Rais Samia anapokea Ripoti ya CAG na Taarifa za TAKUKURU na PPRA, Ikulu Dar es Salaam, Machi 30, 2026

[Roving Journalist]

View: https://www.youtube.com/live/QA0TJ67CiXI?si=4XzdYqPxyfSkdAiX​

Rais wa Jamhuri ya Muungano wa Tanzania, Dkt. Samia Suluhu Hassan, akipokea Ripoti ya Mdhibiti na Mkaguzi Mkuu wa Hesabu za Serikali (CAG) ya Mwaka 2024/2025; Taarifa ya Utendaji wa Taasisi ya Kuzuia na Kupambana na Rushwa (TAKUKURU); na Taarifa ya Mwaka ya Tathmini ya Utendaji Kazi wa Ununuzi wa Umma, tarehe 30 Machi, 2026, Ikulu Dar es Salaam.

RAIS SAMIA AAGIZA UWAZI MANUNUZI YA UMMA, ASISITIZA UWAJIBIKAJI
Rais Samia Suluhu Hassan ameagiza kuimarishwa kwa uwazi na uwajibikaji katika manunuzi ya umma, akielekeza taasisi zinazokiuka taratibu kutajwa hadharani na kuchukuliwa hatua.

Akizungumza tarehe 30 Machi, 2026, Ikulu Dar es Salaam, wakati wa kupokea Taarifa ya Mwaka ya Tathmini ya Utendaji wa Ununuzi wa Umma, Rais Samia amesema sehemu kubwa ya fedha za Serikali hutumika katika manunuzi ya umma, hivyo usimamizi madhubuti ni muhimu kulinda rasilimali za wananchi.

“Ripoti zijazo zitaje wazi taasisi zinazofanya vibaya na zinazofanya vizuri, ili kuongeza uwajibikaji na kuchukua hatua stahiki,” amesema Rais Samia.

Amesema hatua hiyo inalenga kuimarisha nidhamu ya matumizi ya fedha za umma na kuhakikisha rasilimali za Serikali zinatumika kwa manufaa yaliyokusudiwa.

 

[Grahams]

Tangu mwaka 2021 sioni umuhimu wa hizo ripoti

CAG anatoa taarifa zake kila mwaka lakini hakuna uwajibishwaji kwa hayo madudu yanayofanywa na watendaji

 

[Salary Slip]

Wasitupotezee muda maana hizo ripoti hazifanyiwa zaidi ya kutumia tu kodi zetu kuandaa taarifa za kukaa kwenye makabati

 

[BB_DANGOTE]

Mwenyezi Mungu Atusaidie.
Tupate Viongozi Waaminifu sawa sawa na viapo wanavyo apa.