DogoWaNjombe
JF-Expert Member
- Feb 7, 2022
- 3,284
- 7,708
Pia soma ~ Rostam Aziz anunua kampuni ya Nation Media Group ya Kenya
Mfanyabiashara na mwekezaji wa Tanzania, Rostam Aziz amesema uwekezaji wake katika Kampuni ya Nation Media Group (NMG) unalenga kupanua shughuli za kampuni hiyo na si kupunguza wafanyakazi.
Rostam ametoa kauli hiyo leo Jumatano, Machi 11, 2026 jijini Nairobi, Kenya wakati akizungumza na waandishi wa habari kuhusu uwekezaji wake katika kampuni hiyo.
Akizungumzia mustakabali wa wafanyakazi wa kampuni hiyo, Rostam amesema hakuna mpango wa kupunguza ajira bali matarajio ni kuongeza nafasi zaidi za kazi kadri shughuli za kampuni zitakavyopanuka.
“Nataka kuwahakikishia wafanyakazi wa Nation Media Group kwamba dhamira yetu ni kupanua shughuli, si kupunguza. Kadri tunavyoendelea mbele kutakuwa na ajira zaidi kwa sababu tunahitaji kuhudumia mahitaji ya Wakenya wote,” amesema Rostam.
Nation Media Group ni moja ya kampuni kubwa za habari Afrika Mashariki ikiwa na shughuli katika nchi za Kenya, Tanzania, Uganda na Rwanda. Kampuni hiyo inachapisha magazeti mbalimbali yakiwemo Daily Nation, Sunday Nation, The EastAfrican, Daily Monitor ya Uganda pamoja na Mwananchi, The Citizen na Mwanaspoti nchini Tanzania. Pia inamiliki Televisheni ya NTV Kenya na Uganda na vituo vya redio Kenya, Uganda na Rwanda.
Chanzo: Mwananchi
==============================
Mfuko wa Aga Khan wa Maendeleo ya Kiuchumi (AKFED) umetangaza kuwa utauza hisa zake kuu katika kampuni ya vyombo vya habari ya Nation Media Group (NMG).
Katika taarifa iliyotolewa mjini Geneva, Jumanne, March 10, 2026, AKFED ilisema imekubali kuuza hisa zake zote katika kampuni ya NPRT Holdings Africa Limited kwa kampuni ya Taarifa Ltd inayomilikiwa na mfanyabiashara wa Tanzania Rostam Azizi.
Nation Media Group ni miongoni mwa makampuni makubwa na yenye ushawishi mkubwa katika sekta ya habari Afrika Mashariki ikiwa imejijenge nafasi muhimu katika utoaji wa taarifa kupitia vyombo mbalimbali vya habari katika nchi za Kenya, Tanzania, Uganda na Rwanda.
Kupitia mtandao wake mpana wa vyombo vya habari, Nation Media Group huchapisha baadhi ya magazeti yanayosomwa zaidi Afrika Mashariki yakiwemo Daily Nation, Sunday Nation, na The EastAfrican nchini Kenya, pamoja na Daily Monitor nchini Uganda. Nchini Tanzania, kampuni hiyo inamiliki magazeti maarufu kama Mwananchi, The Citizen, na Mwanaspoti.
Mbali na magazeti, Nation Media Group pia ina uwepo mkubwa katika sekta ya utangazaji. Kampuni hiyo inamiliki vituo vya televisheni vya NTV nchini Kenya na Uganda, pamoja na mtandao wa vituo vya redio unaosikika katika Kenya, Uganda na Rwanda, hatua inayoiwezesha kufikia mamilioni ya wasomaji, watazamaji na wasikilizaji katika Afrika Mashariki.
Stori: SNS
==================================
Vyombo vya Habari vilivyo chini ya Nation Media Group
KENYA
-Daily Nation
-Sunday Nation
-The EastAfrican
-NTV Kenya
UGANDA
-Daily Monitor
-NTV Uganda
TANZANIA
-Mwananchi
-The Citizen
-Mwanaspoti
*Vituo vya redio Kenya, Uganda na Rwanda.