Sheikh Abuu: Tujihadhari, amani inaweza kuvunjika kupitia mijadala ya kimadhehebu inayoendelea

[Randy orton]

Mtume alisema uislamu ulianza kama kundi dogo na utamalizika kama kundi dogo.

Yetu macho.

 

[nguvu]

Huyo Abuu ni mnafiq mkubwa, mijadala ya kimadhebu haijawahi kuanza leo wala jana, kwanza yeye si alianzisha mjadala na Abul Fadhil je alijibu hoja au ndio anawatetea hao maraafidhwa wenzake? Hatari sana huyo shehena abuu iddi

Unamuita mwenzio mnafiki?

 

[Bagamoyo]

23 October 2022

JUMUIYA ya BOHORA TANZANIA WALIVYOADHIMISHA SIKU ya KUZALIWA MTUME MUHAMMAD S.A.W PBAH..



Jumuiya ya Bohora Tanzania leo hii imeadhidisha Siku ya kuzaliwa Mtume Muhammad S.A.W sambamba na kuadhimisha siku ya kuzaliwa kiongozi mkuu wa Bohora Duniani Ali Cattar miaka 79 Sherehe hizo zilitanguliwa na maandamano ya Amani kutokea mtaa wa Zanaki ulipo msikiti wa Bohora kupitia barabara ya Biti Titi Mohamed na kuishia katika msikiti wao mwingine Upanga Jijini Dar es Salaam Tanzania

 

[Poppy Hatonn]

Masheikh wanasema yeye ni mmbeya na mfitini,anataka kuwachonganisha na serikali

 

[Mtutuwandei]

Wasipodhibitiwa mtifuano lazima utokee,hawa wanapaswa kuwa chini ya bakwata.

Vipi kuhusu freedom of association?

 

[Mtutuwandei]

Si huwa wanasema kuwa hawajagawanyika?

Wajuzi naomba Sasa tofauti ya wale wa suruali fupi, wale wa kawaida ambao wanafunga na kusubiri mpaka waone mwezi kwa macho na Hawa wapya wanaoviringisha vitambsa kichwani

Ukweli ni kuwa wamegawanyika. Na pamoja na wote kujiita waislamu wana tafauti nyingi kwenye itikadi zao.

 

[The Father of All]

19 January 2023
Dar es Salaam, Tanzania

SHEIKH ABUU - HATARI INAKUJA TUSIPOTOA TAHADHARI KWA MADHEHEBU HAYA MAWILI



Sheikh Abuu Iddi ambaye ni Msaidizi wa Mufti wa Tanzania ametoa tahadhari hiyo kwa kuwa inaweza kupelekea amani kuvunjika nchini Tanzania.

Sheikh Abuu Iddi CV (wasifu) yake imesheheni nyadhifa kadha wa kadha ktk utumishi kwa dini na jamii kwani yeye ni imamu mkuu msikiti wa Masjid Mnyamani Buguruni jijini Dar es Salaam. Pia kwa miaka 16 amekuwa akiendesha kipindi ktk kituo cha televisheni cha Channel Ten kutoa daawa na darsa, mratibu Al Risala Foundation, Mratibu wa Kudumisha Amani katika mkoa wa Dar es Salaam, Mwandishi wa kitabu kinachokwenda kwa jina Misingi 15 ya amani, mwandishi wa makala katika gazeti kubwa la Mwananchi pia ni Mshauri wa dini na jamii wa Mufti Mkuu wa Tanzania.

Sheikh Abuu Iddi ameelekeza tahadhari hii hususan kwa madhehebu ya Sunni na Shia yanayo shambuliana kupitia majukwaa mbalimbali ya mitandao ya kijamii wakiongozwa na viongozi wao.

Amewataja Sheikh Mziwanda na Samir wa upande wa Sunni huku upande wa madhehebu ya Shia kupitia Sheikh Hemed Jalala, Sheikh Abdul na wenzie watatu wakijitetea.

Na pande hizi mbili za madhehebu haya yakinukuu kile wanachoamini kwamba ni sawa kwa upande wa madhehebu yao.

