Ndugu zangu Watanzania,
Kwa hakika watanzania wa leo siyo wa mwaka 1961 , Watanzania wa leo hawadanganywi wala kudanganyika kwa porojo za mdomoni na maneno ya uongo na uzushi, watanzania wa leo siyo manyumbu au makasuku wa kuimbishwa uongo ,uzushi na kupandikizwa chuki na uchonganishi.
Watanzania wa leo wanajua kupima ukweli na uongo,wanajua kila kitu kinachoendelea hapa Nchini. Huwezi kuwamezesha sumu ,huwezi kuwapandikiza chuki na wala huwezi kuzusha jambo la uongo na ukasikilizwa na kuungwa mkono.
Polepole kwa chuki zake Binafsi,kwa ubaguzi wake na kutumiwa na genge lenye uroho na uchu wa madaraka akajikurupukia zake kutoka huko atokako kutaka kuja kupandikiza chuki ,uongo, uzushi , uchonganishi,fitina na migawanyiko hapa Nchini kwa maneno ya uongo,uzushi na uchonganishi.
Akiwa na lengo la kutaka Rais wetu Mpendwa na Jemedari wetu kipenzi cha watanzania achukiwe na watanzania wote na kuonekana ni adui wa Taifa letu. Kitu ambacho hata hivyo watanzania wakang'amua na kuelewa hila na chuki alizotaka kupandikiza polepole.
Watu wakajiuliza huyu huyu polepole wa awamu ya Tano mwenye kila aina ya kiburi ,dharau na kejeli anaweza vipi na kupata wapi ujasiri wa kuja kuongea haya kama hana chuki binafsi na ubaguzi? Watu wakasema kwanini iwe leo na kwanini iwe sasa? Wakajiuliza je Rais Samia alipitishwa lini kugombea Urais? Je alipitishwa na kikao kipi? Je kwanini hakujiuzuru wakati huo? Kwanini iwe sasa?
Wakapata majibu kuwa tatizo ni Urais na uchu wa madaraka wa genge na kikundi kilicho nyuma ya polepole kinachotakani kunyakua Urais kwa maslahi yake binafsi na kutumbua Minofu ya Taifa hili kwa maslahi yake binafsi. Watu wakasema huyu polepole kamwe hawezi kuwapandikiza chuki watanzania ili wamchukie Rais Samia ilihali kila mmoja ameona kazi kubwa aliyoifanya ndani ya muda mfupi katika ujenzi wa Taifa letu.
Ndio maana amepuuuzwa na watanzania na hakuna mwenye habari naye wala kujadili habari zake wala kuhangaika naye.
Kwa hakika usishindane na aliyeinuliwa na kupewa kibali na Mungu. Rais Samia ni Mbarikiwa wa Mungu aliyepewa kibali na Mungu cha kuongoza Taifa hili. Hawezi kushushwa na mkono wa mwanadamu kwenye chuki binafsi aina ya polepole na genge lake.
Kazi iendelee, Mama Ametufikia na kuwafikia watanzania kwa utumishi wake uliotukuka wa kugusa Maisha ya watanzania wanyonge wasio na Sauti.
Lucas Hebel Mwashambwa, Mama ANATOSHA kuendelea kuliongoza Taifa letu kwa muhula wa pili.
Sote tunajua kuwa kwenye demokrasia ya kweli, sifa si jambo la lazima bali ni matokeo ya utendaji. Serikali haishangiliwi kwa maneno ya watu kama wewe bali kwa matendo yanayogusa maisha ya mamilioni ya Watanzania waliokata tamaa kutokana na mfumo wa kifisadi, wa kimabavu na wa kinyonyaji.
Unaposema “Watanzania wa leo siyo wa 1961,” ni kweli. Hivyo basi usidhani unaweza kuwapaka matope viongozi wanaothubutu kusema ukweli, halafu ukatuzubaisha kwa porojo za kupuliza manukato juu ya kinyesi.
1. Kumtetea Rais kwa Misingi ya Kibaguzi
Kumuita Rais "aliyepewa kibali na Mungu” ni ujinga wa kidini. Urais si upako, ni mkataba wa kijamii wa kuwajibika kwa wananchi. Kama Rais Samia ni mbarikiwa, basi afanye kazi ya Mungu: kupambana na rushwa, kusikiliza wakulima, kulinda uhuru wa maoni na haki za vyama vya siasa. Lakini yeye anapambana na vyama vya upinzani, ananyamazisha sauti huru, anaunda Tume ya Uchaguzi bila maridhiano – hiyo ndiyo baraka?
2. Kwa Nini Mnaogopa Kukosolewa?
Polepole hakusema chochote ambacho hakipo kwenye Katiba ya CCM au historia ya chama. Aliuliza: Je, ni kikao gani kilichompitisha Rais Samia kuwa mgombea wa CCM? Hili ni swali la msingi kwa chama kinachodai kuheshimu katiba. Kama hamna jibu, basi jibu si matusi wala kumzulia chuki, ni KUKIRI KOSA na KUREKEBISHA.
3. "Watanzania Wamempuuza Polepole" Ni Wapi?
Hivi unavyosema "hakuna anayemjadili," mbona kila kona ya nchi watu wanazungumzia ujasiri wake na hoja zake? Kwanini viongozi wa serikali na chama wanatapatapa kila siku kutoa majibu na kutafuta matusi mapya? Unapuuza mtu halafu unamwandalia mikutano ya kumjibu? Una akili kweli au unatumia ubongo wa CCM?
4. Kazi Iendelee – Wizi Uendelee?
Unasema “Kazi iendelee” lakini hujiulizi kazi gani?
Ni kazi ya polisi kubambikizia kesi wapinzani?
Ni kazi ya Tume ya Uchaguzi kufuta wagombea halali bila sababu?
Ni kazi ya kuendelea kusaini mikataba ya hovyo kama ule wa Bandari bila ridhaa ya wananchi?
Au ni kazi ya “kupongezana” kila siku huku mamilioni wakilala njaa?
5. Mama Anatosha au Tumechoka?
Mama anaweza kuwa na nia njema, lakini anaongozwa na maamuzi mabaya na washauri wa hovyo kama ninyi "wachawa." Kama mnampenda kweli, basi msimsifie uongo. Mwambieni ukweli: Taifa linataka uchaguzi huru, Tume huru, mahakama isiyo ya chama, na demokrasia ya kweli. Akitii, atatukuka. Akikaidi, ataumbuliwa.
6. Uchaguzi wa 2025 Unakuja – Hakuna Kulala
Sasa hivi nchi imeshachoka kupakwa mafuta ya chooni kuwa harufu ni nzuri. Wabunge wa upinzani wanapigwa risasi, mahakama zinageuzwa matawi ya CCM, huku wachache kama wewe mkifanya kazi ya kuhalalisha dhuluma kwa majigambo ya kijinga. Lakini msidanganyike, hasira ya wananchi haizuiliki kwa kelele zenu za mdomo.