Naibu Katibu Mkuu wa Twariqa Tanzania, Sheikh Haruna Hussein, ametoa onyo kwa aliyewahi kuwa Balozi wa Tanzania nchini Cuba na kada wa CCM Humphrey Polepole akimtaka kuacha mara moja kutoa kauli ambazo amedai zinalenga kuchafua viongozi akiwemo Rais Mstaafu wa awamu ya nne Dkt. Jakaya Kikwete.
Sheikh Haruna amesema Polepole alipaswa kuyazungumza anayoyazungumza sasa alipokuwa Katibu wa Halmashauri Kuu Itikadi na Uenezi wa CCM, na siyo kwa sasa.
“Humphrey Polepole anayoyaongea yupo sahihi kabisa hajakosea, sisi kama viongozi wa dini tunamuonya aache” amesema Sheikh Haruna.
Aidha, amemuonya kuhusu kauli ambazo amesema zinaashiria kumchafua Rais mstaafu wa awamu ya Nne Jakaya Mrisho Kikwete. Huku aki akibainisha kuwa Polepole kama mwanachama wa chama ana haki ya kutoa maoni yake, lakini si kwa namna anayoitumia hivi sasa.
Sheikh Haruna ameyasema hayo Septemba 1, 2025, wakati akizungumzia mwelekeo wa uchaguzi mkuu unaotarajiwa kufanyika mwishoni mwa mwezi Oktoba mwaka huu.