Niulize kuhusu mapishi ya futari mbalimbali

[malisak]

Futar ya boga inapikwaje?

MAHITAJI

*Boga 1
*Tui La Nazi 2 Vikombe
*Sukari 1 kikombe
*Hiliki 1/2 kijiko cha chai



UTAYARISHAJI NA UPIKAJI:

1.Unamenya maboga kiasi ukipendacho.

2.Unayakata kata vipande vidogo vidogo.

3.Unayachemsha na tui la pili mpaka yawive lakini yasije kuvurugika.

4.Maji yakishaanza kukauka unatia sukari kiasi ukipendacho na hiliki.

5.Kisha unamimina tui la nazi.

6.Unaiwacha ichemkie na kabla kukauka tui unaepuwa na tayari kuliwa.

 

[kitimoto naugali]

Sorry..mm naomba kujua jinsi ya kupika futari ya mihogo/ndizi au viazi.

 

[nzalendo]

Nijuze futari ya kufuturu...pasi na gharama....

 

[Jane Lowassa]

Mtoa mada anajua sana

 

[Washawasha]

Mahitaji

Tambi (spaghetti 1/2 ya packet)Mafuta (vegetable oil)Sukari (sugar 1/2 kikombe cha chai)Hiliki (cardamon 1/2 kijiko cha chai)Chumvi (salt 1/2 kijiko cha chai)Tui la nazi (coconut oil 1 kikombe cha chai)Maji kiasi



Matayarisho

Tia mafuta kiasi kwenye sufuria kisha ibandike jikoni (katika moto wa wastani) yakisha pata moto kiasi tia tambi na uanze kuzikaanga kwa kuzigeuzageuza kila mara mpaka zitakapokuwa za yangi ya light brown. baada ya hapo ipua na umwage mafuta ya kwenye tambi (bakiza kidogo sana kwani usipofanya hivyo tambi zitakuwa na mafuta sana) Baada ya hapo zirudishe jikoni na kisha utie hiliki, chumvi, sukari, tui la nazi na maji kiasi. Zifunike kisha ziache zichemke mpaka maji yakauke. Baada ya hapo zigeuze na uzipike mpaka ziive. Nahapo zitakuwa tayari kwa kuliwa.

Hakuna futari nayoipenda kama hii ila zikiwa na maharagwe pembeni, ila kwenye mapishi ndio yalikuwa yananishinda, hongera kwako.
Yum yum yum
Nalog off

 

[Dream Queen]

Mfungo unakaribia, mtoa mada wahitajika hukuuuuu.

 

[mumak]

Shukran

 

[Abu Haarith]

Futar ya boga inapikwaje?

Vipimo
Boga la kiasi - nusu yake
Tui zito la nazi 1 ½ gilasi
Sukari ½ kikombe
Hiliki ½ kijiko cha chai
Namna Ya Kutayarisha Na Kupika

1. Menya boga kisha katakata vipande vya kiasi.
2. Weka katika sufuri tia maji kiasi ya kuchemshia na kuwiva bila ya kubakia maji mengi.
3. Changanya tui na sukari na hiliki kisha mimina juu ya boga wacha katika moto dakika chache tu bila ya kufunika.
4. Epua mimina katika chombo likiwa tayari.

Bis-swihhah wal-hanaa (kula kwa siha na kufurahika)

nimekopy hapa JINSI YA KUPIKA BOGA LA NAZI - Muislamu

 

[Demi]

Nijuze kupika uji wa pilipili

 

[Mlolongo]

My dear, tambi hizi zinaitwa pasta.
Spaghetti ni zile ndefu kama vijiti na mara nyingi zinapikwa za chumvi na mchuzi kama macaroni.

Zote zinaitwa Tambi tu bana. Acha kukomplicate mambo

 

[Angel Nylon]

Zote zinaitwa Tambi tu bana. Acha kukomplicate mambo

hahahahaha kwa kiswahili sawa lkn kwa wenzetu walotuletea aina hizi za mapishi wamezitofautisha... pasta, macaroni, spaghetti na noodles.

hizi ni pasta

 

[Analyse]

Mahitaji
1 kilo mchele wa basmati

1 kilo nyama iwe ya kuku au ng'ombe au mbuzi kata katika umbo dogo la kutosha kula kisha ichemshe na tangawizi na kitunguu swaumu, unga wa binzari (turmeric powder) pili pili manga na chumvi ili kuweka ladha nzuri. Ikisha iva itoe iweke pembeni na mchuzi wake uweke pembeni utautumia baadae.

1 kilo ya vitunguu kata slice ( mviringo)

1 kilo nyanya nyekudu zilizoiva, osha vizuri kisha katakata saizi ndogo ndogo sana

1/2 lita ya mafuta ya kupikia

1/2 kilo ya samli au mafuta yeyote ya kupikia

2 maggi chicken soup cubes

3 kijiko kidogo cha chai unga wa pilipili mwekundu

1/2 kijiko kidogo cha chai unga wa binzari

3 kijiko kidogo cha chai unga wa girigilani (giligilani)

2 kijiko kikubwa cha chakula mchanganyiko wa tangawizi na kitunguu swaumu vilivyosagwa

korosho iliyo kaangwa usizisage zibaki nzima robo kikombe

majani ya girigilani kichanga kimoja

mbegu za nzima ya hiriki kiasi

Pili pili manga nzima kiasi

Chumvi kiasi

Jinsi ya kuanda

Weka mafuta katika sufuria yako iliyo juu ya moto tayari, kisha kaanga nyama yako iliyokwisha chemshwa mpaka iwe na rangi ya kahawia (golden brown)

Kisha itoe nyama hiyo na ichuje mafuta ili mafuta yanayobaki weka kitunguu na endelea kukaanga kwa dakika 7-10 kisha weka unga wa binzali, unga wa pili pili mwekundu, unga wa girigilani, mbegu za hiriki na nusu ya mbegu za pili pili manga.

