Online Pastor
JF-Expert Member
- Sep 7, 2017
- 1,948
- 1,523
Ni kweli Cleopatra, mwanamke mrembo kuliko wote duniani alikuwa wa Misri?
Ni kweli Cleopatra, mwanamke mrembo kuliko wote duniani alikuwa wa Misri?
- Thread starter LINCOLINMTZA
- Start date
Online Pastor
JF-Expert Member
- Sep 7, 2017
- 1,948
- 1,523
nasrimgambo hilo swali linahusika vipi na mada hii?
wa ukae
JF-Expert Member
- Aug 11, 2008
- 2,720
- 2,151
Watu wengine kweli ufahamu wao mdogo unaambiwa Cleopatra alikuwa mzuri kabla ya Kristo sasa wewe unataka kumlinganisha na mkeo au mama yako aliezaliwa miaka 1930 na kuendelea? Hata alieshinda U miss 1970 halingani na 2017 lakini kwa kipindi chake yeye ndio alikuwa mshindi
Online Pastor
JF-Expert Member
- Sep 7, 2017
- 1,948
- 1,523
donn ngeta
Member
- Sep 1, 2017
- 82
- 29
mbona hana churaa??
Majigoro
JF-Expert Member
- Jan 5, 2017
- 301
- 551
Aisee kuna rekodi nyingine huwa hazifutwi au kuvunjwa kutokana na muda kupita na kubakia kuwa historia. Inawezekana tungemchukua na kumlinganisha na warembo tulionao kipindi hiki cha 'kibongo flavor' pengine angekuwa si chochote lkn shida ni kuwa alishafariki na 'sifa' yake. Wanaosema alikuwa mzuri kuliko wote walimlinganisha na wengine waliokuwepo kipindi hicho hasa ukizingatia ktk historia mpaka leo hii hakuna mwanamke aliepiganisha watawala wa mataifa tofauti kutokana na uzuri wake... Yaani mfano anatokea binti bomba wa Zambia anamfuata Mh President hapa kwetu, amsaidie kuchukua uongozi Zambia mkulu anakubali kutokana na uzuri wa demu. Baadaye anaenda Rwanda anamkuta mkuu anamwambia Msumbiji wananisumbua kwenye mpaka, Rwanda wanatoa jeshi kupiga msumbiji. Katika historia ni Cleopatra pekee alieweza kugonganisha vichwa vya watawala. Abeid Pele anaitwa mchawi wa soka kwa kuwa alistaafu na sifa hiyo na atabaki nayo siku zote, lkn angecheza kipindi hiki cha kina Ronaldo, Messi na wengineo huenda hiyo sifa asingekuwa nayo. Mimi pia huwa sitaki kuamini kuwa huyo mwanamke alikuwa ndio hakuna tena duniani. Sio kweli ila ameibeba historia na itabaki kuwa hivyo... Labda atokee mwingine tusikie Trump na Putin wanapigana vita kwa sababu ya demu aliezaa na raisi wa Ufaransa ambaye nae alimpora waziri mkuu wa Canada, nae huyo wa Canada alimchukua kwa Waziri mkuu wa Israel. Na huyo demu ndio chanzo cha ugonvi wa Israel na Iran.... Halafu mwisho wanakwambia huyo demu pia amewahi kuwa na uhusiano na kiongozi wa ISIS ndio maana wanaripua mabomu, hapo habari za Cleopatra kidogo zitafunikwa japokuwa historia itabaki.
Oppomall
JF-Expert Member
- Feb 8, 2017
- 3,683
- 3,966
Naam! Vzuri mno na jibu langu ndo hilohilo!
worms
JF-Expert Member
- Jul 29, 2017
- 978
- 911
Hahahahaaa atapata wapi picha yake?
Chaliifrancisco
JF-Expert Member
- Jan 17, 2015
- 26,021
- 79,710
Manzi angu ndo mwanamke mkali kuliko wote kuwahi kuishi dunia hii
Joseverest
JF-Expert Member
- Sep 25, 2013
- 52,812
- 71,392
Interesting aiseee
Online Pastor
JF-Expert Member
- Sep 7, 2017
- 1,948
- 1,523
Joseverest pamoja mpendwa!
