NILIMPA FIGO YANGU
Kila ninapokumbuka, moyo wangu unauma,
Nilimpenda Rebeka, ni binti wa Kimanyema,
Chuoni nilipofika, kwa pamoja tulisoma,
Nilimpa figo yangu, la mbele sikutambua.
Tangu afike chuoni, Rebeka nilimpenda,
Kimtazama usoni, utakutoka udenda,
Ni shombe shombe makini, lizaliwa huko Ndanda,
Nilimpa figo yangu, la mbele sikutambua.
Hakika aliumbika, ukweli shime tuseme,
Nyuma kulitikisika, pitapo kwa wanaume,
Libaki kiweweseka, kithubutu ainame,
Nilimpa figo yangu, la mbele sikutambua.
Mwaka wa kwanza chuoni, ule muhula wa pili,
Mimi linipa idhini, niwe wake wa ukweli,
Nilifurahi jamani, bila jali yangu hali,
Nilimpa figo yangu, la mbele sikutambua.
Ahadi tukaiweka, chuo tukishahitimu,
Ya kumuoa Rebeka, mwanamama shamushamu,
Kwetu akatambulika, kama wifi ama shemu,
Nilimpa figo yangu, la mbele sikutambua.
Mwaka wa tatu chuoni, alianza kuugua,
Kule hosipatalini, ugonjwa waligundua,
Figo ikasumbueni, miguu imevimbia,
Nilimpa figo yangu, la mbele sikutambua.
Tumbo akavimba sana, mithili mjamzito,
Daktari akanena, maneno hayo mazito,
Rebeka aweza pona, ukifwatwa huu wito,
Nilimpa figo yangu, la mbele sikutambua.
Abadilishwe nyingine, figo moja imeoza,
Ndugu wote muitane, jambo hili mtaweza,
Ila aliye mnene, changa figo nakataza,
Nilimpa figo yangu, la mbele sikutambua.
Ndugu wote likataa, wa kumtolea figo,
Wote walitokomea, kwa kugeuza visogo,
Mie nikajitolea, Rebeka apate figo,
Nilimpa figo yangu, la mbele sikutambua.
Haliye ikawa nzuri, mithili kule zamani,
Rebeka wangu mzuri, tukahitimu chuoni,
Ndipo likaanza shari, aliporudi nyumbani,
Nilimpa figo yangu, la mbele sikutambua.
Simuni hapatikani, kwenye mitandao pia,
Lienda kwao nyumbani, kioja lijionea,
Ameshakuwa ndoani, mke wa pili mekua,
Nilimpa figo yangu, la mbele sikutambua.
Nililia mimi sana, machozi yakanitoka,
Hata lakufanya sina, ananiuma Rebeka,
Ninamuomba Rabana, amuadhibu Rebeka,
Nilimpa figo yangu, la mbele sikutambua.
Denny Jeremias Kitumbika
Mufindi Tanzania
19.10.2024
Kila ninapokumbuka, moyo wangu unauma,
Nilimpenda Rebeka, ni binti wa Kimanyema,
Chuoni nilipofika, kwa pamoja tulisoma,
Nilimpa figo yangu, la mbele sikutambua.
Tangu afike chuoni, Rebeka nilimpenda,
Kimtazama usoni, utakutoka udenda,
Ni shombe shombe makini, lizaliwa huko Ndanda,
Nilimpa figo yangu, la mbele sikutambua.
Hakika aliumbika, ukweli shime tuseme,
Nyuma kulitikisika, pitapo kwa wanaume,
Libaki kiweweseka, kithubutu ainame,
Nilimpa figo yangu, la mbele sikutambua.
Mwaka wa kwanza chuoni, ule muhula wa pili,
Mimi linipa idhini, niwe wake wa ukweli,
Nilifurahi jamani, bila jali yangu hali,
Nilimpa figo yangu, la mbele sikutambua.
Ahadi tukaiweka, chuo tukishahitimu,
Ya kumuoa Rebeka, mwanamama shamushamu,
Kwetu akatambulika, kama wifi ama shemu,
Nilimpa figo yangu, la mbele sikutambua.
Mwaka wa tatu chuoni, alianza kuugua,
Kule hosipatalini, ugonjwa waligundua,
Figo ikasumbueni, miguu imevimbia,
Nilimpa figo yangu, la mbele sikutambua.
Tumbo akavimba sana, mithili mjamzito,
Daktari akanena, maneno hayo mazito,
Rebeka aweza pona, ukifwatwa huu wito,
Nilimpa figo yangu, la mbele sikutambua.
Abadilishwe nyingine, figo moja imeoza,
Ndugu wote muitane, jambo hili mtaweza,
Ila aliye mnene, changa figo nakataza,
Nilimpa figo yangu, la mbele sikutambua.
Ndugu wote likataa, wa kumtolea figo,
Wote walitokomea, kwa kugeuza visogo,
Mie nikajitolea, Rebeka apate figo,
Nilimpa figo yangu, la mbele sikutambua.
Haliye ikawa nzuri, mithili kule zamani,
Rebeka wangu mzuri, tukahitimu chuoni,
Ndipo likaanza shari, aliporudi nyumbani,
Nilimpa figo yangu, la mbele sikutambua.
Simuni hapatikani, kwenye mitandao pia,
Lienda kwao nyumbani, kioja lijionea,
Ameshakuwa ndoani, mke wa pili mekua,
Nilimpa figo yangu, la mbele sikutambua.
Nililia mimi sana, machozi yakanitoka,
Hata lakufanya sina, ananiuma Rebeka,
Ninamuomba Rabana, amuadhibu Rebeka,
Nilimpa figo yangu, la mbele sikutambua.
Denny Jeremias Kitumbika
Mufindi Tanzania
19.10.2024