Changanya vizuri mpaka utapata mchanganyiko mzuri mkavu miminia humo maji uliyotunza baada ya kuchemshia ile nyama yako na kuiweka pembeni ipoe. kisha weka nyanya fresh ndani ya sufuria yako pika mpaka maji yakauke na mafuta yaanze kuoneka kwa juu ndani ya sufuria.

Kisha weka nyama yako ndani ya sufuria pole pole halafu punguza moto acha ijipike kwa muda mpaka mchuzi wako na nyama vikamate ladha pia usisahau kuweka chumvi kulingana na ladha unayopenda.

Chukua sufuria nyingine weka mafuta ya samli na vitunguu ilivyoslice kisha kaanga na majani ya girigilani, korosho funika kwa dakika 10 i, kisha weka mchele wako mkavu uliokwisha oshwa vizuri na uchanganye vizuri ongeza vikombe 5 vya maji na chumvi kidogo mchele ukishaanza kuchemka funika sufuria lako na punguza moto maji yakisha kauka kiasi weka mchanganyiko wa ile nyama yako nusu tu juu ya wali wa basmati acha wali uive kabisa kisha itakua tayari kula na pakua chakula chako kikiwa cha moto

Natamani sana kupika ili biriani, ila nimekutana na vitu humu ndani hata sijawahi visikia sehemu, hiyo giligilani ndio kitu gani?

 

[HARUFU]

Mahitaji:
Viazi ,Kitunguu saumu(galic) na Tangawizi iliosagwa,Chumvi,Pilipili ya kusaga kutegemea na unavyoipenda,Ndimu,Mafuta ya kupikia,Unga wa dengu au Ngano Kiasi.


NAMNA YA KUTAYARISHA NA KUPIKA
1. Chemsha viazi mpaka viiive, kisha vitoe maganda na uviweka ndani ya bakuli.
2. Vipondeponde kwa mkono mpaka viwe laini(viponde kabla ya kupoa)
3. Saga vitunguu saumu na tangawizi kisha changanya na viazi .
4. Weka chumvi, ndimu na pilipili ya unga kisha uonje, unaweza kuongeza viungo hivi kwa kadri ya mapenzi yako.
5. Tengeneza madonge ya duara uyapange katika tray.
6. Vuruga unga wa dengu au ngano kwa maji uwe mwepesi kidogo.
7. Weka mafuta ya kupikia ndani ya karai na uliweke kwenye moto.
8. Chovya madonge kwenye unga na uyatose kwenye mafuta ya moto. (Uchomaji wake ni kama kuchoma bajia)
9. Wacha kachori zibadilike rangi kuwa ya njano na uzitoe kwenye mafuta.
10. Weka Kachori kwenye sahani zipoe tayari kwa kuliwa na chatne na juice au chai.

Kwa darasa hili Kachori naweza kupika bila wasi wowote ule, kwasababu Mama alikuwa anapika KATLESI akawa ananielekeza kwa vitendo.

Maandalizi yake, na mapishi yake yanafanana kwa kiasi fulani, tofauti KATLESI madonge yake unachovya kwenye Mayai badala ya Unga

 

[malisak]

Mi naomba unijuze jinsi ya kupika kachori

Ntaanza kuweka uzi wa pishi moja moja kulingana na mahitaji ya mtu

 

[malisak]

Natamani sana kupika ili biriani, ila nimekutana na vitu humu ndani hata sijawahi visikia sehemu, hiyo giligilani ndio kitu gani?

Mbegu za dania au kotmiri

 

[malisak]

Kwa darasa hili Kachori naweza kupika bila wasi wowote ule, kwasababu Mama alikuwa anapika KATLESI akawa ananielekeza kwa vitendo.

Maandalizi yake, na mapishi yake yanafanana kwa kiasi fulani, tofauti KATLESI madonge yake unachovya kwenye Mayai badala ya Unga

Almost sawa tofauti ni mahitaji (ingedients)

 

[malisak]

Futar ya boga inapikwaje?

Kata boga menya kisha lipange sufuriani. Kuna na uchuje matui 2 ya nazi la kwanza zito na la pili jepesi lile jepesi weka kwenye boga na chumvi
(pinch),sukari (kiasi upendacho) na iliki kisha injika jiko vikishatokota na tui kupungua unaweka lile zito linachemkia mpk kubaki rojo linalokutoshe unaepua tayari kwa kuliwa usiyakoroge hata kidogo

 

[malisak]

Vipopoo vinapikwaje?

kuna vya mchele na vya ngano hivi ntaweka post yake kabisa maana maelekezo marefu

 

[malisak]

My dear, tambi hizi zinaitwa pasta.
Spaghetti ni zile ndefu kama vijiti na mara nyingi zinapikwa za chumvi na mchuzi kama macaroni.

pasta na spaghetti ni tofauti hizo unazosema ni spaghetti

 

[malisak]

Futari ya viazi vitamu na mihogo inapikwajeeee

Nitaweka post nzima maelkezo marefu