Mkalukungone Mwamba
JF-Expert Member
- Aug 29, 2022
- 3,141
- 7,205
Mkuu wa Mkoa wa Ruvuma, Brigedia Jenerali Ahmed Abbas Ahmed, amezindua basi jipya aina ya Coaster lenye thamani ya zaidi ya shilingi milioni 334. Gari hilo limekabidhiwa rasmi kwa Ofisi ya Mkuu wa Mkoa wa Ruvuma ili kuboresha huduma za usafiri.
Akizungumza katika hafla ya uzinduzi iliyofanyika katika ukumbi wa Songea Club, RC Ahmed amewataka madereva kuzingatia kanuni za usalama barabarani na kulitunza gari hilo kwa kufanya matengenezo kwa wakati.
Amesisitiza kuwa fedha zilizotumika kununua gari hilo zinatokana na kodi za wananchi, hivyo ni wajibu wa watumishi kulinda mali za umma, kwani, iwapo litaharibika mapema, itakuwa hasara kwa wananchi waliotoa kodi.
Kwa upande wake, Katibu Tawala Msaidizi Utawala na Rasilimali Watu, Joel Mbewa, amesema basi hilo litasaidia kutatua changamoto za usafiri zilizokuwa zikikabili ofisi hiyo. Ameeleza kuwa litatumika kusafirisha watumishi kwa pamoja katika ziara mbalimbali, hatua itakayopunguza gharama za misafara.
Mbewa ameahidi kuwa ofisi hiyo itahakikisha gari linatunzwa ipasavyo kwa kufanya service kwa wakati na kuzingatia sheria zote za usalama barabarani.