Ni wakati wa kubadilisha jina la DIT kuwa TIT

[Lyetu]

Pendekezo kwa Serikali: Dar es Salaam Institute of Technology (DIT) iwe Tanzania Institute of Technology (TIT).

Hadi sasa DIT ina Campus nne
DIT main Campus (imeanzishwa 1957)
DIT MWANZA Campus (Imeanzishwa 2010)
DIT SONGWE Campus (Imeanzishwa 2014)
DIT DODOMA Campus (Imeanzishwa 2024)
Na upo mpango wa kuendelea kufungua campus nyingine mikoa tofauti.

Dar es Salaam Institute of Technology (DIT) ni moja ya taasisi muhimu zinazotoa elimu ya teknolojia nchini Tanzania. Hata hivyo, kadiri mahitaji ya elimu ya teknolojia yanavyoongezeka, chuo hiki kimeendelea kupanua wigo wa huduma zake na kufungua kampasi nje ya Dar es Salaam.

Kwa kuzingatia maendeleo haya na matarajio ya kuendelea kupanua huduma katika maeneo mengine ya nchi, je, si wakati muafaka wa kufikiria upya jina la chuo hiki ili liendane na wigo wake wa sasa na wa baadae?

Jina Dar es Salaam Institute of Technology linaipa taasisi utambulisho unaohusishwa moja kwa moja na jiji la Dar es Salaam, ilhali shughuli zake zinaweza kuvuka mipaka ya jiji hilo na kuwahudumia Watanzania katika maeneo mbalimbali ya nchi.

Pendekezo langu

Nashauri jina libadilishwe kutoka Dar es Salaam Institute of Technology (DIT) kuwa Tanzania Institute of Technology (TIT).

Kwa mfano, kampasi zinaweza kutambulishwa kama:

TIT Main Campus
TIT Mwanza Campus
TIT Songwe Campus
TIT Dodoma Campus

Muundo huu unaweza kuipa taasisi utambulisho mpana wa kitaifa, kurahisisha utambulisho wa kampasi zake na kuendana na maono ya upanuzi wa huduma za elimu ya teknolojia nchini.

Wito kwa mamlaka husika

Ninaziomba Wizara ya Elimu, Sayansi na Teknolojia, uongozi wa DIT pamoja na mamlaka nyingine zinazohusika kulitafakari pendekezo hili na kuchunguza uwezekano wa kulitekeleza kwa kuzingatia taratibu na sheria husika.

Lengo si kupuuza historia ya DIT, bali kuipa taasisi hii jina linaloweza kuakisi wigo wake mpana na matarajio yake ya baadaye.

Je, mnaonaje? Je, DIT iendelee na jina lake la sasa, au ni wakati wa kuwa Tanzania Institute of Technology (TIT)?

 

[antimatter]

Ni wazo zuri, chuo kiitwe TiT

 

[ujoka]

Unajua kama Arusha Institute of Accountancy ipo kijitonyama pia? Hizo campus zikijitosheleza zitajitegemea tu kama ilivyokua chuo cha ualimu mkwawa kilikua chini ya University of Dar es salaam na kiliitwa hivyo

 

[Brelim Skoro_]

Daa teki
Diaitii
Tiaitii

 

[Ramses II]

Ushauri hauna mashiko.

 

[Lyetu]

Unajua kama Arusha Institute of Accountancy ipo kijitonyama pia? Hizo campus zikijitosheleza zitajitegemea tu kama ilivyokua chuo cha ualimu mkwawa kilikua chini ya University of Dar es salaam na kiliitwa hivyo

DIT tayari wanacampus kadhaa zenye utambulisho huohuo wa DIT kwa miaka mingi sana.

Mfano MWANZA campus imeanzishwa 2010, Songwe Campus imeanzishwa 2014, na nyingine zilizoanzishwa hivi karibuni kama Dodoma Campus, na upo mpango wa kuanzisha campus nyingine bara na pengine hata visiwani.

 

[Shin Lim]

Mbona UDSM ipo mpaka Lindi, Zanzibar, Mbeya nk. Ibaki hivyohivyo kulinda historia

 

[Lyetu]

Mbona UDSM ipo mpaka Lindi, Zanzibar, Mbeya nk. Ibaki hivyohivyo kulinda historia

Tutakuwa tumeilinda historia ya uongo mkuu, wakati hivi vyuo vinaanzishwa haikutegemewa kama vitapanuka mikoani kwa kiwango hiki.

Sasa kama kumekuwa na mahitaji mapya na tumetoka nje ya lengo kukidhi hayo mahitaji, kwanini tuendelee kuilinda historia ambayo imeshakufa?

 

[The Dojin]

Kwamba na University of Dar es salaam i we University of Tanzania akili ndogo sana hii

 

[KikulachoChako]

Hilo neno DIT linatumika kama symbol tu ya kihistoria na kiutambulisho....

Kama ilivyo udsm ilivyopanuka maeneo mengine lakini nembo bado inasimama kama udsm.....

 

[KikulachoChako]

Kwamba na University of Dar es salaam i we University of Tanzania akili ndogo sana hii

Huu ni mjadala na kila mtu yupo huru kutoa maoni yake pasi na kuvunjiana heshima wala kudogosha maoni ya mtu mwingine....

Katikati ya mijadala ya kimaoni na kimitizamo kama hii ndio kunaibuka au kuzaliwa hoja zinazoleta mabadilko chanya.......

 

[Lyetu]

Kwamba na University of Dar es salaam i we University of Tanzania akili ndogo sana hii

Ukifatilia lengo la kuanzishwa hivyo vyuo na mahitaji ya wakati huo, ukilinganisha na mahitaji mapya ya sasa na mahitaji ya baadae unaweza ukajaribu kunielewa.

 

[OMOYOGWANE]

Acha kuhangaika na majina hauana tija