Kanungila Karim
JF-Expert Member
- Apr 29, 2016
- 20,743
- 25,564
week picha
Mama Sabrina
JF-Expert Member
- Jul 30, 2016
- 16,620
- 27,589
Labda zamani kwa sasa hakuna
Mwifwa
JF-Expert Member
- Apr 3, 2017
- 48,474
- 125,866
[emoji419] [emoji419] [emoji419] [emoji419] [emoji419] [emoji419] [emoji419] [emoji419]
Nakazia
nyota wa mchezo
Member
- Sep 18, 2017
- 19
- 13
pesa sio uzuri ila pesa ni mali huwezi linganisha na uzuri wa kiumbe
Mo
mkuu umenifurahisha sana aisee
Comred Mbwana Allyamtu
JF-Expert Member
- Jun 28, 2016
- 351
- 887
TUJIFUNZE YA CLEOPATRA MALIKIA WA KEMET/EGYPT/MISIRI ANAYESADIKIKA KUWA MWANAMKE MZURI KATIKA HISTORIA YA DUNIA
Na Comred Mbwana Allyamtu.
Wednesday-11/10/2017.
Malkia Cleopatra ni maarufu zaidi kati ya malkia wote waliowahi kutawala Misri. Cleopatra alizaliwa Alexandria mwaka wa 69 K.K (kabla ya kristo),Wakati wa utawala wa familia ya Ptolemy kwenda kwa Ptolemy XII. Cleopatra lilitokea kuwa jina maarufu ndani ya familia, kwani mama yake alilipenda kiasi cha kuchukiza kwa wengine lakini pia ndiye alikua binti mkubwa. Cleopatra hakua Mmisri, isipokuwa alikuwa Macedonia familia yake ikitoka katika kipindi cha utawala wa Alexander the Great. Cleopatra alikuwa mtawala wa kwanza katika familia yake ambaye aliongea lugha halisi ya Misri.
Inasadikika kuwa huyu ndiyo mwanamke mzuri kuliko wote katika historia ya dunia. Ametajwa katika vitabu kadhaa ikiwemo Biblia na aliishi kwa miaka 39. Cleopatra alikuwa ndiyo mtawala wa mwisho wa Kigiriki kutawala Misri na ndiyo aliyekuwa Farao wa Kwanza wa kike mgeni. Alizaliwa mwaka 69 na akiwa na miaka 18 akatawazwa kuwa Malkia.
Cleopatra ni neno la Kigiriki linalomanisha "baba yangu ni maarufu" Cleopatra ni jina walilolopewa mabinti wa kifalme wa kigiriki huku wale wa kiume wa kifalme waliitwa Ptolemy.
NAMNA CLEOPATRA ALIVYORITHI UTAWALA WA PTOLEMY
Mfalme wa Misri, Ptolemy wa XII, anakufa mnamo mwaka wa 51 K.K. anaacha utawala kwa kijana wake mdogo mwenye miaka 12 Ptolemy XIII. Ptolemy alikuwa ni mmoja wa wale majenerali wanne wa Alexander Mkuu,ndiyo hawa waliougawa ufalme wa Alexander katika falme nne Ptolemy ndiye aliyeanzisha utawala wa Kigiriki Misri na mji wa Alexandria ndiyo ukawa makao makuu ya ufalme wake.
Lakini Ptolemy XII anaagiza kwamba, kijana huyu atawale pamoja na dada yake mkubwa, Cleopatra. Pia ni lazima amuoe, kama desturi ya utawala wa ukoo wa Ptolemy, ingawa ndoa hiyo ilikua ni kama kuigiza. ukizingatia umri wa mumewe huyo, Cleopatra alitawala yeye binafsi kama atakavyo.
Cleopatra mwenye miaka 18 mapema anathibitisha umahiri na uwezo mkuu wa kutawala, hususani katika historia ya kipindi hicho cha Medditerania. Lakini ukaribu wake na utawala wa Roma, baadae unakuja kupoteza uhuru wa Misri.
Hivyo Cleopatra huyu tunayemzungumzia hapa alikuwa ni Cleopatra wa Saba na wa mwisho. Dola la Misri lilitawaliwa na Ugiriki tangu mwaka 323 baada ya Alexander Mkuu kuishinda Misri na utawala huu uliisha mwaka 30 baada ya Cleopatra kujiua kwa kumruhusu nyoka aina ya Cobra kumgonga kifuani.
KISA CHA CAESAR NA CLEOPATRA 48-44 K.K
Cleopatra alikuwa na mahusiano na wanaume wengi ila wale maarufu walikuwa ni Julius Caesar na Mark Anthony huyu Caesar ndiye ambaye walizaa naye mtoto mmoja wa kiume. Baada ya kifo cha Julius Caesar mwaka 44 mapenzi yakahamia kwa Mark Anthony mnamo mwaka 42 Ili kuweza kutawala pekee yake Cleopatra alifanikiwa kuwaua wadogo zake wote,na pia aliutumia uzuri utawala wake kupata ulinzi wa kijeshi kutoka majemedari mashuhuri wa kipindi hicho.
