Traxtion
JF-Expert Member
- Dec 10, 2021
- 8,000
- 16,414
Neno "man-eaters" limetoka kwa Kiingereza na maana yake kuu ni wanyama wala watu, yaani mnyama ambaye amejifunza au kuzoea kuwinda na kula binadamu kama chakula chake.
Moja ya visa vikubwa duniani vya wanyama kula watu ni kisa cha Man eaters of Njombe ambao walikuwa ni simba wa familia moja/ pride moja waliowafanya binadamu kuwa chakula chao kikuu
Njombe ilikuwa wilaya ambayo inapatikana Kusini Magharibi mwa Tanganyika (leo hii Tanzania). Miaka ya 1930s kulikuwa na mlipuko wa ugonjwa wa rinderpest kwa wanyama, ugonjwa huu ulipelekea vifo vya wanyama wengi sana ambao walikuwa chakula kikuu cha simba. Pia inasemekana Waingereza walikuwa wanaua wanyamapori wengine ili kuzuia ugonjwa kusambaa kwa kasi, hali iliyopelekea simba kukosa chakula.
Simba wengi walikufa kwa njaa, lakini sio Njombe man-eaters. Pride hii ya simba iligundua kuwa kuna alternative ya chakula mbali na nyati, swala, pundamilia nk. Walianza kula binadamu kama chakula chao kikuu. Walikuwa wakivamia vijiji mbalimbali vya wilaya ya Njombe na kula watu kila siku.
Simba hao waliogopwa sana hadi wanakijiji wakawa wanaogopa hata kuwaongelea. Wengi waliwahusisha na ushirikina. Pia walikuwa wanaweza kuvamia kijiji kimoja hadi mara 2 kwa siku. Walikuwa na akili sana na walikuwa wanawinda kwa ushirikiano, kwa mfano simba mmoja akivamia ndani ya nyumba wengine walikuwa wanaizunguka nyumba kwa nje, kwa hiyo mtu akifanikiwa kukimbia ndani anakutana nao wengine kwa nje.
Familia hii ya simba ilikula watu takribani 1500 kuanzia mwaka 1932 hadi 1947 na walikuwa hawabagui, walikuwa wanakula wanawake, wanaume mpaka watoto. Pia simba wadogo waliozaliwa kwenye hii pride walijifunza kuhunt binadamu kutoka kwa wazazi wao. Wali learn na kuadopt na kuona binadamu kama their normal prey
Mwisho wao ulifika. Mwindaji mmoja kutoka Uingereza aliyefahamika kwa jina la George Rushby, alianza mission ya kuua simba mmoja baada ya mwingine akishirikiana na wanakijiji hadi walipofanikiwa kuua simba wa mwisho. Baada ya kutokomeza hii pride ya simba, matukio yakaisha na vijiji vikabaki salama
Mpaka leo Njombe man-eaters wanabaki kuwa one of the deadliest man eaters to ever exist. Man eaters wengi walioacha historia ni tigers na leopards vijijini huko India, mamba wa Lake Tanganyika anayefahamika kwa jina la Gustave ambaye anahusika na vifo vya watu 300 mto Ruzizi-Burundi na Man-eaters of Tsavo ambao walikuwa simba dume wawili waliokula watu zaidi ya 135 huko Tsavo nchini Kenya miaka ya 1898 wakati wa ujenzi wa reli ya Kenya-Uganda
Ukitaka kujua kiundani kuhusu Njombe Man eaters unaweza kusoma articles za National Geographic au Wikipedia, wameelezea vizuri. YouTube nako kuna video kadhaa kuwahusu
Pia kuna documentary full kuhusu Njombe man-eaters
_____
Tanzania Terror
Njombe man-eaters - Wikipedia
