Mchambuzi wa Masuala ya Siasa na Uongozi, Paternus Niyegira, akizungumza katika mahojiano na Crown Media mnamo Julai 14, 2026, amesema kuwa hakukuwa na haja Msemaji Mkuu wa Serikali kutoa tamko kuhusiana na Makala iliyotolewa hivi karibuni ya BBC kwa kufanya hivyo inabidi ijiridhishe kwanza kuwa na Ushahidi wa kutosha wa ndani.
Ameeleza kuwa kujibu hoja hizo kunaamsha migogoro ambayo tayari ilikuwa inaanza kutulia, na kwamba matamko ya namna hiyo yanatengeneza hofu ya kufungiwa kwa vyombo hivyo vya habari na kuishia kuchochea migogoro mikubwa zaidi.
Ameongeza kuwa mara nyingi taarifa hizo hutolewa kwa makusudi ili kupima uwezo, mipango, na vyanzo vya serikali. Amedai kama angekuwa kwenye nafasi ya msemaji wa serikali, angemshauri Rais na vyombo husika kutovipa nguvu vyombo vya nje kwa kuvijibu, bali kujenga uhusiano imara na vyombo vya habari vya ndani ili kuimarisha taswira ya nchi kimataifa.
Kulikuwa na wakati nilikuwa nasoma katika gazeti la The New York Times, mmoja wa wasemaji wa serikali, Ulli Mwambulukutu, aliandika kitu kukosoa taarifa zilizoandikwa katika gazeti hilo kuhusiana na mambo ya haki za binadamu Tanzania.
Bila kusema chochote kuhusu usahihi wa kilichoandikwa na gazeti la The New York Times au upande wa serikali ya Tanzania, lakini angalau niliona ukisoma kanusho lile la Ulli Mwambulukutu, unaona kanusho la kisomi, kanusho lililoenda shule, yani hata kama lilikuwa na figisu, zilikuwa figisu za kimataifa zilizoenda shule.
Ukisoma kanusho la Msigwa, aibu unaona wewe.
Kuna kipindi Julius Nyerere alikuwa anabishana na Ronald Reagan na Margaret Thatcher, unaona huyu si rais wa Tanzania tu, huyu ni msemaji wa Africa na nchi zinazoendelea zote.
Sasa,cha kujiuliza na kuangalia vema ni;Fuvu lake ni zima,chambuzi kwa weledi,lenye kuung'amua ukweli,kujibu vema kwa mbinu,halidanganyi,halidanganyiki,halipelekeshwi na ni himilivu hata kwa yale yaliyo mbali na maono yake/yao?