NMB Bank rekebisheni huduma zenu, mnakoelekea mtatupoteza wateja

[Kayugumis]

Kuna changamoto upande wa NMB Bank, nimekumbana na changamoto ambayo hadi sasa haijapatiwa suluhisho. Juzikati nilituma fedha kwenda kwenye akaunti nyingine, zikaonekana zimekatwa kwenye akaunti yangu, lakini hadi siku ya tatu, mlengwa hajazipokea.

Nilipojaribu kuwasiliana na NMB kupitia DM, nilipewa Namba ya WhatsApp ambayo inaendeshwa na mfumo wa roboti. Nimekuwa nikifuatilia lakini muda unaenda bila tatizo langu kutatuliwa. Nikawapigia simu, nikaelezwa kuwa fedha hizo “zipo hewani” na hatimaye zitamfikia mlengwa, lakini hadi sasa bado hazijafika.

Hii si mara yangu ya kwanza kukutana na changamoto kama hii. NMB iliwahi kutangaza maboresho ya mfumo wao na baadaye ikaeleza kuwa huduma zimerejea kikamilifu, lakini kwa uzoefu wangu NMB Mkononi bado haifanyi kazi kwa ufanisi unaotarajiwa. Nimeona pia malalamiko ya wateja wengine kwenye ukurasa wa NMB Instagram kuhusu changamoto zinazofanana.

Naomba sauti yetu isikike na NMB pamoja na mamlaka husika iliangalia tatizo hili na kuhakikisha fedha za wateja zinafika kwa walengwa kwa wakati, na pale kunapotokea hitilafu, mteja apewe majibu na suluhisho la haraka badala ya kuzungushwa na mfumo wa roboti.

 

[Tanganian]

Bank zina matatizo , yaani wakiamua wanakutesa na fedha zako ...Wakurugenzi kazi kubwa ni kuwafurahisha wanahisa badala ya wateja .

 

[Marcostilone]

AI yao inajibu salamu tu lakini suluhisho sifuri.

 

[amshapopo]

Huduma week chache zilizopita ilikuwa inasumbua ila saivi mambo ni mazuri tu kwa upande wangu

 

[Vien]

Hii mifumo ya customer services kwa kutumia AI ni miyeyusho mnoo

 

[Faana]

Hii si mara yangu ya kwanza kukutana na changamoto kama hii. NMB iliwahi kutangaza maboresho ya mfumo wao na baadaye ikaeleza kuwa huduma zimerejea kikamilifu, lakini kwa uzoefu wangu NMB Mkononi bado haifanyi kazi kwa ufanisi unaotarajiwa. Nimeona pia malalamiko ya wateja wengine kwenye ukurasa wa NMB Instagram kuhusu changamoto zinazofanana.

Ukiona hivyo ujue wamepigwa

 

[Iceberg9]

Madam anasema kaingia ofisini tangu 2021 mfumo haujawahi kubadilishwa so ndiyo wamebadilisha

 

[MWAVESO MWACHIRUWA]

Kwa upande wangu huduma zimerejea kikamilifu,

 

[Smart911]

Inasikitisha sana...


Cc: Mahondaw

 

[darcity]

Inakera sana hii. Wanashikiria fedha yako alafu hata hawastuki.

 

[Mad Max]

Hela ya kwako ikiwa mfukoni kwako.

 

[darcity]

Madam anasema kaingia ofisini tangu 2021 mfumo haujawahi kubadilishwa so ndiyo wamebadilisha

Ameharibu, anapoteza Imani ya usalama wa fedha kwa kuchukua watu wasio na ujuzi wa kutosha.

 

[darcity]

Hela ya kwako ikiwa mfukoni kwako.

Ni kweli Tena inakuwa haina makato na muda wote unaipata na kuitumia utakavyo.

 

[Mad Max]

Ni kweli Tena inakuwa haina makato na muda wote unaipata na kuitumia utakavyo.

Jana yamenikuta NMB, nawapigia eti "Heri ya Week la Mteja" yaani, nikasema Hawa wana masihara sana. Nasubiri kesho Masaa 48 yatimie kapesa kangu karudi.