bado yakandelea kummiminika kwa kasi, akawa anajitahidi kuficha maumivu anayopata ila ikashindikana.

Daah, niliumia sana, nikatoa kanoti ka buku mbili nikampa kijana aliyekua jirani yangu ampelekee, yule kijana akapeleka kwa haraka, naye alipoona ona ile noti, kwa kweli alihisi mbingu imemshukia, aliichukua na kufuta machozi, yakafutika na yakapungua kumiminika, akaikunja ile noti vizuri na kuendelea na safari yake kwa mauivu yake yale ya awali.

Sasa kila nikikumbuka ile scenario najilaumu kwanini sikutoa zaidi wakati nilikuwa na bunda mbili za noti mfuko mwingine. Surely ningeweza kutoa zaidi, ila sikutoa, nateseka sana nikikumbuka, ila sehemu jamaa ameinama na anamwagika machozi ya uchungu, nimejikuta machozi yananitoka kila nikikumbuka, najilaumu, kwanini sikumpa zaidi, maana nisingepungukiwa chochote.

Hivi nyie matajiri wa dunia hii, mnawezaje kuishi kifahari huku binadamu wenzenu wanateseke kiasi hiki? Na nyie wauza madawa acheni, mnatesa vijana huku mitaani, aagh!

=====
Ya wadau

Hii inafanana na mimi nilikuwa kwenye pori fulani natembea nipo mwenyewe nimetoka kumtafiti mtu ghafla kwa mbele yangu nikamwona mbibi na babu kwa inavyoonekana ni mtu na mume wake wanaongozana wamebeba viroba vya nguo kabla sijawafikia kwa karibu wakaniuliza wewe kabila gani na unatokea wapi huku ? Nikawajibu.

Baada ya hapo wakaniambia wametokea kwenye msiba kijiji fulani na kijiji walichoniambia ndio nyumbani wanakwenda ni mbali sana maana siku moja kabla nilikuwa huko kikazi na wanarudi nyumbani wameamua kupita njia ya miguu kwasababu hawana nauli na hawakula tokea wametoka msibani kadri nilivyokuwa nawasogelea kwa karibu bibi alikuwa ameshika kiuno mithili ya mtu aliyechoka na safari ndefu wapo chini ya kimvuli wamepumzika.

Babu akaniambia naomba tusaidie shilingi mia tano tu tukanunue mandazi ili tuendelee na safari nikawapa shilingi elfu moja kisha nikawauliza je kutoka hapa mpaka mnapokwenda shilingi ngapi wakanieleza nikampatia kila mmoja nauli na ile mia tano kila mmoja ya kula bibi alivyoona vile alilia sana kisha akachukua zile noti akaziombea akajifuta nazo machozi akanipangusia paji la uso kisha tukaagana ila nami nilijuta baadae sana nilipokuja nikatumiwa shilingi laki mbili jioni yake mpesa sikujua itatumwa baada ya kuachana nikajuta kwanini nisingempa ile akiba niliyokuwa nayo kunitunza hiyo siku

 

[Robidinyo]

Kwenye hizo bunda mbili tenga moja umtafute kijana mwenzako umsaidie matibabu ya huo mguu.

 

[Binti1]

Ulimuoona maeneo gani? Unaweza kurudi na ukiulizia bodaboda wa hapo ,wauza maduka ,wapiga debe au wafanya biashara hapo.

Jaribu kum-describe wanaweza kukuambia if he is a regular maeneo hayo then acha namba yako wakimuona wakujulishe na uwasiliane nae kupanga umkute hapo umsaidie zaidi

NB: Kama hii issue ni genuine ningependa kusaidia pia.

 

[October man]

“Saidia haraka aliyekuwa na njaa usijiulize”

Nikiwa na uwezo nitawaangalia sana hawa.

 

[FRANCIS DA DON]

Binti1,
Its genuine, ilikuwa ile mitaa ya mbele ya jengo la jangwani wanapouza Rim za magari

 

[Wangari Maathai]

Hata humu wapo wahitaji pia jamani hongera kusaidia

 

[maxime]

FRANCIS DA DON, ]Wanaoteseka ni wengi mzee baba kuliko matajiri... kumbuka njaa ipo kila siku. Nchi yetu ikiweza kufikia angalau uchumi wa kati ndio linaweza kuwa suluhisho la hizo changamoto.

 

[spleen]

Wanamazingaombwe hao wamejaa mjini,mwaka mzima mtu anakidonda kimeoza na anatembea kama kawa haendi hospitali na hatumii dawa yeyote.......ukijaa unajazwa

 

[Wangari Maathai]

Wanamazingaombwe hao wamejaa mjini,mwaka mzima mtu anakidonda kimeoza na anatembea kama kawa haendi hospitali na hatumii dawa yeyote.......ukijaa unajazwa

Duh...lakin maumv anaskia!

 

[Drizzle]

Life is a game

 

[FRANCIS DA DON]

Wanamazingaombwe hao wamejaa mjini,mwaka mzima mtu anakidonda kimeoza na anatembea kama kawa haendi hospitali na hatumii dawa yeyote.......ukijaa unajazwa

Aisee, yule jamaa alikuwa haombi, alikuwa anajikaza na kuokota machupa ya plastiki ajipatie riziki, yaani ungeona ile scenario, kidogo nilie..

