Njombe: Wananchi wataka wanaotupa watoto kuchukuliwa hatua

Analogia Malenga · 2021-08-09T03:26:58+00:00

Wakazi wa Kijiji cha Matiganjola wilayani Njombe wameiomba Serikali ya wilaya kufanya oparesheni ya kuwasaka wazazi wanaotelekeza watoto wao na kuwachukulia hatua kutokana na kukidhiri kwa vitendo hivyo. Wamesema hayo leo Agosti 8, 2021 katika mkutano wa hadhara wa mbunge wa Lupembe, Edwin Swale uliofanyika katika vijiji vya Nyombo na Matiganjola wilayani Njombe. Wamesema matukio ya kutupa na kutelekeza watoto yamekithiri katika kijiji hicho, hivyo Serikali ya wilaya inapaswa kuchukua hatua kwa wahusika, ili kutoa funzo kwa wote wenye tabia hiyo. Wamedai baadhi ya wazazi wamekuwa wakifanya vitendo kwa madai ya hali ya kiuchumi na migogoro ya kifamilia baina ya wanandoa. "Matukio kama haya yamekuwa yakijirudia, tunaiomba Serikali kuchukua hatua ili kukomesha vitendo hivyo" amesema Machael Salingwa. Awali Mtendaji wa kata ya Ikuna, Alestadia Naza na Mwenyekiti wa jumuiya ya wazazi ya CCM Wilaya ya Njombe, Kasanga Makweta wamesema kitendo hicho kina athari kubwa kwa vizazi vijavyo na kwamba chama hakitafumbia macho. Mbunge wa Lupembe, Edwin Swalle amesema kutupa mtoto kunakiuka haki za msingi za mtoto ikiwemo ya kuishi na kuagiza vitendo hivyo vidhibitiwe mara moja. CHANZO: Mwananchi

Thread starter Analogia Malenga
Start date Aug 9, 2021
Tags

mahakamani njombe polisi serikali wananchi watoto

Analogia Malenga

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Njombe: Wananchi wataka wanaotupa watoto kuchukuliwa hatua

Analogia Malenga

JF-Expert Member

Our Community

Regional Communities