Rais William Ruto Aahidi Kutoa KSh Milioni 30 kwa Kanisa la Mwingi, Kitui. Ni Pesa Zake Au Walipa-kodi?

[Wakaguongo]

Rais William Ruto ameahidi kutoa shilingi milioni 30 kwa kanisa la AIC Kasina, lililoko Mwingi Central, Kaunti ya Kitui, wakati wa ibada ya Jumapili, Oktoba 25, 2026.

Ahadi hiyo imeibua mjadala kuhusu michango mikubwa inayotolewa na viongozi kwa taasisi za kidini wakati Wakenya wengi wakiendelea kukabiliana na gharama ya juu ya maisha, ukosefu wa ajira na changamoto za kupata huduma muhimu.
Ruto alitoa ahadi hiyo wakati wa ziara yake katika eneo la Ukambani, ambako amekuwa akihudhuria mikutano ya umma na kuzungumzia miradi ya maendeleo ya Serikali.

Michango ya viongozi kwa makanisa imekuwa mada ya mjadala nchini Kenya. Baadhi ya Wananchi wanaiona kama njia ya kusaidia taasisi za kidini na shughuli zake za kijamii, huku wengine wakihoji vipaumbele vya viongozi na umuhimu wa kuweka wazi chanzo cha fedha zinazotolewa.

Katika suala hili, maswali muhimu ni iwapo michango hiyo inatokana na fedha binafsi za viongozi au rasilimali za umma, na namna ahadi hizo zinavyotekelezwa.

Rais anapoahidi milioni 30 kwa kanisa, unaonaje hatua hiyo? Je, ni mchango unaopaswa kupongezwa, au viongozi wanapaswa kuweka wazi zaidi chanzo cha fedha hizo na vipaumbele vyao wakati wananchi wanakabiliwa na changamoto za kiuchumi?

 

[Afcon kinanuka]

Free twaha mwaipaya