Mkuu PM,
Maneno yako mengi ni mazito sana, lakini inasikitisha sana kwamba mtu kama huyu mliweza kumpa umakamu wa mwenyekiti, tena miezi saba tu iliyopita that does not make a sense,
Haiwezekani kuwa Wangwe amefanya haya unayosema katika kipindi cha miezi saba tu, ni lazima amekuwa na hizi tabia siku zote, na hapa kwenye maneno yako mengi hakuna unapoonyesha Rostam kuhusika na kumpa Wangwe ubunge, au umakamu wa mwenyekiti wa Chadema,
Ahsante Wakuu!
Mkuu ES
Kwanza naona umeshanivika uanachama wa CHADEMA. Najua unajua mimi na wewe tuko hapa muda mrefu. Na hawa wanaCHADEMA wanakati wote wamekuwa wakiniita mimi ni CCM au mtumwa mwa mafisadi. Cha muhimu tu ni kwamba mimi ni mwanahabari. Ni kweli chombo ninachofanyia kazi kina mtaji pia wa mmoja wapo wa watuhumiwa wa ufisadi. Lakini mimi si fisadi wala si mwanachama wa CHADEMA. Mwafrika wa Kike anaujua zaidi ugomvi wangu na dogo Mnyika na wengineo.
Wangwe aliwaanza kuwaingiza mkenge CHADEMA kwa mara ya kwanza kwa kadiri ya habari nilizonazo wakati wa kamati ya Madini, pale alipokutana holiday inn na Mwanyika wa Barrick. Baadaye ndio akatoka na msimamo wa kukataa Zitto asiingie kwenye kamati ya madini na kusema kwamba Zitto ameshanunuliwa na CCM. Sasa wakati huo CHADEMA ikagawanyika kambi mbili. Wanaotaka aingie, Zitto, Mtei nk. Na wasiotaka- Chacha, Dr Slaa, Mnyika, Tundu Lissu nk. Sasa hii kambi ya pili, ya Chacha ilikuwa na kambi mbili ndani yake. Kulikuwa na Chacha mwenyewe, yeye Tatizo lake likiwa ni Zitto kwamba anatumika na CCM. Na kambi ya Dr Slaa, Tundu Lissu na Mnyika hawa walikuwa wanasema kwamba hawana na tatizo na Zitto as Zitto, wanatatizo na kamati yenyewe- muundo wake, motive, wakati wa kuundwa kwake, hadidu rejea na kutoshughulikiwa kwa maoni ya kamati za nyuma. Hawa walikuwa na hoja kuwa Zitto anatumika tu kuhalalisha udhaifu wa Kikwete na serikali yake na kwamba Kikwete hana nia njema. Ila kutokana na msimamo wa Chacha wangwe wakati huo tayari alishanza mawasiliano na Rostam, magazeti ya Mtanzania, Rai na Majira yakapotosha mjadala mzima. Mbowe akaitisha kamati kuu ambayo ilichukua uamuzi wa kati kati, Zitto aingie kwenye Kamati lakini tahadhari Zote za kina Dr Slaa, Tundu Lissu nk zizingatiwa.
Hapo ndipo Rostam akaona Chacha ni 'shujaa' mwafaka wa kumtumia. Chacha akaonyesha dhamira ya kugombea makamu mwenyekiti. Rostam akamuunga mkono. Kwa habari za uhakika ambazo nilizifuatilia kwa karibu Kampeni ya Chacha ilipewa fedha na Rostam Aziz na kuratibiwa na Kaborou, vikao vingi vikifanyika nyumbani kwake na kuhusisha viongozi wa Dar es salaam waliosimamishwa uongozi wa utovu wa nidhamu na wajumbe wa Baraza Kuu walikokuwa wakitumika na Kamati kuu. Kampeni zilifanyika kwa kutumia vipeperushi vyenye kuonyesha kwamba CHADEMA kuna ufisadi na kwamba yeye amelenga kuuondoa.Ndipo Kamati Kuu ilipotaka kuingilia Kati kama nilivyoeleza kwenye michango yangu hapo juu na mijadala ilivyokuwa kwa undani kwa kadiri ya recording ambayo Mzee Halimoja aliifanya. Mbowe, Dr Slaa, Zitto nk waliufahamu huu ukweli kabla, lakini waliamini kwenye busara za wajumbe kwa kuwa kumzuia Chacha angekuwa sawa na kumfagilia njia mpinzani wake Bwana Amour Arfi Mbunge wa Mpanda Kati, na hawakutaka kuwa na upande wowote. Chacha alitumia hoja kuwa wana upande wiki moja kabla ya uchaguzi kupitia habari za Mtanzania, Rai na Majira mpaka umma ukaamini kwamba wana upande. Kwa ajili ya kusimamia principle ndio maana mtakumbuka katika kikao hicho Dr Slaa na Zitto waliwasilisha kusudio la kujiuzulu nafasi zao kama suala la nidhamu halingejadiliwa. Suala likajadiliwa na chacha akapewa onyo lakini jina lake halikuchujwa, kamati kuu ikapeleka majina yote mawili kesho yake kwenye kikao cha baraza kuu bila kueleza kwa undani kulichotokea kwenye kamati kuu kwa kuhofia inngekuwa decampaigning kwa Chacha. Baraza kuu wajumbe kwa kutokujuwa hili na lile na kwa hasira yao kwa sekterariati kutokana na chuki ambazo Chacha alishapandikiza kupitia vipeperushi likampigia kura Chacha Wangwe. Kura nyingi za Arfi zilitokana na wajumbe wa Kamati Kuu ambao walijua undani wa mambo.
Hapa ndipo CHADEMA walipofikishwa, kutokana na Mikakati ya Bwana Rostam Azizi ambayo kwa kiasi Kikubwa imefunika ile ya Kila Lowassa, Karamagi, Chenge na Mkapa. Lakaini mambo mengi zaidi yataendelea kujitokeza. Kesho kutwa kuna kikao kingine kama Chacha hatasafiri kwenda Dodoma. Balille yuko mstari wa mbele katika kuratibu mkakati huu kwa sasa.
PM