Pande hizo zimewekuwa zikirushiana maneno yanayotishia amani za kila aina mfano amani ya viungo, amani ya roho, kuvunjiana heshima n.k huku wote wa pande hizi mbili wakiwa na wafuasi wao hivyo kutishia amani kwa ujumla ya Tanzania maana wafuasi wa pande hizi mbili zinaweza kukabiliana kutetea pande zao na viongozi wao .

Mfumo wa uendeshaji wa mijadala hii imeleta ukakasi mkubwa huku maneno ya kutishiana uhai baina ya pande hizo yakitamkwa asema Sheikh Abuu Iddi kwa masikitiko makubwa.

Sheikh Abuu Iddi anasisitiza kuwa BAKWATA ni ya kwa ajili ya madhehebu yote na hivyo haiwezekeni dhehebu moja kuzuiwa kuja ktk shughuli za BAKWATA kama inavyochagizwa na baadhi ya waumini kuwa viongozi wa madhehebu ya Mashia watengwe......

Hawa wanaojadili madhehebu ni wakumbaff ambao vichwa vyao vimejaa matope na mabaki ya ukoloni

 

[jiwe angavu]

Vipi kuhusu freedom of association?

Mbele ya usalama wa nchi hakuna kitu kama hicho.

 

[one wisow]

Kwanini ashindwe kusema ukweli kua mashia ni wapotofu au kisa ndio marafiki zao wanaowapa sent

Mashia ni wa kupigwa vita tu hawafai ata kidogo

Kosa lao hao shia ni lipi?

 

[Bagamoyo]

MWAMKO WA MADHEHEBU YA USHIA TANZANIA.​

Sheikh Waziri O. Nyello
aliyekuwa Mwenyekiti wa Tanzania Ithna Ashariyyah Community (T.I.C), amesema kuwa harakati za Sheikh Hemed Jalala za kutangaza Madhehebu ya Ushia zimeleta mwamko wa Ushia Tanzania, ususani sehemu za Vijijini, ukitofautisha na kipindi cha nyuma, pia amesisitiza kuwa vijana ndio chachu ya mabaliko ya aina yeyote hivyo wanatakiwa kumuunga mkono Sheikh Hemed Jalala, hili aweze kufanya kazi zaidi ya kufikisha ujumbe wa Madhehebu ya Ahlul-Bayt (a.s).

Posted by Afroshia

 

[jiwe angavu]

Mashia wanawatukana maswahaba
Wamemtukana Umar,Abubakar na Uthman na maswahaba wengine kma Abuu huraira

Mtu ambae hawaamini maswahaba hawa tuna mashaka sana na imani nae pia wana vitendo vichafu na viovu vingi tu

Wewe hao wasipo waamini hao maswhiba kinachokuuma nini?au wewe ndio mlizi wa mbinguni kwamba utaazuia wasiingie. ?

 

[Bagamoyo]

Sababu Tano (5) za Sisi Mashia Kuwatakia Mkono wa Kheri,Baraka na Fanaka Ndugu zetu Wakristo kwa Kusheherekea Krismasi na mwaka Mpya Wao.​

​

Kiongozi wa Kiroho wa Waislamu Shia Ithnasheriya Maulana Sheikh Hemed Jalala akitoa Mkono wa Baraka, Fanaka na Kheri kwa Ndugu zetu Wakristo kwa Kusherekea Sikukuu yao ya Krismasi na Mwaka mpya, leo Masjid Ghadir, Kigogo Post Dar es salaam, wakati akiongea na Waandishi wa Habari.

Amani ya Mwenyezi Mungu iwe Kwenu Nyote.


Sababu ya Kwanza:
Ndugu zetu Wakristo waliyopo Tanzania na waliopo Duniani kwa Ujumla tunashirikiana nao katika kuamini kwamba Mwenyezi Mungu (swt) alituma Vitabu kwa uchache Vinne hapa Duniani, Kitabu cha kwanza ni Taurat, Kitabu cha pili ni Injil, Kitabu cha tatu ni Zaburi na Kitabu cha nne ni Qur’an.
Injili ni Kitabu ambacho ndicho kipo mikononi na kukifanyia kazi na kukiamini Ndugu zetu Wakristo, lakini sisi waislamu katika Imani zetu ni kuamini Vitabu hivyo vyote, ikiwemo Taurat, Injil, Zaburi na Qur’an, kwahivyo ni wenzetu kwamba tunashirikiana nao kwa vitabu vilivyoteremshwa kutoka mbinguni kutoka kwa Mwenyezi Mungu (swt).

