DOKEZO Nyuma ya pazia: Wanayopitia Waamini wanaofika kwa Mwamposa kwenye makongamano ya kidini

DOKEZO Nyuma ya pazia: Wanayopitia Waamini wanaofika kwa Mwamposa kwenye makongamano ya kidini

Hili ni dokezo maalum toka kwa mwananchi mtumiaji wa JF mwenye nia ya kuusaidia umma kuwa na taarifa 'maalum'
Hakuna mtu aliyesema nini kifanyike. Mwamposa hawezi wamudu kuwalisha,malazi,nauli kwa watu wote wale, na akifanya hivyo navyowajua wa Tz watajazana mamilioni hapo.

Hawezi wakataza pia kwenda(unamfukuzaje mteja?), na serikali haiwezi ingilia kati sababu ni mtu wao wa karibu.

Lakini kwanini uende kwa design hiyo haujui unaenda kuishije hizo siku zote? Ratiba uiandae wewe, harafu huruma uitegemee kwa nani?
 
Hakuna mtu aliyesema nini kifanyike. Mwamposa hawezi wamudu kuwalisha,malazi,nauli kwa watu wote wale, na akifanya hivyo navyowajua wa Tz watajazana mamilioni hapo.

Hawezi wakataza pia kwenda(unamfukuzaje mteja?), na serikali haiwezi ingilia kati sababu ni mtu wao wa karibu.

Lakini kwanini uende kwa design hiyo haujui unaenda kuishije hizo siku zote? Ratiba uiandae wewe, harafu huruma uitegemee kwa nani?
Tapeli huyo, kama anaweza kuwaombea (kwa anavyodai) wagonjwa wakapona basi suala la kuwalisha ni dogo sana.

Kuhusu makazi ilipaswa walale bure hapo ktk hilo jengo lake haramu la ibada za kishetani mnaloita kanisa sijui TAKATAKA gani, kama wanavyofanya baadhi ya makanisa au dini ya uislamu mtu yeyote anaruhusiwa kulala msikitini akikosa mahala pa kulala, sasa huyo tapeli anashindwa nini?, au anaogopa kushitukiwa kuonwa anayoyafanya ktk hilo jengo?, au hana huruma kwa wateja wake?.

Hakuna na ayupo aliyewai kuombewa na kupona kutoka kwa maombi ya huyo jamaa, watu waache kudanganywa, wasome maandiko ya dini zao.

Shida yote hii ni Serikali kukosa uhalali wa kuongoza taifa, ndipo huibuka mambo ya hovyo kama haya, sheria na taratibu zilitakiwa kudhibiti hii mikusanyiko ya kidini, pia elimu sahihi na huduma bora kama zingetolewa tusingekuwa na huu upuuzi na ujinga wa watu kutegemea miujiza badala ya matibabu/huduma sahihi za kiafya na kiuchumi
 
Ila serikali yetu jau sana aisee.

Huko tuendako ni kubaya, hawa wahubiri wanatumia ujinga wa watu kama mtaji.

Hapo Kawe ni kawaida kukuta kina mama chini ya miti wakiwa na watoto wadogo, wagonjwa wasiojiweza, walemavu nk. Wote wakisubiri uponyaji.

Kuna muda unaamua kupuuza ila kuna mambo yanaumiza sana, ni ubinafsi uliozidi kipimo ndio unaleta haya, kiasi kwamba mtu anaamini muujiza na sio matibabu. Na anaamini hivyo kwasababu huko alikotoka hakuna huduma za afya za uhakika, hana pesa kuhonga manesi na madaktari. Mwisho wa siku ataambiwa hosp hii imeshindwa mpeleke kule, na kule nako atapigwa konakona ataachwa dilemma.
Mwisho anaamini mponyaji ni Mwamosa.
Unajua changamoto wanazozipata mahujaji huko mji mtakatifu makkah zipo kivumbi achilia mbali vifo vyakikanyagana sion tatizo watu wakipitia hayo katika kupambania wanachokiamini kwenye wengi pana mengi, watu washawahi kulala wati sita chumba kimoja lodge dodoma kwenye interview ya TRA na wengine walilq bar plus kutembea kwa miguu umbali mrefu maana boda zilikua hazishikiki kutokana na population ya ghafla iliozid miundombinu sasa huyu mwandishi wa mzalendo ndio kaona kapiga bonge la investigative journalism bomboclaat
 
Kwa nini mtume wao asiwarudishie kidogo ktk sadaka alizokusanya kama msaada kwao kwa kuwanunulia vyakula na malazi ili kutimiza yale aliyoyafanya Yesu kuwapa makutano shibe na usiku salama kwenye mikusanyiko?
Kama walimchangia nauli ya kutoka mbeya Kuja dar na yeye atawachangia.
 