Mathalani, kuna kipindi akiwa binti mbichi wa miaka 21 aliwaagiza watumishi wake wamviringishe kwenye zuria zuri na kulibeba kama zawadi na kulipeleka kwa Julius Caesar na pale Julius Caesar alipolifunua akakutana na Cleopatra na hapo hapo akamfanya Cleopatra mchepuko wake.
Kuwasili Kwa Julius Caesar katika mji wa Alexandria, kunampa fursa Cleopatra kuonekana Ulimwenguni kwa wakati huo. Anaachia Misri, mikononi mwa Julius Caesar ambaye baada ya kushinda vita Pompey anakua mtawala mwenye nguvu katika dola ya Roma. Julius Caesar anaamua kupumzika kati ya mwaka 47 na 7 K.K huko Misri, akimsaidia Malkia huyu hata kuangamiza majeshi ya kaka yake (ambaye hakuweza kufua dafu).
Mara baada ya Caesar kuondoka Alexandria, Cleopatra anajifungua katika majira ya Kiangazi mnamo mwaka wa 47 K.K, anadai kuwa mtoto ni wa Caesar, na pia anamfanana sana . Katika mwaka wa 46 K.K Caesar anamualika Cleopatra Roma pamoja na mwanae (ambae mara baada ya kuzaliwa alipachikwa jina Caesarion, linalo maanisha “Caesar mdogo”) ambao walikaribishwa katika jumba la kifahari likiwa na kila aina ya anasa. baadae caesar anauwawa. Baada ya Caesar kuuwawa mwaka wa 44, Cleopatra aliamua kurudi Misri na mwanae.
ANTONIUS NA CLEOPATRA, 41- 31 K.K
Misri ya Cleopatra bado ni utawala ambao ni huru. Lakini karibu kila sehemu ya ukanda wa Mediterrania unajihusisha na siasa za Roma na kuna uvumi umeenea Roma kwamba Cleopatra amemsaidia “Cassius, mmoja kati ya waliomuua Caesar. Katika majira ya kipupwe mnamo mwaka wa 41, Marcus Antonius anaamuru majeshi ya Roma kwenda upande wa Mashariki, na anaamuru Cleopatra aje aeleze juu ya tuhuma dhidi yake katika makao makuu yake huko Anatolia.
Cleopatra anavuka medditerania kwenda kumuona Marcus Antonius, lakini akiwa katika hali ya ujeuri, tena akiwa hana simanzi. Kambi ya Antonius iko Tarsus, maili kadhaa kwenda mto Cydnus. Malkia anawasili akiwa katika Boti ya kifahari, akiwa amevaa mavazi yakuvutia ya mahaba, yenye asili ya Kigiriki. Hazuiliki kutamanika, na mapenzi yake mara yanaangukia ndani ya nyumba ya jenerali Marcus Antonius. Cleopatra anamualika Antonius amtembelee Alexandria. Anakubali mwaliko wake kwenda Misri kumtembelea, na anawasili Alexandria wakati muafaka kwa ajili ya kupumzika wakati wa majira ya Baridi.
Baada ya Antonius kuondoka kurudi Roma, Cleopatra anajifungua mapacha, mvulana na msichana. Wanakaa muda mrefu, hadi mwaka wa 37 K.K ndipo Cleopatra na wanawe wanaungana tena na Antonius. Antonius Anamuagiza kuja Antioch, Syria ambako huko anamuoa. Sasa wanajionesha waziwazi pamoja. na wanaungana kumpinga Octavian, mpinzani mkubwa wa Antonius katika Roma.
Jenerali Antonius akiwa na jeshi lenye nguvu eneo la Mashariki, anakua na uwezo wa kumpa mkewe huyo mapokezi makubwa ya ndoa zaidi ya yale yaliokuwa mashariki ya kati (Syria). Katika desturi ya tawala nyingi za Mashariki, Cleopatra na Antonius sasa wanakua na uwezo wa kuabudu katika miungu mmoja. Katika Ugiriki wanakua “Dionysus (Antonius) na Aphrodite (Cleopatra), katika desturi za wamisri wanakua Osiris na Isis, hali kadhalika.
Makutano hayo yanafikiwa na watu wengi wanakusanyika katika Alexandria, macho yao yakiangalia yanayojili toka kwa utawala huu, Katika jukwaa kuu ameketi Antonius na Mkewe Cleopatra akiwa amevaa mavazi ya sherehe maalum mithili ya miungu wa kike wa Misri. Na katika viti vingine vinne vya kifalme wameketi watoto wao wote watatu, pamoja na yule “Caesar mdogo”, mtoto mkubwa wa Cleopatra, kwa Julius Caesar.