Sababu ya Pili:
Kwanini Mkono wa Krismasi?, Kwani wa kuwapa hongera kwa kusheherekea sikukuu yao ya Krismasi?, ni kwa sababu ni Ndugu zetu. Imam Ali (a.s) anatoa maelekezo wakati akimtuma Malik Ashtar akielekea Misri, katika maelekezo alimuambia unakwenda Misri huko utakutana na Waislamu ni ndugu zako katika Dini, lakini utakutana na watu wa Dini Nyingine hao ni ndugu zako katika Uwanadamu na katika Utu, sisi sote Baba yetu ni Adamu (a.s), tuwe Waislam, tuwe Wakristo, sisi sote mama yetu ni Hawa au Eva (a.s) tuwe Waislam, Tuwe Wakristo.

Sababu ya Tatu:
Kwanini Mkono wa Kheri na baraka na pongezi kwa Krismasi kwa ndugu zetu Wakristo wa Watanzania?, ni kwa sababu ni shehemu ya Watanzania. Kila itakavyokuwa Tanzania ina Waislamu Masuni, ina waislamu Mashia, ina Mapagani, ina watu wa dini nyingine vile Wakristo nao wapo.
Kwahivyo tutaendelea kubakia kama Watanzania Waislamu, Watanzania Mashia, Watanzania Masuni, Watanzania Wakristo na Watanzania wasiokuwa na Dini, kwa hivyo tunapotoa Mkono wa kheri na baraka kwa sababu ya Krismasi ni moja ya Kuboresha mahusiano mema kwa sababu sisi sote tunakusanywa na mwamvuli wa Utanzania.

Sababu ya Nne:
ni jambo la Kuvumiliana, Qur’an inatueleza Umma wa kati na kati, yani umma unaovumiliana, moja ya sababu ya sisi kutoa mkono wa baraka na kheri ya krismasi kwa ndugu zetu Wakristo wa Tanzania, ni kwa sababu ya kutoa funzo la kuvumiliana kwa watanzania na watu wenye dini tofauti.
Na kwamba sisi tutaendelea kubakia na dini zetu, wasije wakadhania Waislam Mashia na Masuni iko siku watawabadilisha Watanzania wote watakuwa Waislamu, siku hiyo haitotokea, wala Wakristo wa Tanzania wasije wakadhania watawahubiria Waislamu Mashia na Masuni watakuwa Wakristo. Kwa hiyo tutabakia Wakristo tupo, Waislamu tupo, Mashia tupo, watu wa Twariqa tupo, kwa hiyo kubwa ni kuvumiliana tukiwa na dini zetu tofauti na Mitazamo yetu tofauti.

Sababu ya tano:
Mwisho jambo la tano muhimu na kubwa, sisi Tanzania ni watu ambao tunaishi kwa Amani, tunaishi kwa Utulivu, tunaishi kwa Kheri, Tanzania yetu haijui vita, Tanzania yetu haijui kugombana, Tanzania yetu haijui Silaha, Utulivu huu na Amani hii kuuboresha ni Wajibu wetu kama Viongozi wa Dini,ni wajibu wetu kama Wanadini.
Moja ya mambo ambayo tunaamini, yataboresha Amani ya nchi yetu, yataboresha Umoja wetu wa Wawatanzania, yataboresha kuvumiliana kwetu tuliokuwa nao Watanzania, ni Vikao kama hivi vya kutoa Mkono wa Kheri ya Krismasi na Kheri ya Mwaka mpya na baraka ya Mwaka mpya, jambo linaloishiria Umoja, Mshikamano na Kukaa Vizuri katika nchi Moja na Taifa moja.