Promotion za mikesha ziende sambamba na kutoa elimu ya maandalizi namna gani muumini anapaswa kujiandaa kwenda. Yaani kwa muumini wa mkoani abebe nini, fedha ya mfukoni isipungue kiasi gani, ajiepushe na kina nani, akifika akae wapi..na kwa waumini wakazi wa Dar vivyo hivyo.
Nilikuwa nafikiria kama ww .

Waumini wa mikoani ni muhimu wapewe information zaidi kuhusu Mazingira watakayoyakuta. Ili wajiandae.
Hii itapunguza hizi ghasia.

Ni kweli wanateseka.
 
Ikiwa unataka kujibu au kuchochea mjadala kwa njia ya kit
Hufika Kawe wakiwa na matumaini ya kupata huduma za kiroho, na kwa wengi wao matumaini hayo hutimia. Lakini kwa baadhi, safari hiyo hubadilika na kuwa mapambano ya kutafuta malazi, chakula na nauli ya kurejea nyumbani. Ni katika mazingira hayo ndipo huibuka simulizi ambazo hazisikiki jukwaani, za watu wanaodai kulazimika kufanya maamuzi magumu ili kujikimu na kupata mahitaji muhimu.

Lakini yapo mambo ambayo huwezi kuyaamini kwa kusimuliwa mpaka uyashuhudie mwenyewe.
Andiko hili halijajengwa juu ya simulizi za kusadikika, bali linategemea mahojiano na ushuhuda wa watu wanaodai kushuhudia yanayotokea wakati wa mikusanyiko mikubwa ya ibada na semina zinazofanyika katika viunga vya Tanganyika Packers, Kawe.
Jordan (si jina lake halisi) ni kijana mwenye umri wa miaka 27 anayejishughulisha na usafirishaji kwa pikipiki, maarufu kama bodaboda. Kituo chake cha kazi kipo Kawe, jirani na eneo ambalo mikusanyiko hiyo hufanyika.

Kwa mtazamo wake, kila kunapotangazwa mkusanyiko mkubwa wa kidini, shughuli za kiuchumi huongezeka. Nyumba nyingi katika maeneo ya Kawe hasa makazi ya vijana wasio na familia, anasema, hubadilishwa kuwa malazi ya muda kwa wageni wanaofika kutoka mikoa mbalimbali.

Hata hivyo, nyuma ya ongezeko hilo la shughuli za biashara, Jordan anadai kuna simulizi nyingine ambayo si wengi huizungumza.

Anasema baadhi ya waamini hufika mapema ili kuhakikisha hawakosi nafasi kwenye mkusanyiko, lakini wengi wao hukumbwa na changamoto ya kukosa sehemu ya kulala au fedha za kugharamia malazi na chakula. Ndipo, kwa mujibu wa maelezo yake, baadhi ya vijana huliona hilo kama fursa.
"Kuna wanawake wengi nimeshawahi kuwapa hifadhi nyumbani kwangu. Kipindi cha makongamano makubwa unaweza kukaa naye hadi siku tatu. Wengi wanakuwa hawana uwezo wa kulipia lodge, hivyo anapopata mtu wa kumsaidia, wakati mwingine anakubali hata mazingira ambayo asingeyakubali katika hali ya kawaida," anadai Jordan.

Madai yake yanafanana na yale ya kijana mwingine anayefahamika kwa jina la utani la Baba J.

Kwa mujibu wa Baba J, amewahi kukutana na waamini waliobaki Kawe baada ya makongamano kumalizika kwa sababu walikosa nauli ya kurejea nyumbani.

Anadai kuwa si wote waliopoteza fedha zao; wengine walifika wakiwa na nauli ya kwenda pekee, wakiamini kwamba watapata namna ya kurejea baada ya ibada kumalizika.

