VUTA-NKUVUTE
JF-Expert Member
- Nov 25, 2010
- 6,140
- 18,007
Kwenye siasa, ambamo nimo kwa miaka takribani arobani, timu hazikosekani. Kuanzia kwenye vyama vya siasa na hata kwenye chaguzi, ushindi hupatikana kupitia timu. Timu huratibu bila tabu; hutibu kama tabibu; hunogesha kama mkesha na hurekebisha kama maisha. Timu ndiyo kila kitu kwenye siasa na ushindi wake.
Awamu zote tano za uongozi wa Taifa hili zilitanguliwa na kuratibiwa na timu. Hayati Nyerere alikuwa na timu yake; Mzee Mwinyi alikuwa na timu yake; Mzee Mkapa alikuwa na timu yake; Mzee Kikwete alikuwa na timu yake na hata sasa Rais Magufuli ana timu yake. Timu huunda uongozi kama ngozi na kutamba hadi kutambaa. Timu hufaidi kama siku ya Eid.
Awamu zote zilizotangulia, Marais ndiyo walikuwa Wenyeviti wa CCM Taifa. Walikuwa na neno la mwisho kwenye uteuzi wa wagombea wa CCM wa ngazi zote za kichama na kiserikali. Rais anapokuwa Mwenyekiti lazima aibebe timu yake na kuipa nafasi ya kucheza kama Barcelona-mpira wa danadana kama Maradona. Timu haziepukiki.
Wanachama wote wa CCM mkae mkijua kuwa mwaka huu wagombea wote LAZIMA wawe ni Timu-Magufuli. Na si wale wa kujipendekeza kwake au wale wa kujipitisha majimboni na katani. Ni wale waliokuwa na Magufuli tangu mwanzo. Si wale wadandiaji njiani au waliojisogeza kwake kwa kumsifu Magufuli kwa kila jambo. Ni wale wa enzi na enzi.
Wapo wateule wa majimboni na katani ambao hata hawajawahi kuwepo huko. Ila watatumwa kwenda kugombea ili kuiimarisha timu hiyo ya Magufuli. Wapo watakaookota embe kwenye mnazi. Mambo ya kjipitishapitisha na kujipendekeza hayatakuwa na nafasi kwenye uchaguzi huu. Rais Magufuli anayo timu yake na ataitetea na kuipa tena nafasi.
Tuwe makini na ugonjwa wa corona!
Mzee Tupatupa wa Lumumba (kwasasa Kilosa, Morogoro)
Awamu zote tano za uongozi wa Taifa hili zilitanguliwa na kuratibiwa na timu. Hayati Nyerere alikuwa na timu yake; Mzee Mwinyi alikuwa na timu yake; Mzee Mkapa alikuwa na timu yake; Mzee Kikwete alikuwa na timu yake na hata sasa Rais Magufuli ana timu yake. Timu huunda uongozi kama ngozi na kutamba hadi kutambaa. Timu hufaidi kama siku ya Eid.
Awamu zote zilizotangulia, Marais ndiyo walikuwa Wenyeviti wa CCM Taifa. Walikuwa na neno la mwisho kwenye uteuzi wa wagombea wa CCM wa ngazi zote za kichama na kiserikali. Rais anapokuwa Mwenyekiti lazima aibebe timu yake na kuipa nafasi ya kucheza kama Barcelona-mpira wa danadana kama Maradona. Timu haziepukiki.
Wanachama wote wa CCM mkae mkijua kuwa mwaka huu wagombea wote LAZIMA wawe ni Timu-Magufuli. Na si wale wa kujipendekeza kwake au wale wa kujipitisha majimboni na katani. Ni wale waliokuwa na Magufuli tangu mwanzo. Si wale wadandiaji njiani au waliojisogeza kwake kwa kumsifu Magufuli kwa kila jambo. Ni wale wa enzi na enzi.
Wapo wateule wa majimboni na katani ambao hata hawajawahi kuwepo huko. Ila watatumwa kwenda kugombea ili kuiimarisha timu hiyo ya Magufuli. Wapo watakaookota embe kwenye mnazi. Mambo ya kjipitishapitisha na kujipendekeza hayatakuwa na nafasi kwenye uchaguzi huu. Rais Magufuli anayo timu yake na ataitetea na kuipa tena nafasi.
Tuwe makini na ugonjwa wa corona!
Mzee Tupatupa wa Lumumba (kwasasa Kilosa, Morogoro)