Mwisho: Namuomba Mwenyezi Mungu (swt) Krismasi hii ya ndugu zetu Wakristo, Mwenyezi Mungu aipitishe kwa Kheri, aipitishe kwa baraka, aondoe majanga na mabalaa yote barabarani na majumbani,na aifanye ni Krismasi ya Kheri kwa ndugu zetu Wakristo wa Tanzania wote, lakini pia tunamuomba Mwenyezi Mungu (swt) azidi kuboresha Umoja wetu wa wawatanzania, Amani yetu ya Tanzania,Mungu aendelee kuifanya Tanzania kisiwa cha Amani,Kisiwa cha Upendo, Kisiwa cha Kuvumiliana, Asanteni Sana na Mungu awabariki.

Imetolea na:
Maulana Sheikh Hemed Jalala
Kiongozi wa Kiroho wa Waislamu Shia Ithnasheriya
25/12/2019,

 

[Bagamoyo]

24 December 2022
SHEIKH JALALA ATOA SALAM ZA KRISIMAS KWA WAKRISTO NCHINI

 

[makaveli10]

Kwani mtume((s.a.w) alikuwa suni au shia?
Makundi ni 73,moja la peponi, tujitathmini.

 

[Akhi]

Wewe hao wasipo waamini hao maswhiba kinachokuuma nini?au wewe ndio mlizi wa mbinguni kwamba utaazuia wasiingie. ?

Kajifunze kuandika kwanza halafu njoo tena

Ujinga ni mzigo mzito sanaa

 

[Hammaz]

Kwani mtume((s.a.w) alikuwa suni au shia?
Makundi ni 73,moja la peponi, tujitathmini.

Asili ya madh hab ni dhahaba yaani ni mwendo na mwendo. Wingi wake ni madh hab ni mwenendo.

Kulikuwa na madh heb zaidi ya 10 na yalijulikana. Kipindi cha Taabeena wote walikuwa ni mujtahid. Wale ambao hawakuwa mujtahid walikuwa wanawafuata Imam zao.

Watu wa dasmus walikuwa wanawafuata (Maimam) Muadh ibn Jabar na Abu Dardar. Watu wa Kufa walikuwa wanawafuta Abdallah ibn Mas'oud na Ally ibn Taalib. Watu wa Madina walimfuata Imam wao Abdallah ibn Umar. Watu wa Makkah walimfuata Abdallah ibn Abbas.

Hivi ndivyo madh heb yalivyoanza na hao wote ni maswahaba wa Mtume Muhammad swallallahu alayhi wasallam. Maswahaba wa Mtume ni 124,000. Hivyo kuna wengine walikuwa ni wajuzi zaidi ya wengine kwenye elimu na baina yao kuna wengine walikuwa na sehemu ya elimu ambayo mwengine hana!

Na ndiyo maana inahimizwa tusome tusiwe watu wa kupinga pinga kisa kasema Sheikh unayemkubali wewe!

Baadhi ya Tabiina walikuwa ni wanawazuoni wakubwa walichukua elimu kutoka kwa maswahaba tofauti. Na Tab tabiina came to develop and compare and discuss. Wa kwanza alikuwa Imam Akbar Nuuman ibn Thaabit Imam Abou Hanifa. Imam Malik na madh heb mengine ni ya Sufyan Ath-thawriy nchini Iraq. Ibm Saad nchini Misri. Al Imam Al Auzairii nchini Syria n.k madh-heb ya Imam Idrisa ibn Muhammad Ashafiiy. Mpaka madh-heb ya Imam Ahamad bin Hambal.

Hivyo, mtu akiulizwa unafuata madh heb gani wanamaanisha ufahamu wako wa quran na hadithi unafuata kwa mwenendo wa nani? Maadamu huo mtiririko wa kufuata na kirithishwa elimu ndivyo yalivyopokelewa na wanafunzi wao mpaka kutufikia sisi, hivyo wa zama zetu hatuna jipya bali tumepokea elimu hii ya dini kutoka kwa miongoni mwa hao maswahaba. Kwa misingi hiyo mwenendo wangu wa mapokeo ya elimu ya dini ni ya Imam Shafii kwa maana madh-heb ya Imam Shafii kama ulivyopokelewa na wanawazuoni kama walivyowaelewa wanafunzi wa maswahaba kama maswahaba walivyomuelewa Mtume.