"Mara nyingi makongamano yanapoisha, kuna watu hubaki wakizunguka kwa kukosa nauli ya kurudi makwao. Wapo wanaosema fedha zao zimepotea kwenye mkusanyiko, na wengine hukiri walisafiri bila kupanga nauli ya kurudi."

Anasema hali hiyo huwafanya baadhi yao kuwa katika mazingira magumu.

"Wakikutana na watu wenye nia mbaya, ujikuta kwenye mazingira ya kutumiwa kwa sababu wanahitaji fedha za kula au za kurejea nyumbani. Ukizungumza na baadhi ya waendesha bodaboda au wafanyabiashara wa maeneo ya Kawe, utasikia simulizi zinazofanana na hizi," anadai.

Uchunguzi uliofanywa na Mzalendo umebaini kuwa baadhi ya waamini hufika Kawe siku mbili hadi tatu kabla ya kuanza kwa mikusanyiko hiyo. Wengi wao wanasema hufanya hivyo ili kuepuka changamoto za usafiri zinazoweza kuwafanya wakose ibada au semina.

Lakini kadiri siku zinavyoongezeka kabla na baada ya mkusanyiko, ndivyo gharama za chakula, malazi na usafiri zinavyozidi kuwa mzigo kwa baadhi yao.

Katika mazingira hayo, si jambo la ajabu kuona baadhi ya waamini wakilala maeneo ya wazi, huku wengine wakisaka msaada wa mahali pa kulala kutoka kwa watu wasiowafahamu. Wakati mwingine wanawake huonekana wakikesha nje wakiwa na watoto wachanga, jambo linaloibua maswali kuhusu usalama na ustawi wao.

Baadhi ya wakazi wa eneo hilo pia wanasema wamewahi kuombwa hifadhi na wageni waliofika kwa ajili ya mikusanyiko hiyo.

Aidha, baadhi ya watu waliokaribu na eneo la kanisa wanadai kuwa waumini wanaotaka kulala ndani ya eneo la kanisa huzuiwa na walinzi kwa maelekezo waliyopewa. Mzalendo haikuweza kuthibitisha sababu rasmi za utaratibu huo.

Baadhi ya wakazi wa Kawe soko jipya wanasema kuwa baadhi ya waamini hupiga kambi katika eneo hilo wakiwa na watoto, huku wakikosa mahitaji muhimu kama chakula.

Mama lishe mmoja (jina tunalihifadhi) anayejishughulisha na uuzaji wa vitafunwa, ikiwemo mihogo, anasema:

"Wapo watu wengi hapa wanaohangaika kupata chakula. Baadhi yao hulazimika kuja kwetu kujitolea kufanya kazi ili wapate chakula chochote, maana wengine unawakuta wamekuja na watoto."anasimulia.

Anaongeza kuwa si jambo la ajabu kuwaona baadhi yao wakiokota chupa za plastiki kwa ajili ya kuuza ili wapate fedha za kujikimu na kuendelea kubaki eneo hilo wakisubiri shughuli za ibada.

"Mama na Watoto wadogo wanalala nje"
Uchunguzi umebaini uwepo wa baadhi ya akinamama wakiwa wanaishi chini ya miti pamoja na watoto wao wadogo, wakilazimika kupata huduma zote ikiwemo chakula wakiwa katika mazingira hayo.

Mmoja wa wanawake waliokutwa eneo hilo anadai kuwa amekuwa akisumbuliwa na maumivu ya tumbo kwa muda mrefu. Anasema alipata nauli ya kuja, lakini hakuwa na fedha za kurejea nyumbani, akitarajia kutumiwa nauli baada ya kufika.

"Natokea Singida. Mimi kule nafanya kazi ya kilimo. Nimekuja hapa na sasa nina siku tatu nalala chini ya mti nikiwa na mtoto wangu. Nangojea nitumiwe nauli ili niondoke, maana kilichonileta tayari kimekamilika," anasimulia mama huyo mwenye watoto wawili.

Anadai kuwa ameamua kuendelea kuishi eneo hilo kwa sababu hana uwezo wa kugharamia malazi. Anasema pia yupo pamoja na wenzake.

"Kuna wengine wameenda kuomba hifadhi kwa watu wa maeneo ya karibu, lakini wanadai wamekutana na vitendo visivyofaa. Mimi naona ni bora nilale chini ya mti kuliko kwenda kuishi kwa mtu nisiyemfahamu nikiwa na mtoto."