 

[Jagood]

Hii ishu week iliopita nilipata kuiskia kwa raia wa mtaa ninaoishi wakiadisianai kua kuna watu wa namna hii. (Ila binafsi sijawai thibitisha)

Wanamazingaombwe hao wamejaa mjini,mwaka mzima mtu anakidonda kimeoza na anatembea kama kawa haendi hospitali na hatumii dawa yeyote.......ukijaa unajazwa

 

[Qurie]

Ubarikiwe

 

[Binti1]

spleen manengelo kila mtu anashida kweli ,kama mtu akiguswa kusaidia asaidie tu kama sio genuine case huyo alosaidiwa ataenda jibu kwa Muumba kwasababu hiyo ni sadaka.
Ni kweli wenye shida ni wengi ila baraka zetu zina kuja kwa njia tofauti kama huyo yake imefikia kwa njia hii basi imepangwa.Huwezi acha kumsaidia kitu kwa kusema hata "humu" wenye shida ni wengi.
Binti[emoji3531]

 

[Wangari Maathai]

Binti1,
Ni kweli! Inategemea umeguswaje

 

[Mla Bata]

Ukiwa na moyo wa kusaidia barabarani ,basi saidia tu ila hako katabia mi nilishaacha muda mrefu sanaaa. Daslam hapa kuna watu wamefanya swala la kuomba omba kama biashara kuna muda inafikia hujui nani mwenye shida , nani anaigiza.
Utaratibu wangu nikiguswa kutoa ni bora niende kwenye vituo vya watu/watoto wenye uhitaji.

 

[plock]

Hii inafanana na mimi nilikuwa kwenye pori fulani natembea nipo mwenyewe nimetoka kumtafiti mtu ghafla kwa mbele yangu nikamwona mbibi na babu kwa inavyoonekana ni mtu na mume wake wanaongozana wamebeba viroba vya nguo kabla sijawafikia kwa karibu wakaniuliza wewe kabila gani na unatokea wapi huku ? Nikawajibu.

Baada ya hapo wakaniambia wametokea kwenye msiba kijiji fulani na kijiji walichoniambia ndio nyumbani wanakwenda ni mbali sana maana siku moja kabla nilikuwa huko kikazi na wanarudi nyumbani wameamua kupita njia ya miguu kwasababu hawana nauli na hawakula tokea wametoka msibani kadri nilivyokuwa nawasogelea kwa karibu bibi alikuwa ameshika kiuno mithili ya mtu aliyechoka na safari ndefu wapo chini ya kimvuli wamepumzika.

Babu akaniambia naomba tusaidie shilingi mia tano tu tukanunue mandazi ili tuendelee na safari nikawapa shilingi elfu moja kisha nikawauliza je kutoka hapa mpaka mnapokwenda shilingi ngapi wakanieleza nikampatia kila mmoja nauli na ile mia tano kila mmoja ya kula bibi alivyoona vile alilia sana kisha akachukua zile noti akaziombea akajifuta nazo machozi akanipangusia paji la uso kisha tukaagana ila nami nilijuta baadae sana nilipokuja nikatumiwa shilingi laki mbili jioni yake mpesa sikujua itatumwa baada ya kuachana nikajuta kwanini nisingempa ile akiba niliyokuwa nayo kunitunza hiyo siku

 

[FRANCIS DA DON]

Wanamazingaombwe hao wamejaa mjini,mwaka mzima mtu anakidonda kimeoza na anatembea kama kawa haendi hospitali na hatumii dawa yeyote.......ukijaa unajazwa

Kwamba kidonda kinakuwa ni feki?

 

[macho_mdiliko]

Kwamba kidonda kinakuwa ni feki?

Ombaomba wa vidonda feki wapo. Kuna mmoja alikuwa anabandika kipande cha ngozi mbichi ya mbuzi au ng'ombe tumboni, ule upande wenye damu unakuwa juu. Alikuwa akija dukani anafunua anasema anaomba fedha ya matibabu kwani kidonda kinazidi kulika. Mtu yeyote anayeona kama ana chochote ni lazima atoe haraka kwa mshtuko anaoupata. Mjini kuna ujanja mwingi. Ila kulingana na maelezo yako inawezekana huyo akawa ni mhanga wa madawa au maisha. Watu kama hao hata kuwapa fedha nyingi wakati mwingine inaweza kuwa kama kuwasukuma waendelee kuwa katika hiyo hali ili wasaidiwe. Njia bora ni kujua undani wake na kumsaidia kwenye kupata matibabu na kitu cha kuingiza kipato kila siku. Kumbuka hata hao wanaobandika ngozi baadhi yao mwanzoni walikuwa na vidonda vya kweli wakawa wanavitumia kuomba fedha lakini walipopona wakabuni njia mbadala ili kuendelea kuchuma.

 

[Jhounne]

“Saidia haraka aliyekuwa na njaa usijiulize”

Nikiwa na uwezo nitawaangalia sana hawa.

Anza Sasa mgawane hicho kidogo ulichonacho
Kutoa Ni moyo , usisubiri eti nikiwa na uwezo,