Ndagullachrles
JF-Expert Member
- Jun 20, 2023
- 256
- 259
Kamanda wa jeshi la Polisi Mkoa wa Kilimanjaro, SACP Simon Maigwa, amewataka madereva wa vyombo vya Serikali kuzingatia sheria na kanuni za usalama barabarani, akisisitiza kuwa hakuna mtu aliye juu ya sheria, bila kujali nafasi au cheo alichonacho.
Akizungumza Oktoba 23, 2026, katika kipindi cha redio cha Moshi FM wakati akiendelea kutoa elimu kwa umma kupitia kampeni ya Ongea na Kamanda, Maigwa amesisitiza kuwa kila dereva ana wajibu wa kufuata sheria za barabarani ili kulinda maisha yake na ya watumiaji wengine wa barabara.
Aidha, Kamanda Maigwa amewataka askari wa Jeshi la Polisi kuwa mfano katika uzingatiaji wa sheria hizo kwa kuhakikisha wanamiliki leseni za udereva na kuvaa kofia ngumu (helmet) wanapoendesha vyombo vya moto vinavyohitaji matumizi ya kinga hiyo.
Ameonya kuwa askari yeyote atakayebainika kukiuka sheria za usalama barabarani atachukuliwa hatua za kinidhamu kwa mujibu wa taratibu zilizopo, akisisitiza kuwa hakuna atakayeruhusiwa kujiona yuko juu ya sheria.
Maelekezo hayo ni sehemu ya juhudi za Jeshi la Polisi Mkoa wa Kilimanjaro kupitia kampeni ya Ongea na Kamanda katika kuimarisha nidhamu, uwajibikaji na usalama barabarani kwa watumiaji wote wa barabara.
Akizungumza Oktoba 23, 2026, katika kipindi cha redio cha Moshi FM wakati akiendelea kutoa elimu kwa umma kupitia kampeni ya Ongea na Kamanda, Maigwa amesisitiza kuwa kila dereva ana wajibu wa kufuata sheria za barabarani ili kulinda maisha yake na ya watumiaji wengine wa barabara.
Aidha, Kamanda Maigwa amewataka askari wa Jeshi la Polisi kuwa mfano katika uzingatiaji wa sheria hizo kwa kuhakikisha wanamiliki leseni za udereva na kuvaa kofia ngumu (helmet) wanapoendesha vyombo vya moto vinavyohitaji matumizi ya kinga hiyo.
Ameonya kuwa askari yeyote atakayebainika kukiuka sheria za usalama barabarani atachukuliwa hatua za kinidhamu kwa mujibu wa taratibu zilizopo, akisisitiza kuwa hakuna atakayeruhusiwa kujiona yuko juu ya sheria.
Maelekezo hayo ni sehemu ya juhudi za Jeshi la Polisi Mkoa wa Kilimanjaro kupitia kampeni ya Ongea na Kamanda katika kuimarisha nidhamu, uwajibikaji na usalama barabarani kwa watumiaji wote wa barabara.