Hali hiyo inaweza kuibua mjadala mpana kuhusu wajibu wa waandaaji wa mikusanyiko mikubwa inayohusisha maelfu ya watu kutoka maeneo mbalimbali ya nchi.

Je, pamoja na maandalizi ya kiroho, kunapaswa pia kuwepo mfumo wa kushughulikia changamoto za dharura kama malazi salama, msaada kwa wanaopoteza nauli, huduma kwa wanawake wenye watoto na utaratibu wa kuwasaidia waamini wanaokwama baada ya mikusanyiko?

Maswali hayo yanaendelea kutafuta majibu
Kwa sababu wakati maelfu ya waamini huondoka wakiwa na matumaini mapya ya kiroho, simulizi za baadhi ya waliokwama njiani zinaonyesha kuwa safari ya imani, kwa wengine, huambatana pia na gharama ambazo hazionekani kirahisi.
Binafsi naomba kuchangia kidogo kuhusu hili.

Mikutano mikubwa ya kidini inaleta watu kutoka sehemu mbalimbali za nchi wakiwa na matarajio ya kupata msaada wa kiroho. Hata hivyo, inapofanyika mikusanyiko ya maelfu ya watu, ni muhimu pia kuzingatia usalama na ustawi wao baada ya ibada.

Waandaaji wanapaswa kuwa na utaratibu wa kushughulikia changamoto za dharura kama malazi salama, msaada wa usafiri kwa waliokwama, huduma kwa wanawake na watoto, pamoja na mifumo ya kuripoti na kushughulikia vitendo vya unyanyasaji endapo vitatokea.

Hii sio kupunguza thamani ya huduma za kiroho, bali ni kuhakikisha kuwa utu, usalama na heshima ya kila mshiriki vinapewa kipaumbele.

Ikiwa madai haya ni ya kweli, yanaibua swali muhimu kuhusu wajibu wa waandaaji wa mikusanyiko mikubwa.

Mafanikio ya mkutano hayapaswi kupimwa kwa idadi ya washiriki pekee, bali pia kwa namna washiriki wanavyolindwa kabla, wakati na baada ya mkutano.

Madai yanapaswa kuchunguzwa kwa haki, na hatua stahiki zichukuliwe pale panapobainika mapungufu, huku ikizingatiwa kuwa ushuhuda wa baadhi ya watu haupaswi kuchukuliwa kama uthibitisho wa moja kwa moja wa hali ya jumla bila ushahidi wa kutosha.
 
Unajua changamoto wanazozipata mahujaji huko mji mtakatifu makkah zipo kivumbi achilia mbali vifo vyakikanyagana sion tatizo watu wakipitia hayo katika kupambania wanachokiamini kwenye wengi pana mengi, watu washawahi kulala wati sita chumba kimoja lodge dodoma kwenye interview ya TRA na wengine walilq bar plus kutembea kwa miguu umbali mrefu maana boda zilikua hazishikiki kutokana na population ya ghafla iliozid miundombinu sasa huyu mwandishi wa mzalendo ndio kaona kapiga bonge la investigative journalism bomboclaat
Hao wanaotafuta ajira sio haya mambo ya imani, na hilo la ajira sio endelevu kama hili.
 
Mada ya mtoa mada nikweli
Elim
Ilm
Elim.

Ofisi za ustawi na police zifunguliwe hapo chap.

Ni dsm nizam usiku ni majanga nikipata mda nitaeleza kisa cha katoto kakike. Uhasibu kutudanganya umri 19 na kuondoka na boda
Elim.ilm
 
Mwamposa tapeli sana. Kwenye biblia ambayo huyu mwamposa anaitumia(kama ni kweli), Yesu alipoona makutano(watu) wamekaa nae muda mrefu na wana njaa alifanya muujiza wa chakula na watu wanaume 5000(pasipo kuhesabu wanawake na watoto) walikula na kusaza.

Mwamposa anakaa nao usiku kucha, anawalipisha fedha za maji ya "upako" na sadaka za kujimaliza halafu anawaacha wanazagaa kukipambazuka.

"Serikali" hadaa nayo ipo inasubiri mpaka maafa yatokee ili waje na kauli ya "tunafanya uchuguzi"

Haya mambo ndio maana kagame kapiga stop. Kaona ni kuwatapeli tu wananchi
 
Back
Top Bottom