Ndivyo Tabiina na Tabtabiina walivyoishi na sisi ndivyo tunavyoishi. Walifuata mwenendo wa Imam zao na si tunarithi kutoka kwa wanafunzi wa hao maimam ambao ndiyo wanawazuoni wetu.

__________________

Kesi ya Shia ni kutokana na sahaba mmoja wa Mtume aliyesilimu kinafki na Mtume alimfahamu. Huyu Sahaba anaitwa Abdillahi ibn Saaba. Umar akamwambia Mtume huu ni ugonjwa na inabidi utafutiwe dawa. Na Umar akisema daawa anamaanisha inabidi wauliwe. Hoja ya Umar ni kuwa ukiachwa utaenea. Hivyo, wauliwe mara moja kabla ya hawa wanafik wakavuta kundi baina ya waislam na kuwaathiri kwa unafik wao.

Mtume akwambia hapana ewe Umar! Isije ikasemwa Muhammad amewaua masahaba zake na kufupisha histori na kwamba Ushia umeanzia kwa Abdillahi Ibn Saaba! Lakini mashia wenyewe wametofautiana kuna wengine wanafuata fiqh yetu na kuna wengine fiqh yao wanawazuoni wa sisi sunni tunafuata: Haya ni masuala ya kielimu ni mazito sana!

Tufanyaje! Sunni and Shia have lived peacefully together for centuries. Dili na imani yako, ifundishe familia na jamii yako iifahamu haki ni ipi na maadamu unampenda Mungu heshimu viumbe wake. Ikhtilafu baina yetu isiwe vurugu. Kama wao wanaamini hivyo sisi sunni tunaamini hivi. Pengine inatubidi tujue Mtume alidili vipi na watu waliyomtukana itatufungua zaidi.

 

[grand millenial]

Lifahamu dhehebu ya Shia Tanzania

Toka maktaba:

Waasisi wa madhehebu ya Ma- Shia nchini Tanzania

Simulizi za wazee wetu : Waasisi wa madhehebu ya Ma- Shia nchini Tanzania na kwanini dhehebu la Shia lina kanuni la kukubali vijana wao kuuliza maswali (tabligh) wakati Sunni hukataza vijana wao kuuliza maswali na kulazimishwa kuwa mkubwa ktk imani yaani sheikh / Imamu / Maalim akisema basi yeye ndiye anafahamu ilm yote ya dini

(NZIMA)-SIMULIZI YA MAREHEMU SHEIKH ABDALLAH SEIF (1939 -2020) - HISTORIA YETU part 1



KIU YA ILMU, SHEIKH ABDALLAH SEIF ILIMPELEKEA KUSOMA KWA MIAKA 11 MFULILIZO KATIKA NCHI ZA IRAQ, LEBANON NA IRAN (1968-1979)

Sheikh Abdallah Seif Linganaweka anatujuza kuwa Wenyeji wa Lindi jina Lao la asili ni Wakudewe kwa sasa almaaruf wanafahamika kama waMachinga wa pwani ya Lindi.

Babu yake Babu Abdallah Seif alikuwa mfalme Mlinganaweka AleiwaLunga mwenye watumwa baada ya kuwazidi wanyonge majirani kuja kuwatumikisha kujaza vyakula. Mfalme Alei(Ali)waLunga.. wa Lindi.

Baada ya kuja mkoloni Muingereza nchini Tanganyika, aliua ufalme na kubakiza uchifu. Sehemu za pwani ziliathirika kwanza kwa kupoteza ufalme mapema kabla ya watu wa bara.. Pwani wakabakia na usheikh na uchifu... usiokuwa na nguvu kama falme za asili za maeneo yao Lindi / Kilwa kabla ya kuja ukoloni...

Sheikh MbogaBure mjuzi wa lugha ya Kiarabu, dini pia mmoja wa waanzilishi wa madhehebu ya Shia Tanzania amuunganisha Mzee Abdallah Seif kupata scholarship kwenda Baghdad, Iraq mwaka 1968 kusoma zaidi dini...