Mnamo majira ya jioni katika tafrija hii, ambayo baadae ilijulikana kama “harambee katika Alexandria” Antonius anaugawa utawala wa Medditerania Mashariki kwa familia yake hiyo mpya. Antonius anamtangaza Cleopatra kuwa “Malkia wa Wafalme, na “Caesar mdogo kuwa Mfalme wa Wafalme, kwa pamoja wakitawala Misri na Cyprus. na tawala zingine kwa watoto wao. Kwa Alexander, kijana wake mkubwa (umri miaka 6), anampa sehemu ya mashariki mwa Euphratia; kwa Mapacha, dada zake Alexander, Cleopatra, anawapa Libya na Tunisia, na kwa kijana wake mdogo, Ptolemy Philadelphus (miaka 2) ambaye amevaa mavazi ya kihistoria ya Macedonia, anamgawia Syria na sehemu kubwa ya Anatolia. Inakua sherehe inayovutia, lakini ambayo baadae italeta uhasama na vita.
VITA YA ACTIUM MWAKA 31-30 K.K
Mapigano kati ya majeshi ya Octavianus na yale ya Antonius na Cleopatra yanafanyika Actium, Ugiriki katika mwezi September. Pande zote mbili, wana majeshi makubwa ya miguu na yale ya farasi, lakini pia swala jingine ni meli za kivita za Roma, waliokuwa nazo pia. Antonius na Cleopatra wanafaida ya kuwa na meli 500, 100 zaidi ya zile za Octavianus ambazo ni 400. Hizi ni zana za mbao ambazo ni imara sana. Zikiongozwa na na jeshi mahiri linalofikia askari hadi ya 250. Antonius anapanga jeshi lake la meli, pamoja na Cleopatra na majeshi yake nyuma, hazina kubwa ya Misri, tayari kwa mapigano.
Chanzo halisi cha mapigano haya hakijulikani. Lakini Octaviunus ameenda kinyume na matakwa ya wenza hawa wa utawala wa Mashariki. Katika mapigano ya Actium meli za Octavianus zilishinda Katika hatua flani, Antonius anamjulisha Cleopatra juu ya meli zake, na mpango wakuvunja mapigano na kutoroka nae.
Antonius na Cleopatra wanafanikiwa kurudi, katika milki ya Cleopatra. Lakini wote wanaamua kujinyonga katika mwaka unaofuata, wakati Octavianus alipowasili Misri na Jeshi Lake. Marcus Antonius anaamua kujiua, malkia alijaribu kumshawishi kutofanya hivyo, lakini ilishindikana. Alielewa ya kwamba angepelekwa Roma na kuoneshwa kama mfungwa mbele ya halaiki. Hapa aliamua kufa tarehe 12 Agosti 30 KK.
KIFO CHA CLEOPATRA JUU YA “asp” NYOKA ALIEMUA CLEOPATRA 30 K.K
Cleopatra anaamua kujiua , kama ishara ya ushujaa mkubwa. Mara nyingi alichukulia “serious” uwajibikaji wake Kwa Misri. Na pia ndiyo mtawala pekee wa kutoka ukoo wake aliejifunza na kujua kuongea lugha ya Misri. Malikia anatambua kama akiwa hai tayari atakua mfungwa wa Octavianus.
Akilindwa na askari wake wachache katika sehemu ndogo ya makazi yake, anaagiza sumu ndogo ya nyoka, asp, ambayo inaingizwa kwa siri kupitia kwenye kikapu chake anachotumia kuletewa matunda. Cleopatra anavaa mavazi yake mazuri ya ki-malikia, na analala katika kiti chake cha dhahabu. anamweka “asp” katika maziwa yake. Akijitoa kafara Kwa “Amen-Re” (nyoka aina ya cobra) aliyekuwa anatambulika kama mungu wa jua wa Misri.
Anakufa kwa sumu ya nyoka huyu (asp). Muda wa mwisho wa uhai wa Malkia unakua kama “maigizo” na unakumbukwa sana katika historia ya maisha yake. Na pia anaweka kikomo cha utawala wa Ptolemy katika Misri.
Octavianus alimtafuta pia Caesarion (mwana mdogo wa Caesar) Kwa sababu aliogopa mtoto wa Caesar angekuwa hatari kwake, akamuua. Akawachukua watoto wote watatu wa Marcus Antonius, akawaonesha mbele ya halaiki ya Roma kuonesha ushindi wake. Pia anaichukua Misri kuwa sehemu ya utawala wa Roma, na kuchukua milki zote za ufalme wa Misri. Mark Anthony na Cleopatra walijiua baada ya kushindwa kwenye vita ya Actium na Octavian Huyu Octavian ndiye mtawala alietoa amri ya Wayuhudi wote kwenda walikozaliwa wahesabiwe Sensa.
[emoji768]Wako Mjuvi wa Historia ya dunia na mambo ya dipromasia ya dunia......
Ndimi: Comred Mbwana Allyamtu
