tonicimmobility
JF-Expert Member
- Jun 17, 2025
- 493
- 1,040
Mwenyekiti wa Chama cha Wananchi (CUF), Profesa Ibrahim Lipumba ametoa wito kwa Tume Huru ya Taifa ya Uchaguzi (INEC) kuhakikisha kuwa kura za Uchaguzi Mkuu wa Oktoba 29, 2025 zinahesabiwa na kutangazwa kama zilivyopigwa na wananchi.
Profesa Lipumba ametoa kauli hiyo jana, Oktoba 5, 2025, alipohutubia wakazi wa Mbagala Rangi Tatu, Dar es Salaam, ambapo amesisitiza kuwa usawa na uwazi katika mchakato wa uchaguzi ni msingi muhimu wa kujenga demokrasia ya kweli nchini.
“Sisi tumeamua kushiriki katika uchaguzi huu, pamoja na changamoto zilizopo katika taratibu kwa kuamini kuwa ujenzi wa demokrasia ni mchakato unaochukua muda. Tunaamini kura zitahesabiwa na kutangazwa kama zilivyopigwa,” amesema Profesa Lipumba.
Aidha, ametoa wito kwa vyombo vya dola kuepuka kuingilia masuala ya kisiasa, akisema hatua hiyo itasaidia kulinda amani na kuimarisha imani ya wananchi katika taasisi za kikatiba.
“Vyombo vya dola visijihusishe na siasa, bali viache wanasiasa washindane kwa hoja. Hiyo ndiyo njia sahihi ya kujenga demokrasia ya kweli,” ameongeza.
Profesa Lipumba ametoa kauli hiyo jana, Oktoba 5, 2025, alipohutubia wakazi wa Mbagala Rangi Tatu, Dar es Salaam, ambapo amesisitiza kuwa usawa na uwazi katika mchakato wa uchaguzi ni msingi muhimu wa kujenga demokrasia ya kweli nchini.
“Sisi tumeamua kushiriki katika uchaguzi huu, pamoja na changamoto zilizopo katika taratibu kwa kuamini kuwa ujenzi wa demokrasia ni mchakato unaochukua muda. Tunaamini kura zitahesabiwa na kutangazwa kama zilivyopigwa,” amesema Profesa Lipumba.
Aidha, ametoa wito kwa vyombo vya dola kuepuka kuingilia masuala ya kisiasa, akisema hatua hiyo itasaidia kulinda amani na kuimarisha imani ya wananchi katika taasisi za kikatiba.
“Vyombo vya dola visijihusishe na siasa, bali viache wanasiasa washindane kwa hoja. Hiyo ndiyo njia sahihi ya kujenga demokrasia ya kweli,” ameongeza.