Kijana Abdallah Seif mwaka 1968 alipokwenda Kijijini ashutumiwa kupotea kwa kuukumbatia u-Shia mojawapo ya madhehebu ya dini ya KiIslamu, wakati wengine wote ni Sunni. Lakini babu yake msomi wa dini madhehebu wa Sunni anayetambulika Lindi na Kilwa hakuwa anatoa shutma zozote alikuwa msikivu na kumtia moyo Abdallah Seif asome zaidi na ili kuifahamu dini vizuri zaidi.

Kilichomsukuma Sheikh Abdallah Seif kuvutiwa na u-Shia ni namna masheikh wa ki-Shia walivyokuwa wazi (tabligh) kukaribisha maswali tofauti na madhehebu mengine ya KiIslam ambapo kijana hakuruhusiwa kuhoji na pia kuuliza maswali ilikuwa inachukuliwa ni utovu wa nidhamu kwa waalimu au masheikh wake.

Safari ya Sheikh Abdallah Seif wenzie vijana wakiwemo kina Sheikh Isihaka Pingili kwenda Iraq kwa meli iliwachukua mwezi mzima kupitia bandari mbalimbali za Zanzibar, Tanga, Mogadishu, Bahrain na kuishia Basra nchini Iraq na kutua katika chuo cha Hawza mji wa Najaf Iraq

Ujio wao Basra, Iraq ulileta tafrani kwa mwenyeji wao Mpakistani mfanyabiashara mkubwa nchini Iraq enzi hizo na kupelekea Saadam Hussein kumshutumu mfanyabiashara huyo tajwa kuleta majasusi wa kiAfrika ikumbukwe ndiyo kwanza Saddam Hussein na chama chake cha Baath walikuwa wanajaribu kushika hatamu za kuongoza nchi baada ya mapinduzi nchini Iraq. Mpakistani huyo alinyongwa mwaka 1969 pamoja na wafadhili wengine kama kuna Bakri Sadr waliowezesha ujio wa vijana wa kiAfrika kuingia Iraq kwa dhumuni la kusoma dini.

Kutokana na hilo ikabidi Sheikh Abdallah Seif, Sheikh Isihaka Pingili na vijana wengine wa kiAfrika waondoke Iraq mwaka 1970 kwenda Lebanon kwenda kuendelea na azma yao ya kusoma dini.

Sheikh Abdallah Seif wakakaa Lebanon kuanzia mwaka 1970 mpaka 1978 ambapo mara nyingine masomo ya dini yakaingia changamoto baada ya vita baina ya Wapaletina waliokuwa kambi za ukimbizi Lebanon na waLebanon wenye nchi na kuzua vita vya wenyewe kwa wenyewe.

Mwaka 1978 Ikabidi Sheikh Abdallah Seif na wenzie wahamie nchi ya jirani ya Iran kwenda katika mji wa Qom city kuendelea na masomo yao ya dini. Iran ilikuwa imetulia nchi ya amani chini ya utawala wa mfalme (Shah) Mohammed Reza Pahlavi Historic Personalities of Iran: Mohammad Reza Shah Pahlavi miaka 7 waliakaa Iran wakiendelea kusomeshwa.

Wakati wa likizo Iran wengine wenda Ufaransa kuchuma zabibu mashambani au kufanya kazi sehemu za utalii wa ndani wa Iran au kuchukua mabusati ya kushona ya Iran yanayosifika Uarabuni kote kwenda kuyauza ktk nchi mbalimbali za Arabuni ndivyo mwanafunzi kama Sheikh Abdallah Seif na wenzie vijana walivyojiongezea fedha za kujikimu na kupeleka kiasi cha pesa nyumbani Tanzania.

Hatimaye mwaka 1980 baada ya kusoma kwa miaka 11 nje ya Tanzania ,walitunikiwa shahada ya baccalauréat ya masomo ya dini na kurejea Tanzania. Kwa miaka hiyo 11 ughaibuni pia waliweza kusoma elimu ya secular kiwango cha sekondari kwa njia ya posta masomo ya nchi ya Uingereza kwa msaada mkubwa wa swahiba wa kiongozi wa kijeshi wa Nigeria Jenerali Yakubu Gowon. Swahiba huyo alikuwa mfanyabishara wa vituo vya mafuta na makazi yake Uingereza.

Mahojiano haya yanakuja kwa hisani kubwa ya Ammar Dachi aliyemshawishi Mzee Abdallah Seif kufunguka historia ya mapito yake, ukoo , ilmu na utafiti wa mafuta 1955 na pia ujio wa madhehebu ya Shia nchini Tanzania


HISTORIA YA ABDALLAH SEIF (1939 -2020) Part - 2



Sheikh Alhaj Sheikh Abdallah Seif Linganaweka mzaliwa na mwenyeji wa kijiji cha Mnan’gole sehemu za Dimba mkoa Lindi Tanzania anaendelea kusimulia kazi kubwa aliyofanya ya kujitolea ya kueneza dini.

Sheikh Abdallah Seif anasisitiza umuhimu wa ilmu na elimu kwa wanazuoni wote wa KiIslamu.

Anasema ili sheikh awe mwanazuoni aliyekamilika kufundisha chuoni lazima kusoma ilmu ya dini kwa angalau miaka 15.

Anakumbuka alivyokuwa mjini Qom Iran akisoma chuoni alionana na wazee wenye umri wa miaka 70 wakijiendeleza na kuwaambia wao vijana kuwa inahitajika jumla ya miaka 35 ili kuielewa dini nje ndani kwa ufasaha. Wazee hao walicheka waliposikia vijana Sheikh Abdallah Seif, Sheikh Isihaka Pingili na vijana wengine toka Afrika wakisema wanataka kusoma dini kwa miaka 5 mpaka 10 tu ilihali wametoka Afrika na kuwaambia bila kupepesa macho kuwa ili wawe wabobevu wafikirie miaka angalau 15 ya ilmu ya dini ngazi ya chuo.

Hivyo akiwa amepikika kwa elimu tosha ya kidini baada ya kufanya kazi kwa takriban miaka 11 nchini Tanzania, mwaka 1990 sheikh Abdallah Seifu alikwenda Nampula jimbo la Cabo Delgado nchini Mozambique kufanya kazi ya dini.

Kisha sheikh Abdallah Seif alishuka mpaka mji mkuu wa Maputo Mozambique na alisaidia kufungua taasisi rasmi inayotambulika na serikali na kupewa leseni iliyosajiliwa Maputo Mozambique kwa ajili ya taasisi ya Shia Ithna-Asheri Muzdalifah . Sheikh Abdallah Seif anazungumza lugha za Kiswahili, Kiarabu, Kiingereza na Kireno.

Source : Asadiqmedia

RAMBIRAMBI NA WASIFU - Marhum Sheikh Abdallah Seif



Source : Asadiqmedia
MK254

"wakati Sunni hukataza vijana wao kuuliza maswali na kulazimishwa kuwa mkubwa ktk imani yaani sheikh / Imamu / Maalim akisema basi yeye ndiye anafahamu ilm yote ya dini"

👆👆👆 unaweza kuweka dalili?

 

[Bagamoyo]

"wakati Sunni hukataza vijana wao kuuliza maswali na kulazimishwa kuwa mkubwa ktk imani yaani sheikh / Imamu / Maalim akisema basi yeye ndiye anafahamu ilm yote ya dini"

👆👆👆 unaweza kuweka dalili?

Maneno mazito ya kuzingatiwa ya Mwanazuoni Sheikh Abdallah Seif Linganaweka mpaka akatunikiwa kilemba cha (u- ayatollah)kuashiria kutambuliwa usomi wake katika imani yake ya dini aliyopata katika vyuo kadhaa alivyosoma kwa bidii miaka kumi na moja mfululizo.

 

[Akhi]

Maneno mazito ya kuzingatiwa ya Mwanazuoni Sheikh Abdallah Seif Linganaweka mpaka akatunikiwa kilemba cha ayatollah kuashiria kutambuliwa usomi wake katika imani yake ya dini aliyopata katika vyuo kadhaa.

Kumbe we jamaa ni shia?

 

[Smart911]

Tupo salama...